فيه احد من الامهات حاب يبدي معاي حملة لا للحفاضات؟؟؟ جس نبض !!

يالله الله يقويكي ام حسون ويعينك على هالمرحلة انتي وباقي الامهات

انا عليي اشجعكم

السلام عليكم ورحمة الله وبركاته

عن نفسي بدأت مع الحملة الأولى...و تخلّفت عنهم ( دور نوفمبر ) :)

ما زالت المحاولات جارية...بس توقفت شويه في الشتاء...و برجع ثاني إن شاء الله قبل مجيء البيبي الثاني إن شاء الله ...

انا بشترك معكم
ابنى عمرة سنتين

عبودي عمره سنه ونص

ممكن اشترك معاكم

وياليت تخبروني الطريقه

لاني مو عارفه اوضح له

وهوه ولا يدري شو السالفه

وكل ما ادخله الحمام يصيح



ويروح غرفته ويوصخ في الحفاظه

على العموم انا مشتركه معاهم

والله يقدرنا بمساعدتم

والراحه لهم اولا واخيرا

جمانه ...

انا حمود مطلعلي قرون ...

سويت كل الي قلتولي عنه لكن ما فاد ...

شهرين وبيكمل سنتين ..

تنصحيني ابتدي معاه ولا اتريا يكمل السنتين..؟؟

سعودي الحمد الله ترك الحفاضه نهااائيا ...الحين عمره سنتين وثلاث شهور.... بس من اربع او خمس شهور وانا احاول وياه... هو صدق في البدايه تعب بس لما يتعود راح ترتاحين وتفتكين من البامبرز...انا احس انه لما ايكمل الياهل سنتين احسن وقت لترك الحفاض... لانه يبتدي يفهم الكلام ولازم اتشجعينه بالملصقات والهدايا...والله يعينكم ان شاء الله ..

عن نفسي هي بس ما أدري إذا ولدي بعده صغير ولا عمره سنة و3 شهور واشتريتله تكرمين المرحاض الصغير إلي ينحط على المرحاض الكبير و أيلسه عليه قبل تغير الحفاض بس وساعات يسوي شي وساعات لا بس ما خليته بدون البامبرز .

انا ببتدي معاج
بنتي عمرها سنتين و7 شهور
وللحين مو راضية تتعلم معتزة جدا بحفاظاتها

على بركة الله نبدأ

مرحباااااااااااااااا جمونه

كيفك ياعمري

انا بابدا معك .................. بس بعد كم يوم عشان بنتي معاها اسهال ( وانتم بكرامه )

ونا فعلا بديت من كم شهر ........... بنتي اصلا ما تحب الحفاظ وتبكي اذا لبسته تقول يوجعها

واستمرت على الحمام اسبوع بس المشكله تنسى الحمام ؟؟؟؟ بعض المرات لازم انا اذكرها

وغير عن كذا انا اطلع من البيت كثير .......... ودايما بالسياره عشان كذا رجعت اجلتها شوي

وعلى فكره عمر بنتي 2 وسبع شهور

وانا وياااااااااااااااااااااااااكم


ولدي عمره سنتين وشهر ما كمل الشهر بعد

عنيد شوي بس ع الاقل بدى يفهم


كيف شو نسوي يالله علمونا


بنرتاح من مصاريف البامبرز والله عذاب

وانا انا بعد معاكم ولدي الحين عمره سنه و8 شهور ابغي أعلمه قبل لا اولد

يالله علمونا بالطريقه

اناكمان حابه ابتدي معاكم ولدي عمره سنتين و3 اشهر و3 اسابيع
بس يرتعب من الحمام مع اني شريت له حمام صغير وركبته عالافرنجي بس مايرضى يجلس عليه وهدي سويتها من بدا الجو يتحسن بس مافيه اي فايده قولوا لي وش حل لاني مرررره متازمه مع العلم انه مايحط في باله ادا بغى يسوي وانتوا بكرامه الصغيره بس الكبيرة من بديت اعلمه ماديني مايرضى يسويها بالحفاظ ولا بالحمام وطبعا طول الوقت يحن اغير الحفاظه واقوم اغير الحفاظه ويرد مره ثانيه يبغى يغيرها لانه يكون مرتبك ومادري ايش الحل معاه طبعا انا احقره واخليه يسويها بالحفاظه لانه ادا زن على راسي اقول له تسوي يع بلحمام يقول لالالالالا يخاف يخاف
الله يعيني وياليت تقولوا تجاربكم مع اطفالكم وكمان ياليت يحصل تشجيع من الامهات لبعضهم البعض يعني الدعم النفسي وبالدات ان الاطفال متعبين جدا بهالفتره

سلام انا بعد معاكم بنتي عمرها سنتين وجم يوم وحابه ابدي اعلمها
وان شاء الله استفيد منكم

جماااانة وينج؟

اسمحولي اخواتي على التأخير.. عندي حالة وفاة زوجة عمي..

ان شاء الله ابدي معاكم في اقرب فرصة ممكنة.. وراح ارسل لكم رسائل خاصة بهالخصوص فلا تخافوا...


المعذرة...

امنية حياتي انها بنتي تفتك من الحفاضة كل ما ادخلها الحمام الله يعزكم بتصيح وبتجنني مش عارفة شو اسوي معها حاولت معها اسبوع بس بدون فايدة اطلاقا بشتريلها حاجات ولعب وما في فايدة مع العلم عمرها سنتين و5شهور ياريت اقدر بس بحاول الله يقدرنا كلنا بس لما البسها الكلوت الله يكرمكو بتظلها تصيح وما بترضى تجلس نهائيا مغلبيتني

sahare
شكله مشكلتك نفس مشكلتي
ان شاء الله نشوف الحل عند الامهات اللي عندهم خبرة

السلام عليكم
انا ام جديده عندي عزوز انشاء الله كله خير وبركه اول طفل وفطرني رمضان كله
ودي اعلمه عالحمام والفطام من الرضاعه بس مجنني اذا جا يسوي الكبيره يقول وينخش في اي زاويه بس لما اوديه الحمام يضحك علي ويتعصر بس في النهايه في البامبرز
الحقووووووووووووووووووووووووني هذا الاول شلون بجيب غيره
عمره الآن سنه ونصف:sad: (})

الله يعييينكم
:)