محتاجتكم

السلام عليكم ورحمة الله وبركاته
انا اشتركت في ها المنتدى من فتره صغيره كتير وكتييركنت ازوره من قبل عجبني الترابط الي بين اعضائه والتواصل المميز بين الجميع ما بدي اطول عليكم بس هالشي ساعدني وشجعني اشكي همي واحكي قصتي لعلي الاقي بكلامكم الشي الي يوصلني لبر الامان يريحني نفسياً

الموضوع اني متزوجه من انسان حبني وحبيته وتزوجنا و كانت اول سنه من حياتنا جميله جدا متفاهمين على كل كبيره وصغيره متناقش في كل الامور صحيح ان كان مزاجي بعض الشيء لكن كان هالشي ممكن اتحمله من باب انو بيدلع علي وبيطلعله والحمد لله الحين بينا اولاد ما شالله عليهم ربي يحفضهم ويخليهم ويجعلهم من الصالحين اللهم امين ويهدي ابوهم يا رب

المهم كان زوجي مزاجي ومزاجه صار حاد وصعب اتر من اول بكتيراحيانا بيكون رايق وبيجنن واحيانا مش طايق حالوا ولا الي حوليه وبصراحه كتير بتحمل هالشي ومرات بعترض ما بيعجبني وبينتهي الموضوع على مشكله لكن بصبر نفسي وبحاول اتزكر كل شي حلو فيه على شان ما اعظم عيوبه بعيني وبقول معلش ما في انسان كامل والكمال لله ولازم الواحد يصبر على الكبيره والصغيره لانه الله مع الصابرين لكن الامور لكن الامور صارت تتطور وصارت الفجوه بينا تكبر لحد انا ما رحت عند بيت اهلي الي هما في بلد تانيه وقعديت ستة اشهر المهم الحمد لله رب العالمين رجعت لزوجي وانا مسامحيتوا على كل الي صار بينا والي بدر منه وهو نفس الشي ورح نبدا حياه جديدة وحلوة متل ما خططنا وحلمنا زمان المهم والله زوجي كان متغير للاحسن كتير وبعاملنا بلطف وبكل موده لكن كنت اشوف منه شي كان يخوفني لحد ما اتأكدت منه زوجي كان انسان مداوم على الصلاه وكان يأجل اي شي على شان يصلي وكتير احيانا اذا اتأخر على الصلاه في المساجد بسبي كان يعصب ويزعل لكن بعد رجعتي من السفر ما صرت احسه بيصلي ابدا والله لما كان تفوته صلاه كان يقضيها على طول وطول اليوم يلوم حاله
لكن هالايام الدنيا ما خديته وان مش عارفه شو اعمل حكيت معاه كتير من كل الابواب احيانا بيتقبل مني وبيسكت وبيوعدني خير واحيانا بيصرخ فيني بيقول انتي مالك خص ولا تعلقي :( بصراحه بنزعج كتير بس انا ما بدي اسوي مشاكل قدام الاطفال بسكت وبحس بقلبي سكاكين
فهمته انه من شان الاولاد لازم يرجع يصلي
من شان الله يكون معاه في كل حاجه لازم يكون مع ربه بصلاته
ضليت واتبعت اسلوب القصص الي فيها عبر وسميتها قصص ما قبل النوم
وصرت كل يوم احكيله قصه وبس صارت القصص تتدخل في التخويف وشو صار لناس تركوا ربهم صرت احسها صارت تجيب نتيجه صار يصلي الضهر يقضي العصر مع المغرب يصلي الجمعه بس رحع قطع ما عاد يحب احكي على الرغم انه كان يحب احكي ويسألني بس مش عارفه وانا حيرانه من وين ارجع ابده معاه شو اعمل وانا حتى ترك ما بقدر اتركه لعدة اسباب ساعدوني حتى لو في الدعاء وانا والله بدعيله والله يعلم يــــــــــــــــــــــــــــــــــــــــــــــــــــارب