فضيحة كورن فلكس

غرام القلب;3553953:
هههههههه موووووووول ما يخصه يا جماعة الخير.... ترا الرامس مينون و المستمع عاقل الله يهديكم..

عفواً بس الإنسان البالغ العاقل الدارس و الفاهم ما يصدق كل شي ينقال..

أولاً: الخبر يقول "كورن فليكس" طيب إنتو سمعتوا عن شركة او مصنع إسمه كورن فليكس؟ أكيد لا لأن كورن فليكس مجرد منتج من عدة شركات مثل كيلوقز، التعاون، نستله، سلطان و غيره و غيره و غيره... يعني الخبر مثل الواحد لما يقول" يا بنات انتبهوا الرز فيه دود... طيب أي رز في أنواع و شركات مختلفه من الرز..

ثانياً: الطريقة المطروحه عشان نكشف إن الكورن فليكس فيه حديد... أبداً ماله دخل لأن طبيعة الكيس الشفاف فيه شحنات... تتفاعل بالإحتكاك.. حتى لو تحطي إيدك تحسي إنه يلصق.. حاله حال أي كيس ثاني... تذكرون زمان أيام المدارس وبالتحديد في حصة العلوم كنا نعمل تجارب مثل هذي، نجيب قصاصات ورق و بعدين نمشط شعرنا بمشط و نحط المشط على قصاصات الورق و على طول تلصق... اكيد مرت عليكم صح؟

ثالثاُ: بحكم إني إماراتية فبتكلم عن بلدي، مافي منتج يدخل الدولة إلا و يتم فحصة عن طريق المختبر، يعني لو تجي بضاعة مواد غذائية و توصل الجمارك ما تدخل الأسواق، لأن ياخذوا منها عينات عشوائية و يتم فحصها و لما تطلع النتايج إنها سليمه على طول ينزلونها الأسواق.. أما إذا كانت غير سليمه يتم تلفها...و نفس الحال بالنسبة لشركات الألبان والحليب و المياة المعدنية، كل يوم لازم يفحصونها قبل ما تنزل الأسواق، يتم فحصها بشكل يووووووووومي و انا عن نفسي زرت المختبر وشفت بعيني.. كان عندي حب استطلاع ... و قلت الحمدلله في ناس تبذل مجهود كبير عشان توصلنا المواد الغذائية سليمة..

رابعاً: عندما إنتشر هذا الخبر قبل 3 سنوات تقريباً، تم إرسال رسالة رسمية من بلديات الدولة لكافة الدوائر الحكومية و الجرايد إن الخبر إشاااااااااااااعه و غير صحيح..

أخيراً: لي رجاء خاص، ضروري الواحد يتأكد من الخبر قبل نشره عشان ما نظلم حد و لا نساهم في نشر أشياء غير صحيحة و نكبرها عالفاضي.... ترا في ناس كثير صدقت الموضوع...

والسموحه عالإطاله...