أبي رد سريع جدا.........................

بعد شتسوين الله يهديها

مادري شلون ترضعه وهي مافيها حليب !! وش استفاد الطفل بالله

اسمحيلي أختي أنتي فاهمه الموضوع غلط .. هي اتراوي ولدي صدرها اتشوفه شو بيسوي فالمرة الاولى تفل على صدرها وما رضى يتقرب منها أكثر لكن بعد ما بديت وقربت أنجح اف فطامه وكنت فها اليوم من قام من النوم إلين بالليل مو مرضعتنه وسرت بيت أهلي عشان يلتهي مع اليهال ورجعت البيت كنت أأكلة وأبي أنومه من غير رضعه وأكمل سهر لين الصبح عشان أفطمه خلاص إلا دقت الباب وقالتلي افتحي قلتلها أأكل الولد وتمت واقفة فاستحيت وفتحت وتمت تلعب وياه وشوي طلعت صدرها وقلت فخاطري شو تبا وبعدين وياها وهو كان يبا لاني مو مرضعتنه وهي فرحانه إن يبا يرضع منها قلتلها ما يبا لا تعطينه خافت ودخلت صدرها ورحت غرفت كنت أبا يكمل أكلة ما رضى سبححته عشان يدوخ من التعب وينام على طول ما شي فايدة تم يصيح إلا يرضع وتم يضرب نفسه رضعته ومن يومها اتعلق بالصدر زيادة الحين ما أدري شو أسوي أنا بصراحة تعبت من الرضاعة ضعفت وايد نزلت تقريبا 10 أو 12 كيلو والبستي مرة مو حلوة علي وغير إنه يقوملي الفجر يوعان وأكون أنا نشفت ما فيني حليب فاضطر أسويله أكل ويقوملي من النوم وبعد بالصيف بيكمل سنة ونص وهو ما يرضى يشرب أي حليب ثاني بس طولت كتبتلكم قصة حياتي كلها اسمحولي............

السلام عليكم ورحمة الله وبركاته

الغاليه أنا حاسة فيج لاني جربت الرضاعة الطبيعية وما قدرت استحمل الا كم شهر بس .. الله يعينج
وسالفة الفطام أكيد تقهر ومن حقج تزعلين عليها بس لو كنتي نبهتي يدة الولد انها ما تسوي
هالشي وانج فعلا بديتي بالفطام يمكن كانت ما سوت هالحركة .. يعني ما كان لازم تسكتين واطلعين حرتج في زوجج

واذا كنتي فعلا نبهتيها بطريقة مباشرة وما سمعت منج فمالج الا الصبر لان الريال مهما كان الحب الاول والاخير لأمه واهم ما في دنياه هي أمه فواجب عليج انج تشوفينها مثل ما هو يشوفها لو مب حب فيها لكن حبا في ريلج ..
انا حاسه فيج من ناحية التربية لكن مع بعض الاختلافات
انا امي هي اللي تربي ولدي مش ام زوجي
ويمكن عشانها امي انا راضية عن هالشي بس تبين الصراحه وااايد مساعدتني في التربية لو اني احس ان ولدي ما يباني كثرها لانه خلاص اغلب وقته عند امايه وابويه واخواني وحتى اخليه بالليل ينام عندهم في بعض ايام الاسبوع وانا اقدر ان امي كانت تتريا احفادها من 15 سنه تقريبا وما صدقت لما يبت لهم هذا الحفيد فأحس ان اقل شي اسويه اني اخليهم يفرحون به على طريقتهم لو على حسابي والحمدلله تربيتهم ما بلاها شي لو ربوه هم

وابوه بعد الحمدلله متفاهم ويعرف انهم متولهين على ولد بنتهم وما انكر لج اني ساعات احس بغصه يوم اشوفه يحبهم اكثر مني بس بعد مرتاااحه وااايد لانهم يعابلونه ويايه حتى بالعكس انا ما افتكر فيه كثر ما هم يفتكرون مب لاني مب مهتمه .. بس لاني ما ابا احسسهم بأنهم ماخذينه مني لاني احس ان هذا حقهم عليه .. ما ادري يمكن انتي ما تحبين هالشي لان ام زوجج بس انا ما عندي مانع حتى لو كانت ام زوجي يوم اني اشوفهم مستانسين وااايد فيه ويشيلونه في عيونهم ..

بالنسبه لريلج احسه في زعله شوي شرات ريلي اكثر شي يلبسج اذا انتي تقربتي منه وهو زعلان وانا الصراحه اذا ما كنت انا الغلطانه ما اراضيه بس استفزه عشان يرضيني يعني امسات وانا زعلانه منه اسبوع تقريبا وهو ما عبرني سرت وطبعت له ورقة وعلقتها على الباب في فكرة وااايد تجنن طرت على بالي وعلى طول ياني ورمسني وما لمته ولا قلت شي يعني لو حسيتيه مال ورجع لج لا تفتحين معاه الموضوع وقولي له امك على عيني وراسي بس الله يخليك انا تعبت وابغي افطمه وخليه هو يقول لامج ان هو يباج تفطمين الولد مش منج انتي لان يدة الولد يمكن ما تباج تودرين رضاعته وانتي تدرين كيف العيايز يحبون الرضاعه الطبيعيه

الله يعينج الغاليه وايسر امورج بس اهم شي حاولي تكسبين امه واكبر غلط تسوينه انج تبينين اخطاء امه جدامه
حاولي دايما تمدحينها جدامه واذا سوت شي غلط قولي له بس بدون ما تحسسينه انها غلطت يعني اهم شي الاسلوب ومدامها طيبه احمدي ربج ترى فيه ناس عايشين في جحيم مع امهات ازواجهم والحمدلله على كل حال

ريحي اعصابج وفكري كيف تردين زوجج وحاولي تتجنبين ضغوطات اهله لانج بتتعبين وااايد وبتحولين حياتج لجحيم بسبب شي بعد ما يفوت عمرج بتحسين انه ما كان يستاهل هالكثر

عانج الرحمن الشيخه ورزقج ببيت يلمج وريلج وعيالج دون ما حد يتدخل في حياتكم امين

مرحبا عزيزتي انا مريت بفترة الرضاعة كانت أسوء فترة و عارفة شعورك زين ، بالنسبة للفطام خطوة حلوة اخذتيها عشان تبدي تشوفي نفسك وتكملي النقص اللي كان فيك ايام الرضاعة يعني اهتمي بجسمك وبشكلك وبأكلك وبطلعاتك يعني ارجعي عيشي حياتك أما بالنسبة لوضعك مع ام زوجك فنصيحة مني لازم تستقلي عن اهل زوجك اذا تريدي تعيشي مرتاحة حتى لو في شقة بسيطة بس لوحدك بدون تدخل اي شخص وساعتها بتشوفي اكثر من نص مشاكلك يتنحل حاولي تقنعي زوجك بالاستقلالية عشان تعيشو حياة خالية من المشاكل وانتي ادرى بنقاط ضعف زوجك اللي ممكن تسيطري عليها وتخلي يقتنع انشالله اكون افدتك

كلامكم على عيني وراسي ريحتوني الله يريحكم دنيا وآخره.. بس الحمد لله تصالحت مع ريلي ولا كأنه شي استوى وقررت إني ما أقوله شو صار لأني ملاحظة عليه مل من ها السوالف بس الله يقدرني وأفهم أمه لأنه فها البيت ممنوع الصراحة وأنا متعودة على الصراحة بس أشوفني استويت مثلهم إنشاء الله أقدر وأصارحها بس كيف ما أدري؟

فديتك فاهمه بس انا مستغربه شلون تسوي كذا احسه احراااااج

الحمد لله رضى زوجك الله لايغير عليكم ولاتخلين هالأمور تسبب مشاكل بينك وبين زوجك

بالنسبه لأم زوجك لاتبينين لها انك متضايقه ولاتسوين معها شي ماتوقع بينفع معها كل اللي عليك انك ترضعين ولدك حتى ماتسوي شي

أوكي يعني إلين متى ........ أخاف يتعلق فيني زيادة وعقب ما أقدر أفطمه أنا بصعوبة قدرت من زمان وأنا أحاول وياه ....... وحاليا أرضعه بالليل بس وبالنهار لا والمفلروض العكس يعني اتخيلي قام الحين يقوم كل ساعة أو نص ساعة عشان يرضع مع إني كنت أرقده وهو شبعان وما أرضعه وينام لين الفجر وعقب عاد يقوم يبا يرضع إلين ما يشبع نوم وبالنهار ما يقوم بس اخترب كل شي وهل يا ترى يتصلح كل شي ولا لا وكم المدة تستغرق ......... ومشكورين حبيباتي...

أوكي يعني إلين متى ........ أخاف يتعلق فيني زيادة وعقب ما أقدر أفطمه أنا بصعوبة قدرت من زمان وأنا أحاول وياه ....... وحاليا أرضعه بالليل بس وبالنهار لا والمفلروض العكس يعني اتخيلي قام الحين يقوم كل ساعة أو نص ساعة عشان يرضع مع إني كنت أرقده وهو شبعان وما أرضعه وينام لين الفجر وعقب عاد يقوم يبا يرضع إلين ما يشبع نوم وبالنهار ما يقوم بس اخترب كل شي وهل يا ترى يتصلح كل شي ولا لا وكم المدة تستغرق ......... ومشكورين حبيباتي:salam: ...

والله معاك حق

اختي فهميها قولي لها خلاص انا بافطم ولدي وقولي لها معاناتك معها وانه يصحى

وسايريها وقلي لها اني ارضعه اذا قام اما بالليل اوكله علشان مايصحى كل شوي بالليل وانتي فعليا تكوني فاطمته
وعطيه حليب صناعي لازم حرام توه صغير
او اذا مايبي لو بكاس حليب ولو اظطريتي بنكهات على انها موكويسه

بس لازم لازم يشرب حليب

والله يعينك مالك الا المسايره

قلتلها وهو يكره شي اسمه حليب بس أنا أحطله فالاكل وياكل عادي أما يشرب فمستحيييييييييل والحين متعلق زيادة ويحطلي إيده يوم يبا يرضع ويكفخ عمره ويحاول يعق عمره وأنا ما أعرف شو أسوي أكمل رضاعة ولا شو أسوي ما أدري الصراحة رديت أرضعه نفس قبل وأخيس وكرهت شي اسمه رضاعة وكرهت ولدي بعد لأنه اتعلق بزيادة وهي تعرف كل شي أنا قلتلها أكثر من مرة ما أدري ليش اتسوي شي بس خلاص ما بيكم تتعبون وياي ما علي الله كريم.