لكل الأمهات المتعبات ... شعار .. لا حفاضات بعد اليوم... الحملة الثانية

أسماء زكي الدين:
أمهات الست شهور ... تبدأ عملية تنظيم التبرز من الشهر السادس ويكون في بال الأم أنها لا تدرب طفلها على التحكم في الإخراج أي نوع كان إنما تنظمه فقط ...


ستبدأ بإجلاس الطفل على النونية بعد تناوله وجبة الإفطار أو الرضعة الصباحية بساعة بالضبط أجلسيه لمدة خمس دقائق فقط بدون أن تبذلي اي جهد ... ويمكنك أن تقومي بصب قليل من الماء على الجهاز التناسلي للطفل لحثه على التبول ...



مع تكرار الموضوع كل يوم ستلاحظ الأم أن الطفل يعملها مرة ولا يعملها مرة .. وبعد فترة ستجده يعملها كل يوم وإن لم تلحقه في ذلك الوقت على الحمام راح يعملها على الحفاضة ... (الحين باتكلم على التبرز) ...



بعد اسبوعين خليها مرتين في اليوم مرة الصباحية ومرة قبل النوم مباشرة عندما تجهزينه للنوم ..

ويلبس حفاضته وخلاص د.

foo6a:
مبروك لك ياام كنده :clap:
ومبروك لكنده وعطيها بوووووسه كبيييييييييييييره مني
عندي سؤال انتي تدرجتي بشيل الحفاظ والا مرهوحده شلتيها حتى بالليل؟؟

جمـــانة:


ام حمود تابعي الدروس معانا ولا تحكمي على طفلك قبل التجربة.. وكلها ملصقات سعرها رخيص وشوية العاب بسيطة...
فلا تستخسري المحاولة...

فيه رد خاص الى وحدة من العضوات عمر بنتها مثل ولدك.. بحاول احصله واحطه لك عشان تشوفي شلون النظام اللي كانت متبعته... :)

أسماء زكي الدين:


حبيبتي أنت لست بحاجة لأن تخبريها هذا شيء طبيعي بالفطرة الكل بيسويه بدون توجيه مو مثل مسكة الملعقة ...

أنت لا تقولي لها شي ... أنت ابدي معاها اسبوعين مثل طفل الستة شهور علشان تدربي مثانتها لكن خليها في أوقات معينة في البداية ... يعني الصبح بعد استيقاظها من النوم مباشرة .. ثم بعد إفطارها بساعة .. لما تستيقظ من القيلولة (حتى وإن كانت عاملة) بالليل قبل النوم ... وقولي لها تعالي نسوي (ببي في الحمام) ..

كنده88:
هلا ............ اختي

بالنسبه لي انا بديت قبل كذا بشهر لمده اسبوع وبعدين رجعت للحفاظ ..... وكنت في ذيك الفتره ادرج مره اشيلها ومره خليها لبستها خاصه اذا كنا جاين من مشوار والحفاظ نظيف

وبعدين انتكست وعلتها كذا مره على نفسها ............ فقريت بكتاب انه ارجعي لبسيها الحفاظ لمده اسبوعين زياده وابدي معاها من جديد .......... وهذا الي صار بديت الحين معاكم بتقبل اكثر

اما اليل ياعزيزتي ....... جست نبضها وحسيتها ما تبول باليل الحفاظ تصحا فاضي واخذت الخطوه الجريه ............ وشلت الحفاظ بس اذا صحيت مثلنا وطلبت حليب البسها حفاظ لين ما تعودت انه مافي حفاظ باليل

جمانه ............ انا بعد مثلك كنت على اعصابي وكل نص ساعه اوديه وبعض المرات تبكي .......... لين بديت اتبع معاه اسلوب ثاني اذا شربت مويه او عصير يعني سوايل اوديه بعدها بنص ساعه ........ واذا ما شربت شي استنى عليها 3 ساعات او اقل شوي.......... والحين بديت اسئلها واقولها تبين الحمام ............. ؟

اما بالنسبه لكاكا ( كرمكم الله) ........... صرت اعرف موعدها كل يوم ووديها تبول وقولها استني شوي ......... بقولك قصه

وكنده ماشاء الله عليها من يومها تكره تسوي الككا بالحفاظة ودايما تقولي غيرلي .... بسرعه

ولما شلت الحفاظ على اذا بتسويها تقول ابغى الحمام وتبكي هههههههههههههه

أسماء زكي الدين:


بالنسبة لبنتك ممتاذ إنك كنت باتقعديها لكن يظهر إنك لم تتخذي مواعيد ثابتة لذلك .. علشان كدة ما كانت بتعملها ..

لما تقعديها حاولي تدلكي لها بطنها وهي على النونية .. ورشي على جهازها التناسلي شوية مية فهذه من شأنها تحثها على التبول وبعد ما تخلص وتعملها قولي لها شايفة أنت فين رميتي البي في الحمام وعلشان كدة خذي ملصق وبوسيها واحتضنيها ...

وطالما عندك إجازة حاولي تشيلي الحفاضة أطول فترة ممكنة ولو شلتيها على طوووول بيكون أحسن ... ولازم تكوني أنت المنتصرة حطي هذه في بالك ما راح تغلبك قطعة القطن التي تلملم القاذورات ... يا أنت يا أنت ... :clap: :clap:

الورده المكنونه:
سلام

انا ان شاء الله بدي معاكم بعد جم يوم لاني حاليا مشغوله قاعده ابدل اثاث صاله الجلوس
اول ما اخلص راح ابدي معاكم

sahare:
انا من اول ما سمعت شلت الحفاض عن بنتي صارت تعمل الخفيف في الكلوت الله يعزكو وفي الليل اول ما تلبس الحفاظ يصير معها امساك ريلي قعد يصوت علي انو ما بدو يلبسها الكلوت لانو طول اليوم مابتعملها الي في الحفاضة وهذا سببلها امساك ما بعرف شو اسوي

um_mohmed:
شكرا أخت جمانة على الرد وإذا في معلومات ثانية طرشيلي ياها وأنا اشتريتله ألعب وملصقات بس أحسه يفهم حق الألعاب أكثر من الملصقات وبجرب أشيل عنه فترة أطول يعني من الظهر للعصر أوكي ها فالبداية وعقب يومين بزيد المدة إنشاء الله والله إني متشجعة حق الحفاظ أكثر من الفطام بالليل لأني بالليل أكون مدوخة وأحيانا أقدر عليه وأحيانا ما أقدر ويمكن لأني ساعات التزم وساعات ما التزم يؤثر ها الشيء وما انتصر بس ما علي لين الصيف إنشاء الله أفطمه عن رضاعة الليل واليومي وأشيل عنه الحفاظ بعد بس الله يقدرني إنشاء الله.

أم عزوز001:
شكرا اختنا ومعلمتنا
جمانه
انا بحاول اكثرواكثر وإنشاء الله سننتصر نحن معشر الأمهات
ودي لو تسوين مراحل الفطام من الرضاعه ماعليكي امر ولدي معذبني ودي افطمه بس يصيح (ابي ديديه)هو يلعب بالرضاعه اكثر مماهو يرضع
وشكرا:shy:

مرمر:
موضوع يا بوقته

بنتي بتدخل السنتين بعد اسبوع ...

و انا شريت لها الكرسي الي ينحط على الحمام و هي مستانسه عليه .. و اغسلها و انظفها و هي عليه ...و شريت لها قصه فيها البنت تروح الحمام و اقراها لها و بعد فرحانه على القصه

تعرف تقول بوبو لكن بعد ما تكون وصخت عمرها و خلصت ... و يوم ايلسها على الحمام ما تسوي شي لكن مجرد ما البسها الحفاضه تسويها ...بعدها مب راضيه تستوعب ان لازم تسويها بالحمام ...و انا افرغ محتويات الحفاضه في الحمام و اخليها تسحب السيفون و تستاني و تقول ((باي باي بوبو خايس روح بلوعه))

و بالويك اند بروح اشتري لها ملابس الداخليه الي ما تسرب


و من تجربه وحده من الاخوات قالت لي اذا وصخ الطفل لا تلومينه و دايما لومي الوساخه انها هي الي مب زينه و طلعت و وسخته و ما انتظرت لين يوصل الحمام ..لكن لا تحطين اللوم على الطفل لانه ممكن يتعقد و يكره يسويها اذا حطينا الغلط عليه
لكن من تجربتكم هل سنها مناسب ...و هل بتفهم بالاستكرات ا ذا سويت لها لوحه