منو تعرف مدربه ايروبك تييج البيت ؟؟؟

أم ناصر انتي من وين من الامارات يمكن اقدر افيدج.. بس عندي نصيحه لج ليش ما تاخذين سي دي ولا فلم وتسوين كل شي في البيت..؟؟

اتصلي في مراكز الرياضه وكلمي المدربه يمكن اتيي للبيت
لو انتي من العين عندج مركز الاكسير وبريمافيرا واللي في مركز الامارات

بس اسعارهم اتوقع اكثر وايد لانها خدمه خاصه وللبيت ساعه ايروبيك.....

الغالية أنتي من وين............

بنات ابوظبي اذا تعرفون وحده اذا تي البيت ياليت ادلوني عليها

حبيبتي شو رأيك تزوري مركز باريس غاليري اللي بالخالدية والله رهيب أنا كل يوم أروح و عاجبني جوهم على الآخر ،،،
انت بس حاولي تزوريهم بدون اشتراك و حتما" سوف يعجبك ،،

خواتي مشكورات عالرد ،،، انا من دبي ،،، مرت اخوي تعرف وحده بس من النوع الي ما تخبر ،، مره بالغلط رمست و ما كملت الموضوع ،،، خصوصا يوم شافتني أنا ادور مدربه خاصه ،،، و انا مشكلتي ولدي متعلقني بشكل مب طبيعي ما اقدر اتحرك الا هو ورايه ،، ما اقدر اودره بشكل يومي ،،

مشكوره اختي سويتي ليدي ،، ويزاج الله خير

في حل سريع ورخيص اشتري سيديه وسوي نفس التماريييييييين

بنات من تقوووولي وين احصل سي دي للا يروووووبيك :sad:
وين احصله لاعت جبدي وانا ادووووره:no:

حبيبتي مري المحلات الكباار تبع الريااضه - تلاقين عندهم - او اطلبيه من النت ااذا تعرفين
انا من الرياض ادري قطة وجه - بس حبيت افيدك قد مقدرتي

ياسلااااااااااام وانا ابي مدربه في الرياض

تسلمون حبايبي ،، الله يخلينا لبعض ،،

انشالله بنات الرياض يساعدونج أختي ،،،

اختي انا عندي مدربتي الخاصه اوكرانيه ودامج من دبي اوكي لانها من دبي ومممتازه صراحه حيل تغير جسمي معاها وتعرف عربي بعد وتشتغل باحد الانديه الكبيره المعروفه وتطلع للبيوت للي عندها اجهزه اذا تبغين رقمها بلغيني عالخاص وفالج طيب

وناااااااسه .. حلو انه في وحده تجيج البيت ..

واسمحولي اشارك .. ابي وحده تجيني البيت بقطر اتعرفون حد :(