الجـــــزء ال34 من تجهيزات عرايــس قطــــــــ2007ـــــر

qtr221:
ودحانيه انا اتعامل مع حفافه اسمها مريم وموجود رقمها باللسته عندج

هي عندها صالون صغير وتشتغل فيه فلبينيه للشعر استشوارها وايد حلو والسعر

بعد حلو انا بالصالون جاك مثلا او دانيال استشور شعري ب 150 ريال

وهي جاتني البيت ب 100 ريال بس :qaq:

lamitaaa-qatar:

اجار او بتشترينها ؟

اذا بتشترينها
في بنات في المنتديات يبيعونها

اذا بتأجرين اعتقد اعتقد ان ودنج بلانر يأجر

احترت في اسمي:

مشكورة بنتوتا انج عصبتي عليهم
بس بعد ماحصلت الا رقم وحدة بس !!!!

وينج واااااااحشتني واايد ..


[/COLOR]:shy:

عطــــ الليل ــــر:
مرحبا حبايبي مبروك عليكم الجزء ال 34 ..

و عقبال بنت الغالي و ليالي و تايم اوت و رومانسية زماني و انا ...

حبيباتي اليوم رحت عرس في نادي الدانه و كان روعه ..

الالوان ..

بنفسجي و ذهبي ..

الكوشه و الطاولات ..

من ماسيس بس الكوشه تصميم العروس و كانت طابقين بلكونه مثل بلكونه ديانا و دريين على الجنبين و تحت القعده كانت وايد فخمه و القاعه مغلفه باللون الذهبي ..
الطاولات كانوا نوعين ستاند طويل وواحد فيه ورد بس ..

المكياج ..

ماعجبني وايد احسه طاير كان لونه اسود و الروج على بيج ما يصلح لعروس ..

دخلة العروس ..

دخلت بنت صغيره و في يدها باه ورد و مشت لين الكوشه ووقفت ، العروس طلعت من الطابق الثاني للكوشه و نزلت على الدريو خذت الباقه من البنت و بعدها ركبوا 12 وحده من اللي يضيفون و في يدهم صواني بنفسجيه نازل منها كريستال و فيها هدايا توزعت على كل المعازيم ..

باقه الورد ..

كان على شكل قوقعه و طالع منها ورد ابيض و فيه سلسله و هي ماسكتها من فوق ..


التصوير ..

احلام وذكريات و كان روعه و خاصه الفيديو كليب ، و الليزر كان لاعب لعبته عدل يعني شي فخم من قلب وكانوا حاطين شاشتين عرض مب تلفزيونات ..

شفتوا الكنبات اللي تنحط على جنبين المسرح كانوا حاطين عليهم كلهم ثروات بنفسجيه و ذهبيه و كانوا ورا المعازيم من الجنبين مسويين مسرحين و كل مسرح عليه طاولتين حق المعازيم اللي ورا اللي ما يشوفون ..

التوزيعات ..

وزعوا فطاير مشكله صغيرونه و شوكليت من باتشي و سمبوسه البحرين و تارتز مشكل صغار و سندويشات صغيره اشيا وايد حلوة ماقصروا و الله ..

الاكل ..

كان على الطاولات جابوا صحن فيه شويه عيش اصفر و قطعه كفته و ثلاث قطع شيش طاووق و قطعتين لحم مال العيش و اللحم و خضار سوتيه مع تبوله و حمصو متبل يعني مقبلات و بعدين جابوا كريم كرميل كتحليه ..

التسريحه ..

كانت رافعه شعرها ومب لابسه تاج حاطه الطرحه على راسها من العبايه ..

يوم دخل المعرس ماحطت مظله او رداء لا حطوا برفان و دخلوا و صوروا وعقب ما طلعوا شلوه و صورت مع اهلها ..

اللي يضيفون غير الفلبينيات العاديات كانوا يايبين بات لابسين عربيات لابسين ثياب نشل اوف وايت مع ذهبي و يقهوون و يقدمون الشاي ..

هاي اللي اتذكره اذا تذكرت شي ثاني بقولكم عنه ..

الليازي ..

الحمد الله على السلامه وحشتينا واااااااااااااااااااااااااااااااااااااااااااايد ..

بنوتات ..

الحين فيه اجازة حق الجامعه ولا لا ؟؟

انا سمعت ان فيه بس بليز اكدولي ...

sara_daloo3a:
بنات منو عنده رقم ودنج بلانر اتصلت الاستعلامات يقولون مو مسجل :(

بنت الغالي:
مرحبـــــــــا بنات


تسلمون على الفكرهـ الروعهـ وان شاءالله احاول اشارك معاكم


>> مجنونة عنايهـ


اليوم اول ماصحيت غسلت وجهي بصابونة الكركم ( روعه لان انا فيني حبوب صغنونه تروح وتجي عالمزاج) والصاوبنة اول ماغسل وجهي فيها احسه يحرقني وهي تقشر الحبوب


بعدها مسحت وجهي بقطنه فيها منقوع المره ( طبعا كلكم تعرفون المره تشد الوجه وتزيل اثار الحبوب وانا من بدت الجامعه ووجهي مخترب فاخذت مره ونقعتها في كوب ماي حار وخليتها يومين وبعدها بديت امسح على وجهي ليل ونهار)



والحين حاطه في شعري خلطة ( روب + عسل + ملعقة زيت خروع + صفار بيضه + ملعقة مايونيز ) ولافه شعري بفوطة ماي حار عشان يعمل عمل حمام الزيت



على وجهي حاطه خلطة زيت زيتون + كركم ...اول شي احط الزيت واسوي مساج لوجهي بعدها افرد خلطة (كركم وعدس اخضر ) شغالة صديقتي مسويتها لي ...واخليها لين وقت الاستحمام ....(( الكركم مفعوله مب طبيعي عالبشره))



باذن الله ناويه بعد شوي لماادخل الشور



اولا اغسل جسمي بماي دافي


استخدم ملح الحليب وافرك جسمي ل5 دقايق


بعدها اوزع الصابون المغربي وافرك بحركات دائريهـ




وبعدها بشور جل البابايا امس شاريته من بودي شوووب ريحته حلوه ... وشريت بعد شامبو لوريال الوردي ناويه اجربه



وشاريه كذا شغله بس لما اجربه اقولكم مابي اقول عن شي مب مجرب :gum:





المهم بعد السبوح ادهن جسمي بلوشن زبدة الكاكاو من بالمرز روعه يابنات ينعم الجسم وخصوصا المناطق الخشنه والجافه شوي + مكتوب عليه لصقل البقع خخخخخخخخ حشا عماااره مو جسم ........



اي صح قبل لاحط اللوشن امسح باسكينول الليمون على بعض المناطق



وايش بعد .....نسيت ........المهم لوتذكرت اوسويت شي بارجع اقولكم




سي يــــــــــــو :shy:

sara_daloo3a:
بنات اتعرفون وين احصل نافورة الشوكولاته هذي اللي في الصوره