عرباانه بيبااتكم بالصور...شااركوونااا

وين باقي الاخوااات..

توقعت الموضوع يعجبكم ويلقى اقبال كبير ومشاركااات كثيره...

يلاااا لا تحبطووني وشااركوو مع الصور

من أمس وأنا ناوية أشارك بالموضوع بس ماكنت قادرة أنزل الصور لأني ماكنت على مكتبي بل على مكتب زميلتي وأعتقد كان عندها مشكلة.

العربة الأولى مع كرسي السيارة (طقم) كان هدية من عند أختى من ماركة جونيورز ، لونها كحلي وفيها مربعات صغيرة كانت ثقيلة بالوزن لكن عملية حيث يمكن إنزال الظهر لأقصى حد وبها عربة تسوق كبيرة.. لما كان عمر ولدي 6 شهور سافرنا الأردن والعربة معانا،، يوم رجعتنه الديرة سرقها مني موظف الباص، ماكان راضي يفتح الباب الخاص بالأمتعة وقال أنتظروها بالبحرين راح ننزلها المطار مباشرة وهو يضحك كنت باموت من القهر ودي أذبحه ومحد راضي من شركة الطيران يتفاهم معانا ومن يومها تعقدت أسافر هناك لأني خايفة يسرقون العربانة الجديدة ، ولأنها طقم مع الكرسي بيصير بعدين شكل الكرسي مو حلو، وطول الطريق وأنا أدعي عساه وعياله مايتهنون فيها.
لما رجعت الديرة طبعا ماكان في مثلها بس لقيت شي مشابهه جدا ويمشي مع الكرسي...
وهذي صورة مقاربة لها.


قريب السنتين شريت له عربة من maclarean خفيفة وعملية بس عربة التسوق صغيرة مو نفس القديمة.
قيمتها بالبحرين 65 لكن حصلتها بالسعودية بـ 400 ريال بس. تخيلوا الفرق بالأسعار
(الصورة مقاربة للي عندي لأنها موديل 2006 والمعروض فيه شوي تغيير موديل 2007)

حبيبتي الفجر البعيد الف شكر على موضوعك الرائع بس انا مقهوررررررررررررره مرررررررررره
لان مااقدر اصور العربيه لاني مااطلعه البيت موجوده دائما في السياره الف شكر

السلام عليكم و رحمة الله و بركاته

طيب و الله أخواتي شجعتوني أسألكم...

شفتوا العربايات اللي فيها كرسيين...وراء بعض مثل هذا الشكل...




أو هذا...



بحيث يعني اللي عندها طفلين ما تضطر تجيب عربايتين...واحدة بس للطفلين...

مش شرط الطفلين يكونوا توأم...هذه مصممة بحيث الطفل الصغير يكون في الخلف و الكبير في الأمام...

ما رايكم ؟

حلوة يا أم مريم فكرة العربة الثنائية... تصلح للي عيالهم متقاربين بالسن...

هلا اختي رانيااا...مشكوووره على المشااركه

حلوه العربااانه اللي عندج من جونيوووور....والله لا يوفق راعي الباااص اللي سرقتهااا لو انا منج ماكنت برووح والا العربانه وياي وبخليه غصبن عنه يفتح الباب,,,,,وبعدين اذا سرقهاا بخليهم يعوضوووني عنهاا من شركة الطيراان عشان مره ثانيه ياخذوون درس وينتبهوون على اشكال الموظفين اللي عندهم....

اما عربانه ماكلارين بصراحه عمليه وخفيفه وماركتها ممتازه ...وخفيفه في الطلعاات وماتاخذ مساحه كبيره...

ام يارااا...معذوووره اختي...واذا حصلتي فرصه صوريها وراوينااا

هلا اختي مرموووم....اقتراااحج حلوو والله...كنت دايمااا اشوف بعض الامهااات ياخذوون العرباانه التوأم...بس المشكله اذا كبر طفل واحد والثاني طفل رضيع بيكوون شكله مب حلوو في العربااانه وحيييد..يحليله ماله ونيس....بس هي بصراحه عمليه...وانا ما افكر اخذ منها الا اذا الله رزقتي بتوأم

أختى الفجر البعيد،، تعرفين طالبنه بالعربانة بس بعد ماوصلنا البحرين كل يوم يتصلون تعالوا شوفوا عربتكم مع العفش، وزوجي يروح والا عربات حالتهم حالة،، وبعدها قلت له خلاص ماتسوى علينا هالعربة والصراحة الشركة بالمرة ماتعاونت معانه، ولحد الحين أقول لأختى اللي تدرس بالأردن ماشفتي حد راكب عربة عبودي.....

حلوووووووووووووووووو

موضوع رائع وشيق بارك الله فيك

هلا رانيااا

خلاص مافي امل تحصلينها هناك تلقينهم هم يسرقون ويبيعون برع المدينه...

العربانه الثانيه اللي ناسبت كرسي السياره اللي عندج من وين خذتيهاا؟؟

تعب صوتي..

مشكووره اختي على المرور ياريت لو تشاركينااا

بنااات نسيت اقولكم طبعا بسافر بصيف وابغي اخذ لبنتي عربانه بتكون قريب 4او5 شهور وبنروح ماليزيا وتايلاند بس الوالدة خرعتني وقالت انه وحده باقوا ولدها من عربانه وهي ماتدري ويوم لفت وجها مالقته اااااااااااااااااااااااه تقطع قلبي:confused: :confused: :confused: :confused: :confused: :confused: :confused: :confused: :confused: :confused: :confused: :confused:

ماادري اللحين قلت خلاص بشيلها طول الوقت وريلي قالي بتتعبين وهي بعد بتتعب حرام انعذبها معانا :sad:

ماادري شاااسوي ؟:sad:

لاتقولون خليها بالبيت عندي هلي مااقدر الوالدة قالتلي قتلها لا والف لا اول مااوصل طياارة برجع اصيح :confused: وباخذها مايسوي اسافر ومااستانس مع بنتي فديتهاااا:shy:

اختي عروس الدوحه

حرام بنتج صغيره وايد عالسفر يعني لا هي بتستانس ولا انتي بتستانسين...
اذا ما تقدرين تخلينها اجلوا السفره لين تكبر...
حرام تودينها بتتعب .بيتغير عليها الجو و المكان..و بيتغير وقت نومها و اكلها..ويمكن لا سمح الله تمرض من جوهم...

اختي عروس الدوحة انا مع كلام اختي angel eyes ، انتي بتروحين منطقة بعيدة و وحرام تاخذينها معاج بعدها صغيرة هي بتتعب وانتي بعد وخاصة في الطائرة مدة طويلة . والجو بتغير عليها ويمكن لا سمح الله تمرض .

أنا ماحصلت صورة العربانة مالت ولدي ، اذا قدرت بصورها
بس عجبتني هذي في النت قلتها بحطها .

بنات اقدر اجلها لين مايصير عمرها 6شهور هذا اقصى حد بعدها خلاص مااقدر اسافر بيكون رمضان

العيناويه....

روعه العربانه اللي حاطتنها...بليييز طرشي لي الموقع... واقدر اطلبها من النت؟؟؟؟

عروس الدوحه ..فديتج بنوتج توها صغيرها بتلعوزج وماراح تستانسون ..انا بنتي الحين 6 شهور وللحين ماقدر اطلعها معاي ولا اوديها المولات ولا زيارات معاي...
تقدرين تسافرين في اجازه الربيع حبوبه
والقرار الاول والخير لج حبيبتي...