ام علي , قصايد , روعة , مسافر بنااات .... انا ؟؟

الف مبروك والله يتمم عليك ان شاء الله

مبروك حبيبتي أنا فرحت لك واجد وادكرت إحساسي عقب مرار طويل
الله يثبت لش إن شاء الله
وتتكلمين لينا عن التعب والوحام والتجهيزات وهذي القصة الطويلة اللي احنا إن شاء الله في نهايتها

ماعليج من الشهر الي خذيتي فيه الكلومد يمكن اهو الي اثر ونزل دورتج ابكر

بس الحين انتي شتبين بالدورة.. :)

انشالله ماتشوفينها الا عقب 9 شهور

كويتيه():
مسافر ه

انا محتارة ابشغله وانتي قوليل اشرايج

انا طول دورتي 32 يوم

ويوم رحت حق الدكتور ابشهر 1 وعطاني كلوميد انزلت علي الدورة قبل موعدها ابيومين

يعني يتني اب تاريخ 24 /2 وهي المفروض اتييني ابتاريخ 26 / 2

يعني يتني بعد 30 يوم

الحين انا اشلون اعرف اليوم اللي لازم اتييني فيه الدورة

هل احسب بعد 32 او 30 يوم؟

صباح الخير حبيبتي:

موعد ولادتج بيكون باذن الله 3/11

كل تاريخ 3 اتكلمين شهر

كل يوم سبت اتكملين اسبوع بالحمل

انتي الحين مكملة 4 اسابيع ويوم


والله يتمم لج على خير انشاء الله

مبرووووووووووووووووووووووووووووووووك
الله يثبت حملج
ويتربى في عزكم
كلولولوووووووووووووووووووووووووووش
والله فرحتلج
الله يوفقج ويبارك في حملج قولي ااااااااااامييييييييييييييييييييين

الف الف الف مبروك وربنا يتمم حملك على خير

سبحان الله

رحـــــــــــــــــــمت الله كبيرة

شفتي نهاية الصبر

وربي يثبت لج اياااااااااااه

ومبرووووووووووووووووووووووووووووووووك

:shy: :shy: :shy:

الله يتمم عليك حملك و يرزقك الذريه الصالحه
ويرزقني ويرزق كل من تتمنى الذريه
آللهم آآآآآآآآآآآآآآآآآآآآآآآآمين






مع تحيات


اسعى لرضاه

ألف ألف مبرووووووووووووووووووك يالغاليه وربي فرحت لج من قلب..ربي يثبت لج ويسهل عليك حمله وولادته آمييين يا رب العالمين ..

وديري بالج على حالج زين..

والله أني فرحت لج من قلبي والله يثبته يارب



أهم شي الحين تتحملين بعمرج واللي ببطنج هو الحين أمانه عندك هالجنين


والله يتمم لج الشهور كلها بالخير يارب وتفرحي بالذريه الصالحه

ألف ألف ألف ألف مبرووووووووووووووووك وتستاهلي كل الخير المهم خلي بالك على نفسك وتدلعي

ألــــــــــــــف ألـــــــــــــــــــف مبرووووووووووووووووووووووووووك

تستاهلين حبيبتي والله وقف شعر جسمي وانا اقرا الموضوع تستاهلين تستاهلين تستاهلين

الله يثبته ويربطه لج انشالله ويفرح نظرتج فيه يارب

وينج طمنيني رحتي للطبيب..

قوة بنات اشلونكم

والله ماني قادرة اوصفلكم شنو شعوري وانا قاعدة اقرى مشاركاتكم

لكن الحين بقولكم شي حدة ضيق خلقي وماني عارفة شسوي

بقولكم اشصار وانتوا قولولي رايكم


انا يوم رحت يوم الخميس 22-3 وانا باقيلي عالدورة 5 ايام تقريبا وسويت تحليل بول عزكم الله طلعلي خطين وهالشي شجعني اني اسوي تحليل دم


المهم رحت وسويت ابنفس اليوم تحليل دم وطلعلي طبيب المختبر وقالي النتيجة اهي

weakly positive

وقالي مبروك ونتيجة التحليل ضعيفة لان موعد الدورة ليما الحين ما يه

وقالي تعالي عقب يومين عشان انعيد الاختبار مرة ثانية

طلعت وانا مستانسة وقلت الحمدالله ورحت ابشركم بالنتيجة

بعد يومين اللي اهو الاحد قمت الصبح ولقيت ابملابسي الداخلية دم على افرازات وانصدمت

وبعد فترة نزل علي افراز بني

دخلت المنتدى وقالتلي اختي مسافر ه ان لازم اروح الطبيب لان احتمال الحمل مو ثابت ولازم يعطوني حبوب تثبت الحمل


المهم قمت ورحت حق نفس العيادة وقلت للدكتور اني بعيد التحليل وسوالي تحليل الدم

وبعد عشر دقايق اطلعتلي النتيجة

وانصدمت

قالتلي الدكتوة مالت المختبر ان النتيجة تغيرت

جان اقولها شنو ؟؟؟؟؟

جان اسالها شنو الفرق بين هالنتيجة والنتيجة مالت يوم الخميس ؟

جان اتقولي يعني النتيجة غير معروفة

جان انصدم واقولها شنو ؟

جان اتقولي قلت النتيجة

جان اتقولي يمكن من الدم اللي نزل

واتقولي لازم اتسوين تحليل للهرمون والنتيجة تطلع بعد ساعتين والتحليل راح يبين

وسويته بس ما قدرت انطر النتيجة

جان اقولها بدق عليج بعد ساعتين وعطيني النتيجة بالتلفون

جان اركض مخترعة للمستشفى

ودشيت عالدكتورة وشرحتلها كل شي

جان اتقولي لازم اشوف التحليل

المهم طافت الساعتين واتصلت عالعيادة وقالتلي نسبه الهرمون 11.68

جان اقول حق دكتورة المختبر شنو يعني حامل ولا لا ؟

جان اتقولي النتيجة السلبية 10 واقل وانتي 11.68

وهدا الشي اللي اقدر افيدج فيه


دخلت عالدكتورة وعطيتها النتيجة والغبية كانت هندية جان اتقولي شنو هالرقم

انا ما اعرف

روحي نزلي المختبر وسوي التحليل عندنا بالمستشفى لاني ما اثق بالمختبرات

رحت وسويت نفس التحليل

وصعدتلها

واول ما عطيتها النتيحة

قالتلي انتي مو حامل والدورة راح اتييج باجر اوعقبه

قتلها اشلون ما يصير

اشلون تحكمين ابسرعة

وانا موعد الدورة اساسا ما يه

جان اقولها

ما ارجع بعد يومين واعيده

جان اتقولي لا

المهم طلعت وانا كلي كآبة

مادري شصدق

حامل ولا مو حامل

دخلت صيدلية المستشفى وشريت تحليل الحمل المنزلي واول ما رديت البيت سويته جان يطلعلي
خط خفيف

اشوي واصير مينونة

ما ادري اشلون مر امس

قمت الصبح دقيت على امي وقتلها تعاليلي ويبيلي معاج تحليل منزلي خل اعيده

ويت ويابتلي

وكان النوع مو معروف

سويته واطلعت النتيجة سلبية



استخفيييييييييييييييت

واليوم قاعد ينزل علي بني

ينزل ويختفي



بنااااااااااااااااااااااات



قربت اين

قولولي اشرايكم

حبيبتي الله يكون في عومج

اول شي قولي انا لله و انا اليه راجعون لا حول ولا قوة الا بالله

بعدبن روحي عند دكتورة شاطرة و يمدحون الدكتورة نداء بوخضور او معصومة بقصيد

قوليلها كل شي و خل تفحصج و تسوي سونار و كلشي

ودام ان نتيجة اول شي ايجابية و بعدين نزل دم ترا موزين لازم سيدا علامستشفى اذا نزل دم

فلا تنطرين و الله يصبرج و يكون بعونج و قوليلي شصار

اختي بقولج شي

عقب ما قريتي اللي كتبته

شتحسين حامل ولا مو حامل ؟

قوليلي

انا مو دكتورة و كلامي ماراح يفيدج

بس قد يكون حمل و نزل

او حمل بس توه في بدايته

مادري والله روحي عند دكتورة شاطرة






ونصيحة لج لا تزعليم مهما كان الموضوع



و تبين نصيحة ثانية صلي صلاة استخارة على الحمل


و قولي شيصير

الله معاج

بنات

اقروا اللي صارلي فوق وقولولي اشرايكم ؟

بنات


اليوم الصبح نزل علي دم

وامس بالليل نزل علي بني

والحين ماني عارفة هذي دورة او شي ثاني

وبطني يعورني عوار دورة