أنا الزوجة الثانية دخيلكم ساعدوني..

يابعد قلبي انتم توكم على البر ..

بصراحه انا افضل انك تحطين له خيارين ..

إما تعلن زواجي عند أهلك وزوجتك تعرف .. ولا افسخي العقد .. دامكم مابعد تزوجتوا

والله يعوضك خير ( لأنك على نياتك مثل ماتقولين .. ولأن نيتك صافيه وما ودك تخربين بيت الزوجه الأولى )

الله يوفقك

اختي اولا انتي وأهلج غلطتوا عشان ما نشدتوا عنه
وثانيا عشان اكتفيتوا بحضور اخته عشان تخطبج

مدام انه ما خبر اهله، يعني هم مب راضين ويمكن
خايف منهم........شو ممكن يستوي لو عرفوا عقب ما تعرسون؟؟
ما تخافين انهم يطلبون طلاقج مقابل رضاهم عليه؟؟؟
وعلى فكره، يوم أهل الزوج ما يقبلون بزواج ولدهم للمره الثانيه،
يعني هاي الثانيه وعيالها ما بيقبلون أو يعترفون بهم .

ملج عليج بدون علم زوجته، ما تخافين في يوم من الأيام تتكرر
السالفه وياج؟؟؟
كيف بتأمنين على مستقبلج ويا واحد ابتدى بالكذب عليج ومصر
يكمل كذبته على أهله وحرمته؟؟؟

كيف تبين تتعرفين على اهله او تبين حرمته تعرف؟؟
تخيلي انج زوجه وتتصل وحده تقول لج انها تزوجت ريلج!!!
ولا تخيلي انج أم وتتصل بج وحده تقول انها تزوجت ولدج
بدون رضاهم....شو بيكون موقفج؟؟؟

اختي هالشي لازم يستوي بس لازم ريلج اللي يسويه..
ولازم ما يرفض...يعني يشوف عمره ريال حق الزواج بس
وما يشوف عمره جبان يوم ما خبر حرمته وأهله؟؟

لازم تخبرين أهلج يتصرفون، ولازم أهله وزوجته يعرفون
وعلى فكره لو رفض يعني هذا انسان أناني والوحده
ما بتطمن على حياتها وياه ولو اشترط سكوتج انتي
وأهلج عن سالفه اهله وحرمته، الفراق أحسن بمليون مره
من هالانسان...

موقفج صعب .........الله يعينج

اشكركم حبيباتي على الرد و على النصايح ..

انا كلمته وقلت له لازم تخبر اهلك .. و سكت عني قرابة خمس دقايق و عقب قال يصير خير الي تريدينه بيصير

هل تتوقعون انه بيخبر اهله .. الريال وايد طيب . انا حسيت من اسلوبه انه زوجته الاولى مش مهتمه فيه

افيدوني الله يجازيكم :sad:

لا حبيبتي مو كل زوج تزوج على زوجته بمعنى ان زوجته الاولى فيها عيب لا عيوني
الريايل ما تملى عيونهم الا التراب
وانا متفقة كل الكلام الي قالته انفنتي وهذا اهو الصح
فلا تتسرعين

لا حبيبتي مو كل زوج تزوج على زوجته بمعنى ان زوجته الاولى فيها عيب لا عيوني
الريايل ما تملى عيونهم الا التراب
وانا متفقة كل الكلام الي قالته انفنتي وهذا اهو الصح
فلا تتسرعين

حبيبتي انا حاسه فيك

بس لازم تطلبين منه احد امرين انه يخبر اهله وله يخبر اهلك ان اهله مايعرفون

اذا شفتي انه ماطل اتاكدي انه مو شريك في كلا الحالتين ولا تنجرين ورى عواطفك

وخذيها مني نصيحه مايربي الرجال غير الرجال ودخلي اهلك احسن لك عشان لا يلمونك لو صار لا سمح الله طلاق

بعدين ليش مايعلم سارق اهو وله ناهب نهيبه

صدقني لو مليخاف كان ما داس وات تخلين نفسك متعه له بس
انتي داخله في علاقه جديه ومصريه لكي انتي
بس هو مجرب العلاقه هاذي وعنده استعداد يتنازل عنك لجل عياله لا تفكرين انك بتكنين اغله من عياله لو زادت الامور تعقيد انتي الي بينسحب عنك

وستخيري عشان الله يسهل لك اصعب وبنور طريقك

والله يوفقك

أنت الثانيه.....!!!!!؟؟؟؟؟؟؟
ما عندي شي أقوله غير أنك دخلتي نفسك في معمعه ومشاكل توجع الراس تزوجتي رجال عنده زوجه وأولاد؟
يعني أسمحيلي أنا حاس أنه ماخذك علشان متعته الشخصيه ولا ليش يتهرب منك لما تفتحي معاه الموضوع ماهو معبرك وتشوفين بعد الزواج البهذله اللي راح تتبهذلينه من هذا الزواج .
اللي هذا أوله ينعاف تاليه .
الله يعينك المستقبل قدامك.....!!!!!!!!!!!!!!!!!!!؟؟؟؟؟؟؟ الله أعلم

اختي الحبيبيه انا من وجهة نظري صراحه لاتتزوجينه
لان هو قبل الزواج كذا
اجل تاكدي ان بعد الزواج حايجيكي هجوم طبيعي من اهله وزوجته الاوليه
وبعدين لاترضين ان تكوني الثانيه ابدا لان
احنا الحريم لازم نحس ببعض
واستخيري رب العالمين

حبيبتي


السالفه فيها عمر مابر اخرعج

بس اصارحيه واذا غير المووضوع واجهيه

وكلمي احد من هلج كبير بالمووضوع لانهم

بيساعدوونج

انا رأيي انك تستخيرين
وماخاب من استخار الله سبحانه
وتوكلي على الله