ساعدوني ... أكتشفت ان زوجي؟؟؟؟

بسم الله الرحمن الرحيم

السلام عليكم ورحمة الله وبركاته:

حبيباتي ابا اخذ رايكم واسألكم في موضوع مضايقني وايد وكيف اتصرف فيه؟؟؟؟

انا متزوجة من 3 سنوات وعندي طفل الله يخليه أن شاء الله ..

وزوجي كان اول ماتعارفنا وتزوجنا رمز للرجل الشهم الشرقي الذي لايحب الظلم ولا الظالمين

بعد فترة قولو بعد سنة بعد الله مارزقنا الطفل اكتشف ان زوجي بدأيظهر على حقيقته

ويتغير فبد يطلبني بالمشاركة الاجبارية في مصاريف المنزل ومصاريفه هو ومصاريف مشروع قيد

الانشاء كنا ناوين نسوية وطلب مني اطلع سيارة واسحب سلفية على الراتبي منغير علم اهلي

وهو اصلا مو منتظم بدوامه فشهر يداوم وثلاثة شهور نايم في البيت طبعا مو بيتنا

يروح بيت امه ينام عندها وطبعا يوم يجي اخر الشهر اطر انا ادفع اجار البيت وراتب الشغالة

واقساط سيارته وسيارتي واغراض البيت ومصاريفة ومصاريفي يعني قولو يروح

من راتبي 60 % التزامات اجبارية للبنك ألزمني فيهل زوجي ومع العلم انا اغلب الاوقات

في بيت اهلي لحكم ضروف عملة الوهمية ومرة عشان حالتي النفسية وظروفي المادية الصعبة

اتجهت للفيزا وطلعيتها بحدود 30 الف وزدت الطين بلة وقلت تراها خربانه خربانه المهم مرت الايام

ونكشف الخافي من سنة تقريبا وما قدرت استحم واكتشفت ان زوجي مع علاقة مع وحدة ويصرف

عليها بالهبل وطبعا من خيري وخير ولدي ...

كنت بعدي والدة وفي النفاس سكت وسكت بس ما قدرت شليت الولد وديته وين ماكان نايم بيت امه

وروحت وخليته عند ابةه ابةه توهق فيه شوية وبحكم ان امة حرمة عودة ما تقدر تربي اطفال

رجعلي طفلي وانا كنت عارفة ان هذا بيصير وعورتة القرصة شوي وتادب

بس ماطاف شهرين الا هو بعد ما مداون ومطلوب للتعقيب انا هالمرة ما قدرت استحمل وقلت اطلع ا

لفيزا واسافراغير جوويوم درا اني مطلعة فيزا ردلي قبلها وقضا على اغلبها وخلالي

فيها بحدود 7 أو 5 الاف

المهم سافرت وهو سلم نفسه للتعقيب ورجع شغله مرة ثانية ...

مرت الايام ورجع كل شيء على طبيعته بس فيه شرخ موجود واكتشفت انه مول ما شاف خير

مايصدق ان عندي فلوس قولي يالله نروح نباتلنا يومين في فندق ويطير الفلوس ويرتاح

ولا يوم عرف ان عندي اسهم تم يحن ويزن روحي بيعيها وخلينا نعيش حياتنا ونتمتع بشبابنا ليش

انتي ميودة فلوسج باجر بتموتين وما بتتهنين فيها دايم وابدا هذا كلامة ...

المهم انا خسرت على ايدة قولوا ربع اسهمي من حنته ومن الظروف الصعبة إلي تواجهنا

خلو كل إلي راح كوم وإلي كتشفته من يومين كوم ثاني ان هو متسلف فلوس يمكن قيمة 20 الف

من اعز اصدقائه وهو مصري الجنسية والمسكين غمضني وهو يصيح على فلوسة ليش ليش

شوه ناقصنه ليش همه بس الفلوس ليش هو مو شايف خير ولا يحب يمثل ان هو ولد عز ولا شوووه

بالظبط صدقوني انا يوم اكتشفت هالشيء عن طريق امه لانها هي إلي قالتلي ان المصري ياي

يصيح على فلوسة قلبي عورني ومارضيت ان هو يصرف علينا من مال حرام

بس قولولي شوووه اسوي اطلب الطلاق ولا اتم على ذمته بشكل صوري عشان خاطر الولد ولا

شوووه لانه هو إنسان حرام العيشه معاه

لأن إلي مايحترم نفسه عمرة ما بيحترم بيته ولا أهله ولا حرمته


ساعدوني ونصحوني الله يخليكم فانا ما اقدر اصارح حد من اهلي بهذا الشيء