الجـــــزء ال34 من تجهيزات عرايــس قطــــــــ2007ـــــر

تايم آوت:
موفقين يا احلى عرايس

بنات بغيت اسألكم

اذا بتفصلين عند جميل بثينه انتي تشترين القطعه احسن ولا تحصلين عندهم قطع حلوووه؟؟

عنده قطع بس ما انصحج تاخذين من عنده القطعه

لانه يفصل القطعه لاكثر من فستان يعني تخيلي تحضرين عرس وتكون وحدة لابسه من نفس قطعتج :angry:

غالية ياقطر

الاقنعة الي تقولين عنهم

شفت مره في اكسسوريز مثل هالاقنعه بس بدون كريستال

هلا سح سح حبيبتي

عيل طالعة من بيتكم ها :angry:

دووم ان شاء الله تكونين بخير

انا والله مع اواخر التجهيزات والدوام

خلاص قرب الوقت :sad:

احترت في اسمي
بالتوفيق يااارب

qtr221:
عنده قطع بس ما انصحج تاخذين من عنده القطعه

لانه يفصل القطعه لاكثر من فستان يعني تخيلي تحضرين عرس وتكون وحدة لابسه من نفس قطعتج :angry:

اها زين قلتي لي

يسلمو قطوره

بنت الغالي مالها حس من يومين

عسى المانع خير ان شالله :sad:

مساء الخير

اتابعكم من وراء الكواليس ما عندي شي اضيفه

وانا بعد يا احترت في اسمي على اخر تجهيزاتي اي والله ياختج ماباقي شي

الله كريم ويعينه ان شاء الله

بالتوفييييييييييق للجمييييييييييييييييع

مساء الخير :)

*
*

لولة
يسلموو ..

..

هو غلاج ( غلاي أنت )

لبنى و مرسيدس أوكي ..

أم أحمد للحفاف و وايد بنات يمدحونها

و منى السودانية للشعر ..

..

لولوة قطرية

عندج وحدة اسمها نور .. هي دي جي .. أظن عندها اللي تبينه .. بارسل لج رقمها و اسأليها ..

و المكياج : ارشح لج وفاء لأني مجربة مكياجها و عجبني واايد .. و عشان تتأكدين

( شيكي الخاص ) ..

الشعر : نجوى سوت لي يوم عرسي و صباحيتي + اتعامل معاها من زماااان تستشور شعري

+ شفت شغلها على ناس غيري .. و شغلها في نفس المستوى يعني حلو ..

لبنى شفت شغلها و هي فنانة بعد ..

..

قلب قلبي
عندج لابوم و موداليدي في السد ..

..

qtr221:
بنت الغالي مالها حس من يومين

عسى المانع خير ان شالله :sad:

بنت الغالي فديتها بين الكتب عندها هووم وركات كثيرة الله يوفقها إن شاء الله:shy:

انااااااااااااا وصلت .. وسعووو وسعوووو ألله :cool2:
تسلمووون ياأموراااات اللي ردوا علي وعطوني اسامي واماكن للتفصيل ..لاهنتووو نفدا خشيمكم ..


ريانة العـــود

حبيبتي .. انا شخصيا جربت تصوير مريم الفلبنية .. بصرااااحة رووووووووووعه رووووعه تصويرها وايد حلو وتحميضها احلى واحلى .. بس ماسويت البوم عندها بس يمدحون البوماتها وايد .. رفيجتي مسويه عندها بس للحين ماشفته بس يقولون حلو ... بس عن التصوير والتحميض حلوو لاتحاتين .. وبعدها جربت الوان الخليج على طول.. فرق بالتحميض .. وديتلهم نيقتيف مريم وحمضوووه طلع صج فرق واضح .. تحميض مريم وايد احلى..
وترى اسم محل مريم الفلبنية اللي تشتغل فيه ويدينج سنترwedding center في الغرافة تقدرين تروحين تشوفين البوماتهم شلون .. وعندها تصوير فيديو وسبوت لايت .. وشاشات عرض ..

وان شالله قدرت افيدج :)

:: عرايسنا ::

في فساتين للبيع

1- فستان عروس ..

2- فستان سهرة ..

.
.

تصميم لابوم والإثنين جداد ..

التفاصيل و الصور على الخاص للي تبيهم أو تعرف حد يبي يشتري ..

الــــسلام عليكم

قوووه يا احلى عراااايس(f)

شخباركم؟؟؟ :salam:

يعطيكم العاااافيه على هالموضوع اللي اكثر من روعه

انا عروسه يديده وياااليت لو تحطوني في اللسته وتجهزوني مع العرايس الأمااميير :shy:

لاميتا

فستان العروس - انلبس مرة وحدة يوم العرس ..

الفستان الثاني - مرتين تقريبا

بس الإثنين حلوين وااايد و يستاهلون ..

باقي أسألتج بارسلها لج على الخاص ..

..

مس كوفي << يا زين اسمج << عشقها الكوفي ..

هلا فيج و حياج الله معانا ..

إحنا في الخدمة لو إحتجتي لأي شي ..

متى عرسج ؟

مرحبا أحلى عرايس..
بغيت اسأل من أحسن حنا حق عروس رحاب والا فنون وحدة اسمها (ممتاز)؟

ومشكورين مقدما وعساكم عالقوة..

مس قطر
فنوووووووووووووون و ممتاز اسم على مسمى ههههه

الحلا مني وفيني:
هلا بنااااات(f)

استفسار بسيط لـــ ((الموظفات المتزوجات))

متى عطيتوا شغلكم ورقة عقد القرآن؟لما ملجتي ولا عند العرس..



بنات اسمع كثير عن اسكنيول :shy:


من فيكم استخدمته هل له اضرار وحق اي مناطق ممكن استخدمه


والسموحة اذا ثقلت عليكم

هلا الحلا مني وفيني

عطيهم بعد الملجه ....

وبخصوص الاسكنيول يمدحونه ...تقدرين الوجه واليد والرجل .........بس ابتعدي عن المناطق الحساسه

دوحانية:
مس قطر
فنوووووووووووووون و ممتاز اسم على مسمى ههههه

مشكورة فديتك ماقصرتي، بس ماادري تعرفين أسعارهم شلون؟؟

انا اشوف حنى زبيده ايهبل

لكن عيبه يتقشر كانه لزقه او قشور مب شي

نقشة رحاب وايد احلا من فنون

بس حناهم مايصبغ
ومايطير بسهوله