مبروك الجزء التالت علينا ياكسولات مصر

ورده قست عليها الايادى 26-03-2007 502 رد 41,581 مشاهدة
s
بسنت المصريه:
هاى يا قمر لو محتاجه اى خلطه قوليلى انا عامله كشكول كبيييييييير للشعر والجسم وكولو من المنتدى هنا بصراحه وكل شويه اختى تتريق عليا بسبب الكشكول وتقلى ابله نظيره معانا :sad:



المهم لو محتاجه اى خلطه قوليلى وحتى لو مش عندى هدورلك واقولهالك اوك :salam:


هاى [blink]بسنت[/blink] حلوة فكرة الكشكول دى انا كمان عاملة اتنين واحد للبشرة والجسم والتانى للطبيخ والحلويات وبرضه اختى بتقولى كتاب ابلة نظيرة بصرة يعنى :dd:
أ
serene-soul:
هاى [blink]بسنت[/blink] حلوة فكرة الكشكول دى انا كمان عاملة اتنين واحد للبشرة والجسم والتانى للطبيخ والحلويات وبرضه اختى بتقولى كتاب ابلة نظيرة بصرة يعنى :dd:



والله انا كمان عامله الكشكولين زيك بس اختى ماشاء الله مابتعملش حاجه فى حياتها غير التريقه على خلق الله الغلابه اللى زيى :sad:
ا
:shy: بالنسبة للاخت وردة قست عليها الايادى طريقة استعمال الليمون للابط سهلة جدا وبسيطةبتجيبى ليمونة وتاخدى نصفها وتدعكى بيها الابط كويس وتسبيها لمدة ربع ساعة وبعدين تشطفيهاطبعا لكل ابط نصف ليمونةوانا سمعت كمان انه كويس عشان ريحة العرق بس انا ما جربتهوش انتى حاولى تستخدمى الرول اون بتاعتك تكون بدون كحول لان ده هو اللى بيسود تحت الابط ممكن تستخدمى فا البيضة شكلها كده عامل زى اللبن ممتازة بجد مش حقولك بقالى 5سنين بستخدمها وما سودتش معايا والله وربنا معاكى ويوفقك
ا
:cool2: انا بقى طلبة منكم طلب اخواتى بنات مصربس بالله عليكم ما تخذلونيش عشان محتاجاه ضرورى ممكن تقولولى حد بيبيع مكونات الحمام المغربى فى اسكندرية بس تكون مكونات اصلية وانا خايفة اعملة فى الكوافير عشان حرمانية انى اتعرى قدام واحدة غريبة فعوزة اعمله فى البيت ممكن بس اعرف حد بيبيع الصابونة والليفة وكدة بس يكون غير الحج ماضى بتاع المنشية لو سمحتو بليز:bigsmile:
ن
ام يحيى2005:
:shy: بالنسبة للاخت وردة قست عليها الايادى طريقة استعمال الليمون للابط سهلة جدا وبسيطةبتجيبى ليمونة وتاخدى نصفها وتدعكى بيها الابط كويس وتسبيها لمدة ربع ساعة وبعدين تشطفيهاطبعا لكل ابط نصف ليمونةوانا سمعت كمان انه كويس عشان ريحة العرق بس انا ما جربتهوش انتى حاولى تستخدمى الرول اون بتاعتك تكون بدون كحول لان ده هو اللى بيسود تحت الابط ممكن تستخدمى فا البيضة شكلها كده عامل زى اللبن ممتازة بجد مش حقولك بقالى 5سنين بستخدمها وما سودتش معايا والله وربنا معاكى ويوفقك

الف شكر حبيبتي
وفعلا وصفة الليمون دي هايله
وكمان بتمنع العرق يعني مش محتاج رول اون معاها
ن
ام يحيى2005:
:cool2: انا بقى طلبة منكم طلب اخواتى بنات مصربس بالله عليكم ما تخذلونيش عشان محتاجاه ضرورى ممكن تقولولى حد بيبيع مكونات الحمام المغربى فى اسكندرية بس تكون مكونات اصلية وانا خايفة اعملة فى الكوافير عشان حرمانية انى اتعرى قدام واحدة غريبة فعوزة اعمله فى البيت ممكن بس اعرف حد بيبيع الصابونة والليفة وكدة بس يكون غير الحج ماضى بتاع المنشية لو سمحتو بليز:bigsmile:

كان نفسي افيدك بس انا من القاهرة
ان شاء الله بنات اسكندريه يفيدوكي

وبعدين على فكرة جربي وصفة شهر العسل لبنت عذارى الوصفة دي هايله جدا وانا جربتها وعجبتني اكتر بكتير من الحمام المغربي

تقريبا عملت في ربع الوقت اللى عمله الحمام المغربي ويمكن اكتر كمان
وانصحك تشتري حمام العروسه احلى بكتير من الحمام المغربي بردوا
l
مبرووووك يابنات الجزء الجديد ...انا لسه واخده بالي دلوقتي ان الالجزء التاني اتقفل والمره الجايه بقا عاوزين نغيره لنشيطاااات مصر ...بلاش كسولات عشان لما بسمعها بكسل :bigsmile:
m
يا جماعة حد جرب كريم الاساس النباتى اللى من عند حراز
n
يا بنات مصر أنا جديده عالمنتدى و عايزه أسألكو على منتجات حراز اللى بيقولوا عليها حلوه فعلا و حد جربها و عايزه أعرف هو فين عنوانه فى مصر أنا ساكنه فى مدينه نصر بس أرجوكو ردوا عليا عشان لما أنزل مصر أجيب من عنده
r
لولولولووووووووووووووووووى

مبروك علينا يا بنات الجزء الجديد :clap:
r
يا بنات سؤال برة موضوع التجميل و البشرة و الشعر و الخلطات

حاجة ملهاش علاقة بتاتا :shy:

مين فيكم يا حلوات فى الجامعة و عملت تدريب صيفى فى شركة محترمة

ارجوكم بلييييييييييييييز ردوا عليا :sad:

هموت و اعمل summer trainining
ح


السلام عليكم ورحمة الله وبركاته

هلا حبيباتى

موضوعكم رائع جزاكم الله خيرا

ما شاء الله حبيبتى بنت عذاري ماقصرت ونبهت نفس التنبيه الىل حبيت اقولكم عليه

فباكد على نفس كلامها

كريم ليوكوسيد أر

مانصح حد باستخدامه الا باستشارة طبيب

لانه جدا قاسي على البشره ومقشر قوي جدا جداااا جدااااا

فمانص باستخدامه الا اذا نصح الطبيب باستخدامه

دا غير ان له طريقه معينه لاستخدامه لانه فقط فى بداية استخدامه تدريجيا يوضع لفتره معينه وبعدها يغسل ومش كل يوم

لكن عموما مانصحكم ابدا باستخدامه

تانى شئ الكيناكومب مش لتبييض المنطقة بين الفخذين

تبييض المنطقة بين الفخذين مايستخدملوش ابدا حاجه فيها تقشير

حبيت احذركم ياغاليات

ح
ميرسيه كتير لكى يا نانى اصل خطيبي شعره وحش اوى وبيحب الكريمات اللى تخلى شعره حلو ف أهوه يمكن كريمك ده يساعده
ح
at2ota:
انا زعلان ة منك يااميرة عشان مرديتيش عليا بخصوص موضوع حبوب الخميرة


لا انا مش اقدر ازعلك العلبة فعلا لونها ابيض وعليها ورقة فيها احمر لكن هى مكتوب عليها 60 قرص
ح
بالنسبة لوضوع الابط انا ممكن اقولكم على طريقتى وهى حلوة اوى يمكن تعجبكم
الصيدلية فيها علب جليسرين دوارة يعنى زى علبة مزيل العرق انا بشتريها وبفضى نصفها في زجاجة فارغة وبضيف لها زيت خروع وزيت لوز وزيت ورد علشان تدينى ريحة حلوة وبستعملها كل يوم بجد ريحة حلوة وبياض مع الاستعمال المتكرر
يارب اكون افدتكم
a
الف شكر ليكى يااميرة على ردك عليا وبالنسبة لزيت الخروع للابط مش بيتهيئلى ان كدة غلط اكمن زيت الخروع بيساعد على ظهور الشعر ولا انتى رايك ياترى لاحظتى كدة ولا لسة بتستعملى الوصفة جديد ومخدتيش بالك
l
nona el sha3nona:
يا بنات مصر أنا جديده عالمنتدى و عايزه أسألكو على منتجات حراز اللى بيقولوا عليها حلوه فعلا و حد جربها و عايزه أعرف هو فين عنوانه فى مصر أنا ساكنه فى مدينه نصر بس أرجوكو ردوا عليا عشان لما أنزل مصر أجيب من عنده


نونا اهلا بيكي معانا ...بصي بالنسبه لحراز انا لسه كنت رايحاه قريب وكاتبه الحاجه الي جبتها بالأسعار في اللينك ده

http://www.3roos.com/forums/showthread.php?t=236945&page=6

وبالنسبه لفروعه انا رحت لفرعه الي في الهرم هو في سوبر ماركت المحمل قصاد مستشفى الهرم
وفرعه الأساسي في باب الخلق جنب مديرية امن القاهره وفيه فرع تاني في مصر الجديده ان شاء الله البنات يفيدوكي عن الأماكن دي بالتفصيل :flower:
h
معلش يا جماعة أعذرووووووووووووووونى بجد لأنى برد ردود سريعة كده

بس بجد والله والله كلكم وحشتوووووووووووووونى موووووووووووت

سارة الخلطة بتاعت الجسم اللى صحبتك جربتها بتقولى بتخليها ساعتين بعد كده تشيلها صح بتشيلها إزاى بقىىى

عروس مش حزينة إن شاء الله دايما سعيدة عايزينك تنورينا بمشاركاتك

حبيبة 110 نورتينا بمشاركتك

أميرة-- ليتل كات-- نونا وكللللل البنات كلكم شاطرين ومش كسولين ولا حاجة

نسرين راحت فين يا ترى

بنت عذارى الغالية نورتينا والله وجزاك الله خيرا على فتح الموضوع ل500 رد

يابنات أنا فى فى دماغى شوية حاجات كده هجربها وأقولكوا إن شاء الله

باااااااااااااااااااااى
l
roseario:
يا بنات سؤال برة موضوع التجميل و البشرة و الشعر و الخلطات

حاجة ملهاش علاقة بتاتا :shy:

مين فيكم يا حلوات فى الجامعة و عملت تدريب صيفى فى شركة محترمة

ارجوكم بلييييييييييييييز ردوا عليا :sad:

هموت و اعمل summer trainining


ازيك يا roseario أنا كمان عاوزه اعمل تدريب ومش عارفه امتى وفين ....شكلي كده مش هاتخرج :sad:
ح
at2ota:
الف شكر ليكى يااميرة على ردك عليا وبالنسبة لزيت الخروع للابط مش بيتهيئلى ان كدة غلط اكمن زيت الخروع بيساعد على ظهور الشعر ولا انتى رايك ياترى لاحظتى كدة ولا لسة بتستعملى الوصفة جديد ومخدتيش بالك



لا ابدا زيت الخروع مش بيزيد الشعر ولاحاجة انا بستعمل الخلطة من فترة كبيرة ومش حسيت بكده خالص بالعكس انا دايما كل شهر بعد الدورة الشهرية بشيل شعر الابط بالحلاوة وكنت بستعمل زيت الزيتون لمدة 4 ايام متواصلين وبعد كده الخلطة والشعر كان كل شهر بيخف عن الشهر اللى قبله والشهر ده تانى شهر لاستعمالى كريم السعد وحاسة انى الشعر قرب يختفي توكلى على الله ومش هتندمى
X