كيكة التمر بالتوفي من مطبخي وصور بعدستي

طريقه سهله وسريعه وانجحت معاي من اول مره مشالله..

المقادير:

كوب ونص طحين رقم واحد
كوب وثلث سكر
ملعقه كبيره ونص هيل و دارسين (قرفه) مطحونه
ملعقه شاي ونصف بيكينج بودر
ملعقة شاي ملح
بيضتين كبار
نصف كوب حليب سائل
كوب تمر منزوع النواه

الطريقه:

تخلط المقادير الجافه مع بعض ويضاف اليها باقي المقادير السائله على دفعات مع التقليب المستمر في اتجاه واحد اذا كنتي تخلطين يدوياً ولكن يفضل استخدام خلاط الكيك..

تدهنين القالب وتصبين الخليط فيه وتحطينه فالفرن على حراره 160 لمدة 40_45 دقيقه ..

مقادير التوفي
كوب سكر
ملعقه كبيره زبده
ثلث كوب حليب سائل

الطريقه:

يسخن السكر على نار متوسطه حتى يذوب ويصير لونه ذهبي وبعدين حطي عليه الزبده والحليب مع التقليب السريع باستمرار حتى يتجانس الخليط ..

وهذي صور الكيك في مراحله..