تأجير أطقم ألماس

ماسة 24-03-2007 9 رد 922 مشاهدة
م

السلام عليكم

مرحبااااااااااااااا بنات "عروس"


طالبتنكم طلبة



تراني عروس ومتوهقه

يوم الخميس ملجتي يعني نهاية الاسبوع

والين الحين ما اشتريت الشبكة "الطقم"


رحت دورت كل مكان ما لقيت اللي يعيبني

فما ابغي استعيل واشتري اي شي

والصراحه كل الاطقم اللي دخلو خاطري ب200,000 وفوق
حشى ما ادري كم مره بلبسه


فاي وحده عندها طقم الماس يناسب لعروس مثلي

بأجره عنها ليوم واحد وبردلها اياه اليوم الثاني

وطبعا بعطيها 500 درهم تأجير

500 درهم ضمان يعني اول ما ارد الطقم ترجعلي بس 500 وال500 الثانيه تاخذها حقها



بليز لا تخذلوني وساعدوووووني


شو بيلبسني خطيبي يوم الملجة؟؟؟؟؟
أ
مرحبا انا ما عندي شي للتأجير بس اقترح عليج تسيرين مجوهرات الزين ومجوهرات فيفا في ستي سنتر عندهم اشيا حلوة ...وانا ماخذة طقم من فيفا واااااااايد حلو
ق
حبيبتي انا ما اعرف شنو عندكم بالامارات

بس احنا عندنا بالكويت في محلات تبيع الماس مستعمل يكون وايد ارخص من اليديد
يعني انا مره شفت طقم الماس قيمته 14 الف لان مستعمل بيبعونه بــ 4 الاف بسسسس

يعني شوفي اللي بــ4 جم ينباع اذا مستعمل

روحي المحلات اللي عندكم سأليهم اذا عندهم مستعمل

الله يوفقج
ا


أختي الغاليه ماسة

الله يوفقج ويسر لج أمورج ان شاء الله

أختج الدانـــــــه


ع
سيري دراجون مركز الصين في دبي بتحصلين اطعلى الماركات العالمية قم مقلدة

في وايد محلات بس محل مجابة واحد ايبيع حبوب وجنسيج بين المحلات ومحلي راقسي وحلو الاغراض الي فية اغلى عقد 700 حتى 100 اطقم الحلوه
ز
والله لو حذالي بعطيج طقمي بدون أجار بس شو اسوي ابعيده عنــــــــــــي

بس غريبه المفروض الشبكه على المعرس
م
زعابية ... أهل المعرس عطوني الفلوس وقالولي أتنقي على ذوقج
$
غريبه !!!!!!
بتلبسين طقم مأجر !!!!!!!!!!!
واذا اسالج زوجج عنه او اهله ..
ايش بتقولين ..
ضاع وخذت غيره ..
وبعدين هاذي ذكرى
بتظل لج طول العمر
الصور وهو يلبسج الشبكه شي ولا اروع
بس تخيلي اللي في الصورة غير واللي عندج غيرر
دور طقم في حدود ميزانيتج وان شاء الله بتلقين ..

موفقه
ع
الغالية في سوق الذهب لازور على الشارع قبل الدخلةاللفة صوب المحلات
عنده اطقم مناسبة مب شرط يكون 40 الف بتحصلين 5 حلو وكبير الماس زركون
لو تشترين عقد 40 او 30 شو بسويبة كم بتلبسينه
بتملين منه بس احسن خلية هو يشترية عشان يعرف قيمج الغالية
قولي الفلوس ما كفن ولا تتهاونين وياه من اول بيتعود ماتصرفين بعدين ماشي فايدة
ر
حبيبتي مستحيل وحده تاجر عليج طقمهاا
وبتعطينها 500 ضمان؟؟؟
العقد يمكن فوق ال 100 الف .. او 50 الف ...

ونصيحتي لج.... روحي اخذي لج عقد لو صغير بس يكون مالج
ترى انتي عروس .. ولا تبلخين على نفسج بشي
X