هلا حبيباتي
معلش تاخرت بالاجابه شويه لانى مشغوله
برد ردود سريعه وان شاء الله بكره بجاوب بالتفصيل
حبيبتي بسنت المصريه
اه بعرفها حبيبتي
اللى اعرفه ياحبيبتي ان اللاصقات اللى تقولى عنها بتستخدم فى حالات الحروق مثلا لتساوى الجلد استعدادا لجراحة التجميل
هى بتتباع فقط فى الصيدليات الكبيره زى على على والعزبي غاليه هى وبتبقا شريحه واحده بالعلبه وتتقص وتستخدم كذا مره
عموما هاسالك اخصائية جلد فى الحكايه دى بالتفصيل واقولك ان شاء الله
حبيبتي little cat
يعنى الان ظهرك واكتافك مافيهاش حبوب ملتهبه فقط موجود اثار الحبوب؟؟
لو اثار ديرموفيرا راااائع جدا بس بيحتاج وقت بس فعلا بيقضى تماما على اثار الحبوب ولا كانها كانت موجوده
انا اقصد بانه خفيف انه مش بيأذي البشره لكن مفعوله حلو جدا
صعب حبيبتى اقولك على كريم تقشير كدا لان كريمات التقشير بتحتاج متابعه
هاتى ديرموفيرا واستخدميه بس اتبعى النصايح بالظبط اللى انا كاتباها فى استخدامه
وعموما لاى اخت تشتكى من آثار الحبوب هى كدا كدا ان شاء الله بتختفى بس بتحتاج وقت بس
لان الجلد بيجدد نفسه
حبيبتي ورده قست عليها الايادى
حلو الجدول حبيبتي
وعادى تستخدمى روتاج كل يوم عادى هو مكتوب كدا عليه اصلا
كمان الكريمات خفيفه على الشعر
بس حاولى تستخدمى صبار كمان بيدى نتيجه حلوه اوى
بالنسبه للحلبه ماقدرش افيدك بيها اذا حلوه او لا
بس مش كل حاجه ادت نتيجه حلوه مع واحده يبقا هاتدى نتيجه حلوه مع الكل
طبيعة كل واحده بتختلف
الحلبه ممكن تكون قاسيه على الشعر مع واحده وواحده تانيه تكون معاها رائعه
بالنسبه للصدفيه بسألك ان شاء الله بالتفصيل اخصائية جلديه استنى منى الرد ان شاء الله
شفاك الله وعافاك
حبيبتي happy_ahmed
اززيك ياغاليه
وأنا أقول أنا بحبك كده ليه بحبك كده ليه أتارينى كنت ناسية
دحكتيني والله الله يرضى عنك
طبعا فاكراكى لما سألتي فى موضوع الازياء يعنى ايه لبس شهره صح؟
وقلتيلى ساعتها انا لابسه اسدال وخايفه ليكون مش متوافر فيه شروط الزي الشرعي كامله
شوفتى فاكره بالظبط ازاى
مبــــــــارك ياحبيبتي ارتدائك للنقاب
ما شاء الله تبارك الله
أحسنت وخيرا فعلت
الله يحفظك يارب فرحتيني والله ربنا يثبتك يارب وعقبال كل البنات يارب
جدولك لقيت فيه كريم A1 كمرطب
هو واقى للجلد يعنى واقى من اشعة الشمس مثلا وكدا وبيستخدم مره باليوم صباحا فقط
لانه لو مرطب هايكون عادى تكرريه وهو مش مرطب
فكريم A1 استخدميه كواقى من اشعة الشمس
المرطب شوفى اى كريم اخر بس يكون خفيف
لو مرطب لليد احلى حاجه جليسوليد طبعا وياريت يكون الاصلى
انا كنت كاتبه الوصفه دى بالجزء الثالث بس دى لليد او للقدم مش للوجه لانها تقيله على الوجه اوى
حبيبة110:
هلا حبيباتي
اقولكم على وصفه حلوه لتنعيم وترطيب وتفتيح لون اليدين
ملعقة كبيرة فازلين
ملعقة كبيرة كريم جليسوليد الاحمر
ملعقه جلسرين سائل
نصف ليمونه
نصف ملعقة صغيرة زيت لوز حلو
نصف ملعقة صغيرة زيت سمسم او زيت زيتون او زيت خروع
بودرة تلك
ماء ورد
تخلطي الاول الفازلين والجليسوليد والجلسرين مع بعض ومعاهم الزيوت
بعدين بودرة التلك حوالى تقريبا ملعقتين كبار او على حسب
بعدها ماء الورد وتقلبى لحد مايتكون معك كريم
وتضيفى عصير نصف ليمونه
تحطى الكريم فى علبه مغلقة هو بيكون كريم سايل شويه وتدهنى منه قبل النوم او عادى باى وقت
بس مهم جداااااااااااااااااا ماتخرجيش بيه فى الشمس طيب
لان عموما الكريمات المرطبه او الزيوت فى الشمس بتسمر
كمان افضل طريقه لدهن الكريم تكون بعد غسل اليد بماء دافئ ثم تنشيفها قليلا ودهنها بالكريم
هايعجبكم اوى ان شاء الله
حبيبتى عاطفة جياشة
تسلمي ياغاليه على كلامك الحلو من ذوقك والله(f) (f) (f)
الله يرحمنا جميعا
والماسك الىل قلتلك عنه هايعجبك ان شاء الله ياغالية وممكن استخدامه بدل الحمام المغربي كمان هاقولك عنه بالمشاركة الجايه ان شاء الله
(f) (f)