بنات باقولكم التقرير عن بحــرين
صج صج صج استانسنا واااااااااااااايد هناك:clap: :clap: :clap:
رحت المطار الساعه 8ونص طبعا ماكنت راقده خفت الطياره تروح عنا تميت في سوق الحره لييييين ساعه وشىء خذت لي بس شنطه وكنت ناويه اخذ شوي خرابيط قلت لاع توالناس باخذ من الطياره ارخص او يمكن اخذ من مطار البحرين المهم ركبت الطياره الساعه 10 وعقب نص ساعة تحركت وصلنا البحرين تقريبا نص ساعة
بس بصراحه جوووووووووهم رهيب يعني تخيلوا قعدنا 6 ايام وكل يوم كل ما نقوم من ارقاد مطر وغيوم مافي شمس كلللللش وفى الليل براااد بس حلوووو يعني حق المشي زيييين:handup:
اول يوم :كنا تعبانين رحنا الشقه بغينا نرقد بس انا من نوع اللي ما احب ارقد على شراشفهم قلت باروح السوق باخذلي شرشف علشان ارقد وانا مرتاحه مع انه الشقه كانت حلوه وايد مجابله بحر والنافوره اللي فى البحر جووووووووو:up:
بس فنادق اللي حولنا كلهمممممم احم احم استغفرلله العظيم كل يوم نشوف شىء ويا كثرهم هناك عادي يتمشون حسيت اني قاعده في لندن الله يستر عليهم:gum:
المهم رقدنا شوي وطلعنا عقب صلاة العشاء رحنا العالي كل شىىىىىء غالي ما توقعت كذا زين اني ما تهورت وخذت بس عنهم شنط رووووووعه وكانوا منزلين شنطة قوتشي على جلد حصان وحمار وحشي ع 5000 كنت ناويه اني اخذها بس اختي قالت لي انطري يعني انتي بتاخذين الحين وتخلين هالشنطه ليين شهر 8 موضتها بتطيح قلت اي والله بانطر لين الشهر 8 بروح وباخذ من عندهم كولكشن جديد:shy:
بس اكثر المحلات اللي هناك حق الشنط صج انهم رووعه بس اسعارهم توماج يعني ما توقعت رغم ظروف اللي عندهم الله يعينهم:sad:
ثاني يوم قمنا الساعه 12 رحنا مطعم صواني اكلهممممم لذييييييييييييذ:ok: طبعا بوفيه بس واااااايد ارخيص شخص ع 50 ريال مع اني توقعت انه 100 او 150 لانه المكان راقي بس نصيحه تروحون الظهر احسن هع لانه اخر يوم بغينا نروح المطعم قالوا لنا فى الليل ع 100 قلنا اوكي ما عليه شوي ونشوف وحده تبي تغني ولبسها احم احم لو ما كانت لابسه انا اقول احسن ونشيل قشتنا ونطلع امحق مطعم:angry:
المهم عقب المطعم رحنا السيف دخلت لانجوري خذت لي كريمات وملابس احم احم(r) دلع مب لازم تعرفون كف ع ويوهكم:dd: ودخلت محل اللي عقبه حق الجلابيات روعه بس غالي
وعقب دخلت دبنهامز اللي عندهم كانوا مسوين تنزيلات امحق تنزيلات بس ياله خذت لي ملابس داخليه وبيجامه وعطر كارتير ديليشيز شفت البنات يمدحونه طلع روعه
ثالث يوم رحنا جيان ساعة لين حصلنا موقف نزلنا شفت انه داخل واااايد زحمه والكل يطالعج هع دخلت بس محلين محل حق التيجان اسواريه ومحل شنط قوتشي ومودري شنو وطلعنا
رحنا ابل بيز تعشينا وفى الليل رحنا القهوة بس مودري شسمها عند البحر بس عائليه علشان خطيبي يشيش وعلى كل طاوله في شىء نفس الكمبيوتر تلعبين ادخلين 100 فلس وتلعبين بس فله صرنا كل يوم نروح ونلعب لعبة الفوارق:bigsmile:
رابع يوم رحنا اسواق محرق في محلات حق العبي والجلابيات ورخاص واااااايد خذت لي كم جلابيه حق البيت فراشه والقطعه حرير بس يوم جبتهم اهني الكل استخف عليهم لأنهم ناعمين وااايد بس لاتستانسون واااااااااايد لأني انا واخت ريلي خذينا من عنده واااااااايد ما خلينا لكم شىء واخرته يوم جبتهم اهني كلهم خذوا مني ما خلوا لي غير جلابيتين:sad: مب مشكله عليهم بالعافيه وكل ما ادخل محل حق العبي اشوف انه كلهم عبايات فراشه يعني مب فراشه نفس عباية شيل مودري فهمتوا علي كلهم نفس الموديلات بس التطريز غير اول شىء ما ادخلوا مزاجي يوم لبست وحده فيهم خطيبي شاف قال لي روعه عليج قلت باخذ تخيلوا كم؟250 هع خذتها كذا بس والله يوم جيت الدوحه لبستها الكل سأل عن العبايه حتى يوم رحت الصالون قالولي بصراحه العبايه روعه عليج يمكن علشان انج عندج طووووول طالعه اوكي عليج عقب استانست قمت البسها كل يوم هع:cool2:
وخامس يوم رحت شارع بوكواره عندهم محلات حق الفساتين موديلات حرير خذت لي فستان اورنج كسرات من قدام يعني تقريبا نفس موديلات اليسا يعني حسيت انه راقي بس تخيلوا بكم؟:yes: 850 واايد ارخيص ما توقعت صدقوني لما تشوفون الفستان تقولون براحة 2000 او 1500 علشان كذا خذت واختي واخت زوجي خذوا من عندها وحده تبيع وهي حبوبه في تعاملها كل الفساتين اللي عندها ب850 يمكن في اكثر بس مب اكثر من 1000 بس نسيت اسم المحل مكتوب على الكيس اذا حد يبي يقول
وفي محلات حق الجلابيات بصراحه روعه :up: بذات محل كبرى القصير روعه جلابياتها خذت من عندها جلابيتن صج انهم غاليين بس صج على اللبس روعه وفي نفس الوقت شىء راقي وغريب
اييييي بنات في نفس شارع محل يبيع سندويشات شاورما دجاج بس والله وااااااااااااايد حلوووو ما توقعت اول مره اكل سندويش شاورما حلوووو غير الاسطنبول والله خاطري فيهم
رحنا قولد ستي ما عجبني ذهب اللي عندهم مب شىء بالمره لو تبون ذهب روحوا سوق المنامه بس ما رحت انا لانه قالوا لي ذهب عندهم وااااااايد فوق :handdown: وعقب رحنا مجمع مودري مدينة عيسى عندهم محل حق الحلويات اسمه ام خالد خذت من عندها بس شىء عجيب حسافه اني ما خذت وايد وعقب دخلت محل ادمز خذت حق بنات اختي وولد اختي جنه فلبيني كل سفره لازم اخذ له شىء هع بس اول ما عودت لبسته التي شرت تخيلوا ايش شفت على القميص علامة صليب حسبي الله عليهم ما خلوا شىء واخذ القميص واعصب واحرقه مع انه اللي تبيع وحده مسلمه وبحرنييه من المفروض تقول لي مب مشكله مره الجايه باروح لها وبارويها كف على ويها:angry:
ورحت العالي بعد خذت لي العبايه دشت بخاطري بس ع 700 مع انه في تطريز بسيط
وعقب رحنا مطعم كل افشان مطعم ايراني اكلهم حلو ومكانهم واايد روعه بذات الديكورات اللي فى المطعم والقاعه تحس نفس قاعة العرس حتى خطيبي قال لي اشرايج نسوي عرسنا اهني هع(r)
واخيرا سادس يوم: قمت على صوت اختي تقول لي قومي الساعة 10 ونص لأنه طيارتنا الساعه 10 ونص وانا المفهيه شمسويه قبل ما انام عقب صلاة الفجر قلت باحط المنبه على الساعه 7ونص علشان ارتب اغراضي والبس والمهم بدال ما احط 7ونص على المنبه حطيت ع ضبط الساعه واختي تقعدني تقول لي قومي الطياره راحت عنا وانا اقوم متخرعه شفت الساعه قلت اي والله الساعه 10 ونص واروح غرفة اخت ريلي المسكينه راقده واصارخ عليها اقولها قومي والله الطياره راحت عنا اختي جات تقول لي اشفيج استعبط اقولها اشفيج انتي بارده الساعه 10 ونص واطالع الساعه اللي عندها اشوف الساعه 7ونص واضحك :dd: هههههههههههههههههههههههههههههههههههههههههههه صج فشله من قلب :o قمت رتبت ولبسنا ورحنا المطار شفت وحده جايه صوبي تقول لي الشيخه انتي من وين قلت لها من قطر ورايحه قطر قالت لي انتي عليج وزن توني ابغي اقولها لاع علشان اساعدها تذكرت كلام ابوي يوم يقول لي تحملي تاخذين شىء من حد فى المطار حتى ولو فاين قلت لها اي شنطتي عليها الوزن واللي وياي بعد نفس شىء كان تقول لي لو اني مكانج مستعده اشيل كيس العيش عنج وتعصب وتروح صج انها كسرت خاطري بس مب كل شىء غصب وانا من نوع اللي ما اثق بحد ولا انتوا اشرايكم؟اللي سويته غلط؟؟؟؟؟؟؟؟:think:
وخذت لي اغراض من سوق الحره ومن طياره بعد ووصلنا بسلامه ^___^
وهاي تقريري من الف ليييييييييييين ياء
صج سندرتكم صح؟:dd:
واي سؤال انا تحت امركم:yes:
