محتارة في شاب ..............نصحوني

رأيي انج تتبعين الخطوات الاتيه

1- تستخيرين من اليوم وتدعين ربج يبين لج اذا فيه خير لج ... ولوفيه خير لج الامور بتتسهل ان شاءالله

2- تخلين الوالد يسأل ... خل يتقدم رسمي والباقي على الوالد هو بيسل اذا الرجال يناسبج واذا وظيفته تناسبج أولا

3-دام انه اخته صديقتج فتقدرين تستفسرين عن الاشيا الي تبينها ...نظام شغله ..تفكيره او أي شي ...



والله يوفقـــــــج يارب بالي فيه خير لج ....

أشكرك غاليتي .......

انا خطيبي دكتور وعنده مناوبات ليليه وعادي

يعني الشغل مو عيب

اهم شي تفاتحي اهلش في الموضوع بطريقه حلوه

صاحبة السمو اشكرك على الرد ....... بس أعتقد ان وظيفة الممرض غير عن الدكتور لو كان الي متقدم لي دكتور ما اظن اهلي بيمانعوا .....ما اعرف ليش ما يعتبروها شي ؟؟؟؟؟؟

شوفي رأي أهلج>>>وصلي الأستخاره>>>والشغل مب عيب اهم شئ دينه وأخلاقه>>>والله يسر أمرج:)

عليج بالأستخارة والله يوفقج أنشاء الله..............

امين يارب العالمين....يارب الله يخليكي لنا ودعائك جميل يدل انك بنت خلوقة...اسمعي بقلك نصيحة حلوة وخفيفة ياريت ترتاحي بعدها....اول شي ياريت ماتتقربي للشخص قبل ماتعرفي رد الوالد...ثاني شي الانسان مايعيبه شي الا دينه واخلاقه..مادام متوفرين هذول الشغلتين وهو انسان عاقل ومحترم...ومتدين...وقريب لقلبك..واهلك مرتاحين...كان بها...وطبعا كل هذا والزواج قسمة ونصيب...لا تعلقي امال..ولا تتعلقي بالشخص..تصرفي طبيعي...عشان اذا ابوك رفض تنسي الموضوع...حتى لو رفض ابوك ظالم...بس صدقيني الاب ادرى بمصلحة بنته بهل زمان لانه يعرف ما بداخل الرجال هو رجل واكيد بيفهمله...وحتى لو بدك ادافعي عن الشخص قدام ابوكي ...قوليله...مايعيب الرجال شي والممرض..له اعلى المراتب عند الله...لانه يبذل جهده لراحة الناس يعني هذا الممرض كملاك الرحمة..الله يوفقك يارب..وبنصحك لا تستعجلي..عشان ماتندمي...بالعجلة الندامه..ياقمورة انتي الله يهنيكي يارب ويهني الجميع...باي وبالتوفيق

رايي من راي البنات استخيري ...............

لو انتي مقتنعه بمواصفات هالانسان خليه يتقدم لك رسمي ولو الولد ماوافق عشان عمله انتي بينيله وجهه نطرك وانه شغلته مب عيب ولو رفض الوالد خلاص اقتنعي في رفضه لان الاب عنده خبره فالحياه ويعرف ظروف المجتمع اللي احنا عايشين فيه وهو ادرى في مصلحه بنته وهاي انسان ما كان بينكم معرفه مسبقه فبيكون الموضوع اسهل والله يوفقك.

استغفر الله...

هووظيفته ممرض مب اي شيء ثاني؟!!!!!!!!!!!!!

اهم شيء شغل شريف ورزق حلال...

ووووبس... الباقي خواتنا ما قصروا معاج ..

اقول والله ماتحلمي بالممرض وانها من احسن الوظايف ويكفي النظافه فيه وثقافته الصحيه والاجتماعيه لان عمله يحتم عليه واختلاطه مع الاطباء الكبار
دايم الممرض تلاقيه مثقف ومتعلم كل شي لانه كل يوم يمر عليه وجه جديد
والرومنسيه فل
انا اختي متزوجه ممرض ومبسوطه منه ومن تصرفاته
واختي الثانيه متزوجه عسكري وقرفانه منه ومن تصرفاته التافه
ورواتب الممرضين عاليه جدا

ما أدري إذا انتي بالسعوديه ؟؟

اذا ماتدرين وزارة الصحه رواتبهم عااااليه حتى الممرضين يستلمون راتب اعلى من المدرسين لعلمك
يمكن 7 الاف ونص بأول سنه خدمه ..

ومع الوقت تزيد

انا صديقتي خطيبها ممرض ومرتااااح من ناحية الراتب

الا اذا كنتي معترضه على مسمى الوظيفه اذا احد سألك .. هذا شي اني .. بس تقدرين تقولين مساعد طبيب وانتي كذا ماتكذبين لأن الممرض فعلا مساعد للطبيب

الله يسعدك .. واذا مافيه عيب الا هالعيب .. توكلي على الله

بالتوووفيق

اول شي استخيري الله تعالى ترى الاستخارة والله يا بنات لها فعل عجيب عن تجربة شخصية قريب لي واستخرت الله وسبحان الله ما صار نصيب وتفركش الموضوع من اتفه الاسباب وربي يرزقني بصديق اخوي وولد جيراننا بنفس الوقت صح ابوي ما خلى طريقة عشان يفركش الموضوع لكن استخرت الله وسبحان الله تيسرت اموري والحمدلله بكل سهاله وتزوجنا والحمدلله زوجي طيب وحنون وكريم الله يخليه لي ربي ويسخره لي ويسخرني له قولو اميين

اشكرن خواتي على الردود الطيبة والي تريح البال والقلب..........الله يهنيكن ويسعدكن يارب على هالنصايح الغالية ...............جزاكن الله خيــــــــــــــــــــــــــــــــــــــــــــــــر

البنات ما قصرو بكلامهم اتمنى لكي التوفيق ان شاء الله من كل قلبي

الينبوعة:
البنات ما قصرو بكلامهم اتمنى لكي التوفيق ان شاء الله من كل قلبي

ان شاء الله..........أشكرج اختي...................جزاك الله خير

الله يوفقج

عزيزتي اللي يشتغلون في الأشعة مب ممرضين
هاذيلا يا محفوظة السلامة ويا عزيزتي الكريمة حاصلين على شهادة بكالوريوس علوم صحية تخصص الاشعة السينية
وغير كل الغير عن الممرضين ومعظم الجامعات العريقة اتدرس هالتخصص في كليات العلوم الصحية وازيدج من الشعر بيت ان هالتخصص يعتبر من فروع تخصص هندسة المعدات الطبية يعني الحاصل على البكالوريوس في هالتخصص هناك بعض الجامعات اللي اجيز للطالب ان يكمل ماجستير في هندسة المعدات الطبية ومن ابرز الجامعات اللي ادرس هالتخصص في دولة الإمارات العربية المتحدة هي جامعة الشارقة في إمارة الشارقة......................
والناس اتنادي عليهم دكتور مب ممرض؟؟؟؟؟؟؟؟؟؟؟؟؟؟؟؟؟؟؟؟؟؟؟

وإذا اتحبين راح اييب لج الخطة الدراسية لهم عشان تقتنعين ان تخصصهم ماله علاقة بالتمريض وخذي نسخة من الخطة الدراسية راويها ابوووووووووووووووووووووووج



ملاحظة: شامة العز وايد منفعله لان اختها دارسه هالتخصص واتعرف ان هاي من اكبر مغالطات عن هالتخصص!!!!!!!!!!1

http://go.3roos.com/Rdaax3vgIR5

هذا اللنك اللي يدخلج على خطة تخصص العلوم الصحية قسم الأشعة السينية

ومن خلال هاللنك راح تدخلين على اللنك الخاص بالتمريض بعد

وخبريني عقبها شو قال ابوج