اكره زوجي لابعد الحدود وصراحة اتمنى....

بنات والله مو عارفة شو اقول بس انا اشكركم على الردود ولا وحدة قصرت وكلكم بنات حلال وفيكم خير وقلتو كلام رزين يدل انكم فهمانين الحياة...وحتى الي ظلموني بكلامهم مش مشكلة...بس انا والله ابعد الناس من شوفة الحال...يالله مش مشكلة...عزيزتي الي سألتي اذا كنت اكره من قبل الزواج بقلك لااااااااااااااااا بالعكس كنت اعتبره ملك وكنت فرحانة وفخورة فيه وكنت مو مصدقة وانا اتزوج..لكن شوي شوي ...والرجال صار ينكشف على حقيقته وكل يوم يسوء اكر من الي قبله ..ولو اجي الوم حالي ماالاقس شي ينلام في بدايه العلاقة لاني كنت زي الكلب المطيع...ولو على الترتيب والعناية بالنفس والله صدقوني ..عمرو ماشاف شعرة بجسمي زايدة..ودايما عطور وملابس حلوة..وعالبيت....من اجمل وارتب البيوت...بس سبحان الله شخصيتو غريبة هالانسان..والله مااعرف كيف كرهني فيه...بس سبب الكره معاملتي كاني جماد من غير مشاعر...وبنات انا خايفة اكون كرهتكم بالزواج...على فكرة هو عندي بالبيت ونايم هلأ...وقبل ماينام قلي...روحي نامي بدال ماانتي زي الهبلة بتلعبي...شوفو كيف التهزيء, لا وشو كمان انا شخصيتي تساوي زيرو...قلتلو ليش زيرو..قال انا ماعندي سالفة ومشكلجية..بس انا المسكينة لا بشكي ولا بطلب ولا بشتري ولا بتسوق..وغيري من النسوان...كل شهر بتشتري وبتعمل غير هيك...شو انا زيرو...والله الحياة صارت غصب...ديرو بالكم..في اختيار شريكم يابنات حاولو اطولو فترة الخطبة الى 6 او 8 اشهر نصيحة مني..يالله الله يهدي الجميع والله صابني اليأس...حتى جامعة مافمت اروح..الله يسترني بس

حبيبتي حاسه فيك بس امشي ورا عقلك انا احييييييييييييييييانا تجيني موجات كره زوجي واحيانا اقول وش الي زوجني كنت عند اهلي مرتاحه ليش مافكرت وليش وليش بس وش نسوي بس اذا تذكرت انه عزني والحمدلله اقول الحمد لله يحبني بس مثل ماقلت تجيني موجات كره افكر فيها بالطلاق بس نفسي استشير واحد متخصص بامور الزواجيساعدني اني ماكون كذا وتكون نظرتي وحده لان الحيره صعبه

حبيبتي خذي وعطي معه حاولي تتقبليه وتمدحيه راح هم هو يتغير ويهتم فيك

انا اعتقد انك انتي تقدري تغيري طالما انه يحبك حاولي تغيري من صفاته السلبية بالدلع وبالاسلوب
الحلووو والغنج لاتستني منه الغلطة وتقولي اكرهه واكره الساعة اللي شفتو فيها
بالعكس غيري زي ماتحبي وصارحي ...وبعدين لاتتوقعي انه يجيكي ملاك من السما
سنتين معاه اكيد عرفتي حسناته وسيائته
ولا شووووووووو رأيكم بنات .....؟؟؟

هلا بااربي

انتي مثل وحده اعرفها

ماتحب زوجها والادهي والامر انجبرت عليه

نفس كلامك بالظبط

بس عندي سؤال بس اهي من بلد وهو من بلد ثااني والطباع والعادات غير وانا اعتبرها كانت من اكبر مشاكلها والي سبب لها نفوور منه

بس ماشاء الله عليها صبوووره وذكيه جدا

بدلته وصار انسان غيررر غيررر

احترامج وشخصيتج انتي الي تفرضينها عليه مو اي احد ثاني

وعليه علي اي شخص ثاني

معلش بطلي دلع واشتغلي على تغيره وفكري وين مفتااح شخصيته ومن وين تدخلين عليه وتغيري طباعه الي شايفتها غلط

اما ااذا منتي شايفه انوا ميئوس مننه

ماكان في داعي لرجعه بعد الزعل لان هذي الي تخلي الرجال يستهين بالمره وتطيح هيبتها عنده

كل شوي تزعل وتروح بيت اهلها كم يوم ولا راجعه

جد جد مو من مصلحت اي بنت تسوي جذيه

واذا فعلا مو لاقيه حل وتبين الستر وموقادر تقبلينه ماي داعي تسوين اي شي
خليك انسانه صريحه وتصرفي صح
روحي بيت اهلك وقبل تنزلين من السيااره قوليله يافلان
وعن تراضي انا مو قادره اعيش معاك اكثر وإلي هنا وخلاااص

الوجه للوجه ابيض ومع السلامه

وخليك قد قرارك
هذا إذا كنتي فعلا ماخذه هالقرااار ومستعده تتحملين عواقبه

وقبل كل ذا اكيد الاستخاره لان ربي ايسرها لك

ربي يوفقك ويهدي سرك ويسخرك لزوجك ويسخره لك

:)

هلا والله
اتعرفين انا بعد اكره زوجي وايد وايد وايد لدرجة اني اتمنى انه يفارقني بس المشكلة تختلف بيني وبينك وهيا انه عندي ولدين منه وسبب كرهي له انه يخوني باستمرار ويضربني يوميا وينزلني في الشارع وقت متأخر ويسبني جدام الى يسوا والا ما يسوا بس شو اسوي حاولت بكل الطرق اني اسويله الى هو يباه بس يومين ويرجع على حالى الاولى وفق ذلك امه دايما تتدخل بينا وانا اكرها ومافي شي زين شكاك واتعرفين انت احسن حال مني بس عند رب العالمين ما يضيع شي مع اني اجمل عنه ومركزي الاجتماعي والدراسي والوظيفي اكبر عنه للن ارد واقو ل انه ابو عيالي ودايما هو يقولي انت احسن وحدة في الوجود يعني هو مريض نفسيا احس فيه وانا صابرة عليه مع الايام يمكن يتغير انا اقول ارجعي لزوجك وحاولى انج ادورين شي زين في يعني مثلا انا زوجي يحب عياله وايد وما يقصر عليهم في شي ميزو زينة فيه بس معايا ابداا مب زين الله يهديه ويهديج واسمحيلى على الاطالة:sad:

أختي أخذيها نصيحة نار زوجك ولا جنة الطلاق.

الطلاق أبغض الحلال عند الله يعني شئ بغيض وما يجي منه غير البغض والشر أصلحي نفسك ورزوحي عند طبيبه نسائية لن معظم المشاكل الزوجية والنفور سببها غرفة النوم أو الفراش حاولي اتصارحي زوجك بالمتعة الزوجية الي أنتي تبغيها لا تنتظريه هو يعطيك لأن هو ما راح يعطيك غير إذا عرف أنتي شو تبغي .
من تنحل هالمشكلة صدقيني بتتغير وجهة نظرك عن زوجك.

أختي أنا ما أعرف شو دينك لأن من كتابتك امبين أنك شامية يعني فيكم المسلم وفيكم المسيحي
فلو كنتي مسلمة تقربي من الله وأقرأي القران وشغلي سورة البقرة يوميا في البيت وأكثري من الدعاء والأستغفار لأنها تشرح الصدر وتجلي الحزن.

وإن كنتي مسيحة أيضا تقربي من الله ومن كتابكم ومن الأدعيه.

وبارك الله فيك ووفقك بحياتك

اكتب هذي الرسالة...لرب العالمين ومن ثم لكم...اسأل ربي المغفرة لو كنت ظلمت اي حد في حياتي حتى زوجي الفاسي واسأل ربي ان يهدي نفسيتي ونفوس الجميع...وادعو اليه ان يهديني ويهدي جميع البنات..عنجد ومن قلب صادق اتقدم بالشكر لكل البنات الي بالمنتدى سواء الي ساعدوني وردو علي او حتى الي دعولي او بس قرأو الموضوع...اتمنى ان الله يسير ازواجنا وانا سوف اصبر على زوجي واحتسب اجري ...لعل وعسى يتغير وان لم يتغير هذا شأنه وانا ضميري مرتاح عند رب العالمين..اشكر كل البنات على كلامهم الرقيق...واتمنى اي وحدة تعاني من مشاكل انه الله يبعد عنها كل شر ويخليها تحب الدنيا من اول وجديد...واحنا كلنا موجودين هون...لعبادة الله عزوجل...يارب يرضى عليكم كلكم..ويهديني ويهديكم...وشكر خاص لاحلى بنات ردو عبي باجابات منطقية مهدئة للصدر...عنجد احبكم بالله..سامحوني لو قلت شي غلط وماحبيتوه...الله يخليكم لي مع السلامة....واحب انوه للسالت لو انا مسلمة او الله ...الحمدالله مسلمة..وفخووورة جدا باسلامي الي هو التاج الي البسه فوق راسي...ورحمة ربي هي ال مخليتني صابرة وراضية..على كل شيء...انصح كل البنات الشكوة والسؤال عند الله اولا ثم البنات...لان الراحة مصدرها الله عزوجل

الله يعوضكم .. و يصبركم .. مافيه شئ اقدر اقوله لكم غير كذا ,,,

الله يـــــــــــــــــعوضكم اخواتي ..

الله يعينج حبيبتي بس نفس ماقالوا الاخوات تعوذي من الشيطان وفكري بشي الحلو الي في زوجك ترى مميزاته راح تغطي على عيوبه مع الايام راح تعرفين انج كنتي غلطانه ابدي من اليوم فكري بشنو شي الي تحبينه فيه ودايما قولي زوجي حلو بعيني علشان عقلج ياخذ الفكره ويتعود لانج انتي عودتي نفسج انج تكرهينه وانج ماتحبينه طلعي الفكره هذي من بالج حبيبتي والله يسر اوموركم

الله يوفقك حبيبتي .. وربي يسهل امرك


وكثري من الدعاء والله كريم ..

هلا حياتي

اسال الله انه يحبب قلبج في زوجج ويجمعكم على الحب والمودة والتفاهم والتالف يارب

اختى المراة الذكية تاخذ الشخص اللى هو يحبها مب اللى هي تحبه لانه بيقدر وبيحترمها وبيموت فيهها

اختى شوفي حسنات زووجج وسيئاته
اذا حسناته تطغى على سيئاته استمرى معاه وحاولى تصلحين عيوبه وتتناقشين معاه
واذا العكس حاولي معاه مرة مرتين عشر

قوليله يافلان انا مو عاجبني فيك كذا كذا كذا وهذي حياة زوجية مب لعب يهال اذا تبى حياتنا تستمر طبيعية صلح عيوبك واصلح من نفسك بكرة بتصير ابو عيالي واسلوبك بالمرة مايعجبني

عادي يااختى مافيها شئ اذا تصارحتي مع زووجج

بس ماتتسرعين بالطلاق بتكتسبين اثم من ربج
الطلاق في حالات خاصة اذا استحالة الحياة الزوجية بين الطرفين ونفدت كل السبل للاصلاح

يا بنااااااااات
شو هذا الي اسمعه

شفت كمن وحده كاتبه ابغض الحلال عند الله الطلاق....ياجماعه هالحديث مب صحيح

و لا تستشهدون باحاديث ضعيفه...اصلا ماشي شي اسمه حلال مبغوض...

الرسول قال الحلال بين و الحرام بين ....

و سالفت ابغض الحلال عند الله الطلاق شلوها من راسكم ......

الله ما حلل شي الا و له حكمه فيه....

و اذا البنت مب مرتاحه مع ريلها خلها تطلق...البنت مابتكفر يوم بتطلق...

بالعكس بترتاح...

و نا اشوف انها اذا استمرت معاه و هيه على هالحال بتمرض و بتتعب و عقب محد بينفعها....


و بعدين من كلامها انها حاولت تصلحه يعني سنتين و نص فتره مب قصيره .....


اختي عليج بقيام الليل لانه في هالوقت الله ينزل للارض و يستجيب دعوات عباده....


عسى الله يفكج من هالهم الي انتي عايشه فيه يارب ......

و دوم رددي اللهم ااجرني في مصيبتي و خلفني خيرا منها

[mark=FFCCCC]الله يفرج همك وكربتك عزيزتي[/mark]

شوفي الغلط منج وزوجج ماله ذب انج تكرهيينه ولا انك مغصوبه عليه وافقتي عليه برضاك فاذا انك مو طايقته وانتي مزوجته بموافقته تحملي الي يجي منه

[grade="00BFFF FFA500 FF6347 4169E1"]الله يعينج[/grade]