كل بنات المنتدى دخلوا الموضوع جدا مهم سر تساقط رموشي

حكاية غرام:
أختي العزيزة أنا الشوق ممكن توضحين أكثر عن مطول الرموش ووين يصير هاي مركز الطب النبوي وأختي بخصوص مافالا للأسف انه رحت صيدلية الفارابي وناصر وما عرفوها ورحت بعد فيسز والحواج فما اعتقد انها موجودة في البحرين لأن البنات يقولون أنها موجودة في قزاز وقزاز مو موجود عندنا في البحرين ولو لقيتيها خبريني الله يخليج بس زيت الخروع منوين خذيتيه في البحرين ؟؟؟

هلا حبيبتي
هذي صورة زيت الرموش اخذته من اعلانهم


وهذي صورة الزيوت اللي عندهم ومنهم الخروع



أما الخروع اللي انا استعمله فموجود في كل مكان في السوبرماركت أو الصيدليات وانا اخذه من اسواق المنتزه وهو مكتوب عليه حرف الB بالاحمر وcastor oil والغرشه يمكن ب400 فلس وشوي

والمحل ذي في سوق الرفاع عند المسجد اللي في السوق وفي بعد في المحرق بس مادري وين بالضبط

واي استفسار انا حاضره واذا تبين بعد اييب لج اياهم انا حاضره :shy:

حاضرين لحبايبنا ان شاء اااه بتشفين ..

بس انتي خلي عنج الوسوسه ولا تفكرين وايد .. هذي اهم شي ترى النفسية اذا نفسيتج مرتاحة ومسلمة امرج لرب العالمين هذى دواء ... رب الكون ما يبخل على عبادة والحمد لله انتي احسن من غيرج ... اذا انشوف مصيبت الناس يهون مصيبتنا ....

الغالية أنا الشوق حبيبتي انه بحاول أروح المحرق وأدور عنه أو الرفاع أبي اشتري زيت الرموش يمكن يفيدني بس هاي أغراضهم موثوقة ؟؟؟ لأن بصراحة عمري ما سمعت عنه وخبرج ما فيني شدة يصير لي شي بعد وأبي أسألج شنو أحسن طريقة لتنظيف الرموش أحسهم وايد يلصق فيهم الوصخ وانه عندي تساقط فأخاف أنظف بطريقة غلط ويطيحون اسفة يمكن السؤال غبي شوية بس انه حالتي خاصة وهل لازم كل يوم أطبقها انه عندي رموش متلاصقة مع بعض بسبب استخدام المسكرا من قبل وانه حاولت اشيلها بكل الطرق بس ذبحتني احس بعده شوية لاصق فيها وعشان جذي كل جم شعرة متجمعين ومسوين شعرة وحدة فهمتي قصدي لا ومعذبيني ما عرف اشلون افكهم ومفشليني في نفس الوقت لأنه كلهم على بعضهم خمس وحدات اسفة اذا طايقتج بس بشنو تنصحيني ؟؟؟؟؟؟؟

الغالية ماريا أشكرج على تشجيعج لي وان شاء الله بحاول ما أفكر وايد في الموضوع بس خاطري أرجع طبيعية مثل الأول وأقدر أستعيد حياتي القبلية وأطلع ومو كله حابسة روحي في البيت وحتى الدراسة مو مشتهيتنها

اختي في مسكرا يبيعونها في الصيدليه وهي عباره عن زيوت اتطول الرموش بس مااعرف اسمه متوفر في صيدليات ابن سينا في الامارات و سعره اعتقد 150 درهم

حبيبتي والله ماعندي فكره عن منتوجاتهم بس انا خذت من عندهم كريم حق الويه وهذا اليوم الثاني استعمله واحس ويهي صار احسن
ومادري ليش احس ان منتجاتهم زينه :bigsmile:

اما عن تنظيف الرموش انا اول ما اقعد استعمل لي مزيل مكياج العيون او مرات ماي ورد
بس انتي اخاف اذا استعملتي مزيل المكياج يصير لج شي فالافضل ان ماتحطين شي
شوفي اذا تقولين لاصقين جربي تفرقينهم بالبروش اللي حق الحواجب مايكون فيه جهتين؟؟ فيه جهه للرموش جربي تستعملينها
بس تصدقين انا تشجعت ان آخذ لي منه
لأني كنت ناويه على مافالا بس انتي تقولين مالقيتيه
واحس هاذي عملي اكثر من الخروع

حبيبتي مافالا ما في منه في البحرين اذا انتي بتروحين العمرة ولا الحج روحي مجمع طيبة هاي مجمع يصير في المدينة المنورة رحته انه فيه عندهم محلات وايد والمجمع عموما مستواه زين حتى أنهم عندهم البودي شوب وغيره بتشوفين محل اسمه قزاز موجود هناك انه دخلته روحي واسألي عن مافالا اكيد عندهم لأن شركة مافالا السويسرية متعاقدة مع قزاز تبيع منتاجتها بس ان شاء الله ما يكون مخلص لأن عليه إقبال كبير وهالمنتج قديم مو توه يديد انه ان شاء الله اذا رحت العمرة بشتري لي ولج احتمال اروح في العطلة انه بعد نصي سعودية ونصي بحرينية وما بنسالج وقفتج معاي تستاهلين كل خير وحتى لو بتروحين الدمام عندهم قزاز محلاتهم متوزعة على كل السعودية وبتلاقين مافالا عندهم

بس انه افكر حاليا اشتري زيت الرموش من مركز الطب النبوي ويا رب يفيدني وعلى فكرة انه جربت الخروع الي انتي تقولين عنه جم مرة وصعب أحطه لأن وايد ثقيل وأخاف يدخل داخل عيوني ومشكورة يالغالية مرة ثانية

شكرا على الوصفة اخت ماريا
وان شاء الله يحميج ربي من كل عين وحسد اختنا حكاية غرام...........................

جاان زين والله اروح العمره قريب
ادعي لي :sad:
انا وااااايد رايحته مجمع طيبة من قبل بس على ايامها كنت غبيه ماعرف في سوالف العنايه وهالاشيا خخخخخ
بس ان شاء الله ان شاء الله اذا عندي احد بيروح السعوديه اوصيه اييب لنا :bigsmile:

ان شاء الله أختي وترى يقولون ان سعره بسيط كلش مو غالي وعشان عيونا ورموشنا يرخص كل غالي هاا اشرايج في زيت الرموش مال مركز الطب النبوي بتشترينه ؟؟؟ انه بشتريه يوم السبت ان شاء الله

معقولة 400 وحدة وشوي يدخلون ويشوفون الموضوع وبس جم وحدة ترد ؟؟؟؟؟؟؟

اسمحوا لي يا بنات عروس الغاليات بس هذا مو العشم فيكم ؟؟؟ وين التعاون ؟؟؟؟؟

اعتبروني اخت من اخوانكم بجد انه محتاجة مساعدة وتشجيع منكم وصدقوني ما بنسى فضلكم بظل أدعي ليكم بس ساعدوني أول مرة في حياتي يصير لي شي جذي ومو عارفة شسوي ؟؟؟

حكاية غرام:
ان شاء الله أختي وترى يقولون ان سعره بسيط كلش مو غالي وعشان عيونا ورموشنا يرخص كل غالي هاا اشرايج في زيت الرموش مال مركز الطب النبوي بتشترينه ؟؟؟ انه بشتريه يوم السبت ان شاء الله

انا ان شاء اله باجر بروح اشتريه العصر
ووصيت صديقتي هي في السعوديه قلت لها اذا بتيين البحرين قولي لي ابيج تييبين لي شي وياج وللحين ماردت

نحن في الانتظار :bigsmile:

حبيبتي انه اشتريت اليوم زيت الرموش من مركز الطب النبوي في المحرق تصدقين درت السوق 3 مرات على ما لقيته وسعره بدينارين ونص واشتريت معاه كحل أثمد بدينار لونه أسود وفيه منه بني وأبيض بس للحين ما جربت شي مدري أحس فراشة المسكرا قوية على رموشي أخاف تنزعهم لي لأن اهم كلش ضعاف بس لازم بجربه على العموم اهو وايد رخيص وانه سالته عن مكوناته قال ما يدري فيه يمني يشتغل هناك بس قال أن صاحب المحل خالطنهم ويا بعض بس سعره وااااايد معقول وان شاء الله اجربه عما قريب .......

كحل الاثمد
والله يعين

بصراحة انا ما عندي شيء اقوله .. استخدمت زيت الخروع لفترة ظهرت لي اكياس دهنية وعقبها جراحة بالعين الله يبعد

عنك كل سوء ... مشكورة انتِ وباقي البنات على المعلومات الحلوة

هلا اخويتي شخبارج ان اليوم احسن من امس
حبيبتي يمكن عيونج تعبانه ريحي عيونج بأكيا شاي لبتون هذى زين يبرد العين ومثل ما قلت لج خلي العسل لفترة وان شاء ااااه هذى دواج وعلى الله الشفاج .. تشرفنا غاليتي واااه ادعي لج من كل قلبي ... حبيبتي مارسي حياتج كاي انسانه عاديه هذي شي موخطير صدقيني بتشفين وبتنسين .. ويمكن عندج نقص في فيتامين ما كثري في اكل الثوم النيئ مع شرب السؤال ووالفواكه واكل التين الجاف لان وايد مفيد وحتي جرعة عسل وحبات الزبيب من الصبح ....

يالله حبيبتي لا تدلعين وايد مارسى حياتج طبيعي لان انتي توج وردة اصغيرة وانتبهي لدراستج ومستقبلج ...

بارك اااه فيج ..

مشكورين أخواتي الحبيبات على تشجيعكم لي

الغالية ماريا والله انه ما اتدلع اتصدقين اليوم قعدت أصيح في الجامعة كل ما بنية تشوفني تقولي شفيج متغيرة مريضة تعبانة عيونج تعبانة ورموشج خفيفة انه حتى لو أبي أشجع روحي ما أقدر أتشجع وحتى الدراسة ما لي نفسها اتصدقين اليوم فكرت أنسحب من الجامعة هالكورس أبي أتحسن صار لي 4 أشهر على هالحالة ما أجرؤ ألمس رموشي وااايد لاصق فيهم وصخ ما أعرف اشلون أطيره ولو طيرته بتتقلع جم شعرة الي باقية لي والمشكلة الزيت خايفة منه وكحل الأثمد وااااايد من أحطه عيوني تحمر ما ادري يمكن مو أصلي

بنات تعرفون شي اذا اكله يمكن يكثف لي رموشي ؟؟؟؟ على الأقل الأكل مضمون ما بيطيح الرموش أو فيتامينات أو أي شي انه حاليا استخدم فيتامينات خاصة للشعر من شركة ناجرس باونتي

حبيبتي شدة وتزول وما كو داعي للانسحاب من الجامعة انتبي لنفسج وما عليج من كلام الناس...

والوسخ اليي في عيونج يطير بكمادات الشاي البارد وانا قلت لج استخدمي عسل السدر والله العظيم انا شفت النتيجة من ثاني يوم اقولج توكلي على الله وخلي العسل في عيونج واكلي بعد من الصبح على الريق وكثري في شرب عصير اناناس وافوكادو لان زين لهرمون الشعر ...

اختي حبيبتي الله يحفظج للغاليج ما تشوفين شر وانا امزح وياج عشان تنسين اهموج ولا تفكرين وايد شوفي اختي ما في انسان على وجه الارض ما يشتكي من مرض الا وجه رب الكريم ولكن الصبر هو مفتاح الفرج...اللهم فرج هم وغم من اختنا حكاية غرام بحق شفلعة محمد (ص) واهل بيته (ع)...

من الصبح عند استيقاظك اذكري اااه انه مجمل ومنعم وشافي وباكي والحمد لله انه احيانا بعد موتنا يعني النوم هو موت الانسان القصير في الدنيا ومثل ما قلت لج رب العالمين ما ينسى عبده الصبور الشكور...
حبيتي اذا تبين عسل انا عندي لا تترددين قولي لي وانا بوصل اليج ياللله بخليج اختي الله وياج....

الله يعينج ويكون في عونج

أختي ماريا 2 ممكن اطرشلج رسالة عى الخاص لو سمحتي جيكي الخاص مالج