ساعدوني ابي المشوره

حبيبتي حاولي تسوين له ليله رومانسيه سوي له شموووع وحركااااااااااات وعشاء خفيف وطفي الانوار وولعي بس الشموع ودلعيه شوي


اتوقع غصب يرضى معليش قلبي تحملي شوي ولاتضغطين عليه بسالفة السفر خليه لحد ما يهدى

مادري شالمشكله ..
بس إنتي ماقصرتي بعد ..
وحاولتي معاه .. ودلعتيه ..

شنو يبي أكثر ..
سكتي عنه وشوفيه شيسوي ..
يمكن يجي ويكلمك ..
ولا في مشكله في عمله أو شي ..
أو أحد من اهله ضايقه ..
بس بعد ما أظن لان إنتي مالج ذنب ..

والمفروض عليه يحل مشكلته معاج .. دام إنها على أسباب تافهه ..
جان كلمتيه وقلتي له إن اللي بينكم ماله داعي لهالزعل كله ..

والله يوفقكم مع بعض ..
ويحل هالشوء التفاهم مابينكم ..

ما اقول غير الله يعينج بس

أختي :

أغلب الرجال عندما يعصبون لشيء ما


يصرخون في وجه زوجاتهم ليس لأنها


هي التي عصبته إنما عصب لأمر من الأمور .......


أختي :


أنفع حل ناجح لا تتحدثي مع زوجك إلا إذا لزم الأمر

أنت الآن تتحدثين إليه وهو عصبي أكيد أنه يعصب في وجهك

هو يعصب لا تسأليه مالأمر الذي عصبك أتركيه وحده

يعصب ويخرج مابه من عصبيه أنت الآن تتحدثين إليه

يزيد العصبيه ... وبعد يوم أو يومين يعود إليك ويتحدث

وينسى أنه عصب ..............


هذا الحل من أنفع الحلول و الأغلبية من النساء

عملن بهذا الحل والحمد لله نفع وفي كل مره

يعصب يتركونه يعصب وحده ........


اللهم إني أسألك أن تيسر أمورهم وتفرج كروبهم

و تؤلف قلوبهم وتجمع شملهم وتصلح شأنهم وتجمع بينهم

وأن تجعل القرآن ربيع قلوبهم ونور صدورهم وجلاء أحزانهم وذهاب همومهم .. آمين

مشكورين على ردكم لي بس بصراحه انا مابي اراضيه ابيه هو يجي ويبدأ لأني دايم انا الي الاحقه واراضيه عاد مليت مو كل مره انا
اذا هو يحبني صدق ومايقدر على بعدي هو الي لازم يراضيني لانه زودها معاي على امور يايخه

اختي يمكن هو كان وايد متضايق فكان معصي وانتي باسلوبج زودتيه في ناس لما يعصبون ما يحبون حد يكلمهم ولما تساليهم عن اللي مضياقهم يعصبون لانهم ما يبون يتكلمون فالسالفه انا اقول انتي ردي كلميه شوي شوي عادي يدون ما تعتذرينله وان شالله بتتعدل الامور وبيرجع مثل قبل.

السلام عليكم و رحمة الله و بركاته

هلا بك أختي

أقول لك على شيء

إنتي غلطاااااانة من الأول

زوجك أكثر من مرة لمّح لك إنك متضايق...يعني في موضوع شاغل تفكيره...

هو مش عايز إنك تراضيه...لأنك أصلا مش سبب الزعل...هو زعلان من شيء بره و مش عايز يقول لك...و هذه حريته...

و إنتي رحتي فتحتي موضوع ثاني...و ناقشتيه في السفر ...و هو مش وقته أصلا...

و بذلك أعطيتيه فرصة يطلّع عصبيته فيكي...

الحين أختي روحي و كلميه بهدوء...و إعتذري له عن تصرفك يومها...و ما تحاولي أبدا تعرفي سبب زعله...و قولي له يمكن أخطأت تقدير حالتك وقتها...لكن صدقني ما قصدي شيء

أختي ما تقعدي أسبوع ما تكلميه...يعني هو متضايق و في شيء شاغل باله...ما تكوني إنتي كمان سبب في مضايقته...

الله يوفقك يا رب...

وأنا مع الأخت مرموم

كثري من قراءة القرآن و دخني البيت يمكن يكون حسد أو عين لأنج تقولين: "والي يشوفنا يقول اننا تونا متزوجين مو لنا اربع سنوات" يعني سبحان الله يمكن إنتي تكونين حسدتي نفسج بنفسج ترا هالشي يصير كثير بدون قصد... إذكري الله و حصني نفسج و بيتج بالقرآن ....

زوجج يمكن يكون متضايق من شي خارج الدوام أو موضوع شاغل باله بس لا إتمين تحنين عليه كل شوي...

أنا استغرب من العضوات اللي أغلب ردودهم تكون جهزي ليلة رومانسية و تعدلي و تعطري و مادري شو... بس هذا مش الحل لكل المشاكل بين الزوجين.. الواحد لازم يشوف الموضوع من كذا جانب و يفكر في الحلول الأخرى يعني مب كل مشكلة تصير بين الزوجين يكون حلها الليلة الرومانسية!!!!

أنا أقول غيري من طريقة اثاث البيت يعني الكراسي إذا كانن على جهة اليمين خليهن في اليسار أو جهة ثانية و غيري مكان التلفزيون أو المكتبة و ضيفي عليهن لمسه جديدة و أفكار تلفت الأنظار، حتى غرفة النوم غيري لون الفراش و الفوط كذلك غيري ألوانهن و اشتري أطقم جديدة.. أو طريقة تقديم القهوة و الشاي و الطعام جدديها بطريقة حديثة يعني أطقم جديدة و استكانات حلوة و زينيها بطريقة مرتبه... و بعدين خلي المكيف شغال عشان يبرد البيت بالكاااامل و بخري البيت ببخور قبل ما يرجع زوجج البيت بربع ساعة تقريبا و خلي البخور يفوح في البيت و عطري المكان... خليه يدخل يشوف جو ثاني و منعش و بااارد في نفس الوقت ترا هالشي يساعد على تحسين المزاج ....

الوحده ما تقدر تشوف عيوبها بصراحه إلا إذا حد خبرها يعني خلنا نكون صريحين وبدون زعل كنت اعرف وحده جمال و جسم و بشره و طول و حلاه بس عفواً ريحة فمها أبد مو حلوة و هييه مش حاسة بهالشي إلا لما نبهتها و الكل كان ينفر منها بسبب هالمشكله و انا نصحتها تروح عند طبيب أسنان عشان تعمل تنظيف لأسنانها و عطاها مطهر لريحة الفم... و في وحده ثانية تكون ريحة عرق الإبط فايحه من بعد كيلو بس هي ما تشم نفسها أو تشوف نفسها ريحتها طيبه مع إنها متزوجه و كنا نقول الله يعين زوجها كيف مستحمل هالريحه...

يعني لازم الوحده تهتم و تسأل خواتها أو صديقاتها إذا شافوا شي مب زين او ريحتها مب زينه يخبرونها بدون زعل عشان تهتم بحالها...


يعني في أشياء كثييييرة تكون غايبه عن بالنا بدون ما ندري و تكون سبب ضيق او زعل أو إبتعاد الزوج عن زوجته بدون ما يخبرها بالاسباب يمكن ما يبي يجرحها....

والسموحه عالإطاله..

الصراحة

ومن غير زعل

انتي زدتي الطين بله

اخذيها نصيحة من اخت

من تشوفين زوجك زهقان وطاقة كبدة

لاتلحين عليه أشفيك اشفيك

الرجال مو مثلنا احنا يالحريم نحب الهذرة ونبي نفضفض

هم تركيبتهم غير عنا

انتي صرتي لحوحا وزنيتي عليه وايد

وحتى حركتك وانتي لامته وقت النوم ماكانت بمحلها كلش

هو طاقة روحة ومال عمرة

تركيه بحاله بس قومي بخدمته وهييء الجو الهادء المناسب مع ابتعادك عنه

انشغلي بشي وخليه لين يطلع من الحاله بهدوء وبسلام

اتمني وصل المسج

لأنه إذا ما احترمتي رغبة بالصمت راح يلجأ لمكان آخر بعيد عنك.......

حبيبتي الزعل ملح الحيااة الزوجية وهذا امر عااادي بس يحتاج منج مجهود شوي تحملية يمكن كلمة ضايقتة او اي شي ثاني خلية لين يهدا والمفروض انج يوم شفتية معصب ماتكلمينة الله يسر امركم