شكرا للادارة على تمييز الموضوع
:shy:
ما قصرتوا والله
مع اني اشوفه عادي
<=== بسج من الهذرة
ثاني شي
توني واصله من البحرين "والا ادش اقول اللي بقلبي قبل لا أرقد" هاهاهاهاهاهاهاها
اليوم قابلت خبيرة التجميل مره ثانية
"نجاة" في محل وجوه "السيف"
ويحليلها قعدت ترحب فيني وبعدين عرفتني على اللي تشتغل في شانيل هناك
ولما جيت بمشي
قالت لا وين تعالي خليني اسوي لج شي ولا احط لج مكياج
يحليلها عجبتها الشغله الظاهر
المهم خليتها تحط لي مكياج وطبعا استخدمنا نفس الفاونديشن
بس هالمرة استخدمت لي تدرجات الوان
الأخضر مع الذهبي
50 Jungle الأخضر الداكن
54 Bambou الأخضر الفاتح
62 Gold الذهبي
وتدرون استخدمت التونر الخاص بالوجه بللت فيه الفرشاة وبعدين اي شادو
ورسمت به كأنه اي لاينر
طبعا احنا نسوي هالحركة بالماي
حددت عيني بالأخضر الداكن و الزاوية الداخليه للعين حطت فيها الذهبي
والقوس اخضر فاتح
والزاوية الخارجية للعين من الأخضر الداكن
بعدين رجعت حطت لي كحل أسود
والمسكارا
بس هالمرة حطت لي من الماسكارا الجديده
اسمها


هذي بعد وايد رهيبة وحبيتها أكثر
على طول اخذتها وأخذت الفاونديشن بعد
مع اني كنت مأجلته لين ما يخلص اللي عندي
بس خبركم ما نقدر نقاوم هاهاهاهاها
بعدها حطت لي بلاشر برونزي وروج برتقالي بس خلطته مع قلوس
وللأسف ما ركزت ع الألوان واساميهم
هذي حصيلة لقائي اليوم مع نجاة
وطيارتها كانت المفروض الساعة 11 بالليل الى دبي
طبعا ماراح اروح دبي
يالله يا بنات الامارات شوفو جدولها شلون وروحوا استفيدوا منها :)
لي عوده باذن الله اشوف كل ردودكم وارد عليكم ان شاء الله وعلى استفساراتكم