شنط بيبياتكم بالصور ..يلا راوونا شو فيها...

هلا اختي ام محمد
بصراحه موضوعج وايد حلو
انا الحين في الدوام يوم بسير البيت بصور شنط ولدي ....حمني

مثل ماوعدتكم يابنات لما أرجع من الدوام أصور لكم الشنط ،بس أنشغلت بالتنظيف والغسيل وعشيت عبودي ونومته والحين تفرغت لكم..

دورت لكم شنط عبودي أول ماولدته مالقيتهم الظاهر في بيت أهلي..

بس الحين راح ابدأ مع شنطته لعمر السنة ولحد ماكان يلبس الحفاظات ويشرب الرضاعة،، روعة عملية ولا تغير شكلها


الحين شنطته االي يستخدمها حاليا.. طبعا كبر لا رضاعات ولا حفاظات ، أهم شي ملابس إضافية من الملابس الداخلية ومناديل معطرة والقبعة والنظارة وقنينة الماء والشوكة والملعقة وطبعا بسكوت وعصير وجبس.. لو كنا طالعين طلعة طويلة طبعا أحط له لبسة إضافية. طبعا الشنطة على شخصيته المفضلة Thomas


باقي شنطة صغيرة حق الطلعات الخفيفة والسريعة، شريتها له من مدهش وولدي يحب مدهش كثير

بنات حد يساعدني أصغر الصور مو عارفة أصغرهم....

جمانه

قطر غيرل

بنبونه

همس القلوب

يلا اتريا صوركم واغراضكم بفارغ الصبر :)


رانيا

حبيبتي مشكوره عالمشاركه..شنط عبودي حلوه..واول وحده مالت هارودز حمودي عنده تقريبا مثلها بس ناسيتنها..ذكرتيني فيها لين الحين ما استخدمتها..خخخخ بروح ادورها :)


غيرت لج حجم الصور..ولو كم رانيا عندنا

تسلمين أم محمد... ماقصرتي..

صح الأولى من هارودز وعندي وحده صغيره مرة نفس الشي بس سادة وعليها الدبدوب كنت أستخدمها أول ماولدت عبودي لطلعات المستشفى والتطعيم بس مو عارفة وينها.. إذا لقيتها أحط صورتها.

ويييينكم؟؟

اللي قالت برد من الدوام و بصور؟؟؟ يلاااااا نتريا الصوووووور

angel eyes:
هلا عروس كتكوته

ابيييه احرجتيني فديتج ...

هالمناديل متوفره في كارفور و اكياس التخلص من الحفاض موجوده في مذركير و بيبي شوي

يلا نبغي صور شنط عيالج




بلاكن باردات يا بنات..والله افا..توقعت التفاعل يكون اكبر عن جيه

:shy:




انجل اييس


راس مالي سعودي وعمره الحين شهر واسبوعين ....الاغراض اللي عنده مب وايده شرات حمودي
بس ان شاء الله بصور لج اغراضه


(f)

في الانتظار عروس كتكوته..والله يحفظلج سعودي الحلو :)

افاااا والله ما هقيتها منكم

يايه و يايبه صور يديده لشنط ما كنت حاطتنهم و اتحسب بحصل 100 رد!!!!

صراحه موضوع يجنن...
برجعلكم بعد ماأصور الأغراض:)

هلا حبيباتي شو اخباركم

ادعولي ربي يعوضني عن ابني الله يرحمة بطفل صحي وما فيه الا العافية عاجلا غير اجل علشان اصورلكم اغراضه وحاجياته


مشكورة انجل على الموضوع الحلو

هلا آنجل آيز

موضوعج واايد حلو...نحن عدنا فالعايلة تحدي بين شنط اليهال..لازم اتكون شيك وحركان..والشنطة وايد مهمة...بس والله متعايزة أصورهم..انشالله اذا فضيت بصورهم و بحطهم..

على فكرة..عيبتني أول صورة حطيتيها حق حمووود ماشالله روووعة...

روووووعة هالموضوع

الوحدة تستفيد منه

تسلمين غناااتي ..

بالنيبة الي بنتي عمرها اربعة اشهر

وشنطتهافيها اشياء ثابتة مثل

طقم ملابس كامله + فوطة فيها نايلون لتغيير حفاظ الطفل عليها
+حفاظات + مناديل معطرة + بودرة + كريم سيلافيكس + مرطب جونسن +ماء مغلي + حليب+ اكل الطفل الجاهز + ملعقةبنتي + مريلة حق الطعام والاكل + المميات للحليب والماء + خرخاشة + مندر لنوف الطفلة عليها + لحاف او بطانيه وبس
اتخيلو اديش تاخذ من وكتي عشان احشي الشنطة

الاخت اللي حاطه صورة نابي ساكس

من وين شاريتها؟؟


وين القاها في الشرقية

خخخخ ماعندي طفل صغير بس احب سوالف العيال الله يرزقنا ويرزق كل محروم يالله ياكريم ببركة نبي الرحمة محمد الله يرزقش غدوره يالله ...
بالنسبه لنابي ساكس انا شفته بسيتي بلازم قسم الاطفال المواليد ...

موضوعج مررررررررره حلوو واشياءكم تهبل الله يحفظ اولادكم واولادنا يارب العالمين ..

هلاااا

انا بحط لكم مجموعه من الشنط اللي استخدمهم حق عيالي..

هذي الشنطه من oilily ...حجمها كبير وتشل اغراض وايد واستخدمها حق المناسبات مثل العيد لاني ما ابغي اشل شنطتين حق الولد والبنت وحده تكفي...

سويت بحث وحصلتها في النت



والشنطه الثانيه خذتها من مذركير..تناسب العربانه الكحليه اللي عندي وخفيفه حق الطلعاات واستخدمتها حق السفر



وهذي الشنطه استخدمها للمراضع واكل البيبي او مرات للطلعات السريعه مثل الدكتور واحط فيها لبسه وحده وبامبرز ومرضعه وحليب ومناديل مبلله...حجمهاا صغير وحلووو




وعندي نفس الشنطه الفوشيه بس كبيره نفس اللي في الصورة هذي ومعاهااا قطعه نحط عليها البيبي وقت التغيير..وعلبه للمناديل المبلله وقطعه لحفظ المرضعه نفس اللي تشوفونها في الصوره..بس باللون الفوشي اللي فوق...وهذي استخدمها يوم اسير عند اهلي او زياره عند ناس...وطبعا احط فيها كل شي من ملابس وبامبرز ومراضع ودلة الماي وحليب وكريم الحفاظات..الخ..



اتمنى تعجبكم مجموعتي..

شو نوعية الاكل هذا ؟؟وياليت تفتحون موضوع عن طعام اليهال من الولادة لغايه مايسنن او يقدر

ياكل بروحه

عندي بعد شنطتين نسيت احطهم...

هذيل تقدرون تستخدمونهم يوم يكبرون العيال شوي في عمر السنه او السنتين لانهم ما يحتاجون اغراض وايد



وهذي بعد



الشنطتين نفس الحجم بس مادري ليش وحده طلعت اصغر عن الثانيه

وهذي الشنطه ماعندي منها بس عجبتني وقلت بحطها لكم...



شوفي في هالصوره كيف حجمها وطريقتهااا..وهذي بعد ماعندي منها بس عشان اوضح لكم


شو رايكم....

الفجر البعيد حبيبتي .. ماشااااااااااااااااالله عليج انتي شكلج لازم تفتحين لج محل عربانات وشنط يهال <<<<< متابعه موضوعج الثاني...:)
والله صج انا ماقدر اجمع هالقد اغراض .. بنتي ماشالله عليها وحده واحس اغراضها تارسه البيت واحس عفيسه... مادري اشبسوي لو جبت البيبي الثاني والثالث.. بقط الاغراض وببدا من جديد لوووول
بس لا والله جد جد اغراضج تهببببببببببل ماشالله اشياء غريبه وحلوه للبيبات ...