السلام عليكم يا حلوات:gum:
اشلونكم بنات ،، طبعا أغلبكم يعرف خبيرة التجميل حنان دشتي وخصوصا بنات الكويت ،،
الله يسلمكم حنان دشتي عارضه عندنا بالكويت هالفترة كولكشنها اليديد مستحضرات تجميل تحمل الماركه بإسمها اسم الماركه باختصار HD وبنات خالتي راحو المعرض وقالو كان في اقبال كبير من البنات في شراء مستحضراتها من فاونديشن و بودرة وغيرة ،، فبغيت أسأل االلي راحو المعرض او اللي شافو المستحضرات ،، نبي نعرف شنو رايكم بالماركه وهل جودتها عاليه وهل تستحق الشراء ،، لأن المعرض خلص ،، وفي سؤال محيرني ان الماركه تنتج من وين بالضبط ؟؟؟
ردو علي اوكي:ok:
NEWمستحضرات حنان دشتي
ش
31-03-2007 | 02:05 AM
م
31-03-2007 | 02:15 AM
وعليكم السلام ،
يا هلا أختي ،،
أنا رحت وشفت الماركة والمنتجات ،،
وشريت الأساس بس ،
بس لاحظت في بداية المعرض ، إنها منزلة حجمين أساس ،
الكبيرة 200 ML
والصغير 30 ML
الكبير كان بـ 20 دينار ،
والصغير بـ 5 دنانير ،
بس على آخر أيام المعرض ، نزلت حجم أصغر وخلته بـ 5 دنانير ،
ورفعت سعر اللي كان بـ خمسة وخلته بـ 8 دنانير ،
والصغير حجمه 20 ML
لكن تبين الصراحة ما عجبني طريقة عرضهم ولا شغلهم ، أحس كله استعراض × استعراض !!!!
يعني شوفي البياعات وشوفي مكياجهم ، مكياجهم حيل خبة ويبرقون من اللمعات !! ،
بس عليهم زحمة مو طبيعية !! ،
لدرجة إن الأساسات الأحجام الوسط خلصوا ،
وأحلى درجتين أساس رقم 3 و 4 ،
أنا أخذت 4 ، بغيت الوسط قالت لي خالص ، فأخذت الصغير ،
بالنسبة للشادوهات بـ 5 دنانير ، بس مو شايفة فيهم زود عن شارمل أو باجي الماركات مثل فور إيفر وكريولان ،،
بس لاحظت تعتمد على الألوان القوية والبراقة ،
امممممممم شنو بعد إيه تذكرت ، منزلة منظف وتونيك ومرطب للبشرة ،
وكانت تبيعهم بـ 5 دنانير ، طبعاً سعر كل منتج مو كلهم !! ،
بالنسبة للماركة مكتوب إنها من فرنسا !! ،
وسألت البياعات إذا فيه محل للمنتجات ، جان يقولون لاااا ، الماركة راح تنباع في الصالون ،
وقالت حتى الكتاب راح ينباع في الصالون ، مع إنها قبل بداية المعرض قالت إنها راح تطرح ماركة وكتاب ،
شفنا الماركة بس ما شفنا الكتاب ،،
وانتظري جولتي ومشترواتي قريباً مع الصور :) ،،
ا
31-03-2007 | 02:37 AM
مشكورة اختي على هالمعلومات
ن
31-03-2007 | 02:49 AM
أختي مجد ماقصرت :)
وانا رحت المعرض وفعلا مووت زحمه
حتى ماشفت شي من كثر الناس عند حنان دشتي
انا بس شفت العارضات ومكياجهم الي من بعيد يبرق :)
والبعض منهم حلوو
وانا رحت المعرض وفعلا مووت زحمه
حتى ماشفت شي من كثر الناس عند حنان دشتي
انا بس شفت العارضات ومكياجهم الي من بعيد يبرق :)
والبعض منهم حلوو
ر
31-03-2007 | 03:25 AM
الله يعطيج العافية ومشكورة على المعلومات