سجلت في لونغونغ وانصدمت من اللي شفته

3

3afary

عروس مبدعة

14-03-2007 | 09:00 AM

استغفر الله العظيم
استغفر الله العظيم
استغفر الله العظيم

بنت لابسه كندوره لا وغتره وعقال بعد:qaq: استغفر الله بس
الدلع والمياعه منتشر بين البنات .. اوكيه بلعناها .. بس لما يكون بين الشباب:qaq:
الاغلبيه العظمى هنود وايرانين ... :sad:
استغفر الله العظيم استغفر الله

في الباركينج استغر الله العظيم ... ما ادري شو اقول ...

واشياء ثانيه استحي اقولها

وين الادراه ويييييييين .. ولا لانها جامعه خاصه ... ساكتين

بنات انا درست في كليه دبي الجامعيه .. وطلعت والسبه هالحركات الماصخه
ضيعت سنه من عمري اااااه بس ::confused:

ترا نحن نستأثم لما نشوف هالحركات ...
استغر الله العظيم .

g

gha1982

عروس مشرقة

14-03-2007 | 12:24 PM

حسبي الله ونعم الوكيل ولا حول ولا قوة الا بالله العلي العظيم ................حبيبتي انت ما تزعلني نفسك...........انا اعرف ان الموضوع حساس والادارة لاهين بجمع الفلوس بغض النظر عن تربية أولادنا وشبابنا تربية اسلامية اخلاقية صحيحة ...........ولذلك لا نطلب العون الا من الله العلي العظيم ان يهدي الجميع وصراحة لابد من شكوى صريحة لوزارة التربية والتعليم عن هذه الجامعة الي مفروض تكون مكان للتعليم والاستذكار وليس مرتع لسلوكيات وأخلاقيات فاسدة وهذا رايي ........أستغفر الله العظيم ...................تحياتي

ا

ابتسامة طفل

عروس فضية

14-03-2007 | 12:32 PM

اذا تبين جامعه ما فيها حركات تعالي جامعة الشارجه

البنات يطلعون منها لانها صاكه شوي عليهن وما تعطي مجال وايد للخرابيط اللي تشوفينها في جامعات ثانيه

3

3afary

عروس مبدعة

14-03-2007 | 04:21 PM

انا ما اقدر ادرس في جامعه الشارجه .. لان دوامي لين 6 المغرب
فاخترت ولونغونغ لانها وايد كلوز) من مكان شغلي

3

3afary

عروس مبدعة

14-03-2007 | 04:21 PM

انا ما اقدر ادرس في جامعه الشارجه .. لان دوامي لين 6 المغرب
فاخترت ولونغونغ لانها وايد كلوز من مكان شغلي

ر

راني تفاح

عروس مشاركة

18-03-2007 | 09:23 AM

أنا أدرس غكلية دبي الجامعيه

اللي سموها الحينه جامعة دبي

والله العظيم أتلوع بالجبد من كل انلواحي بس شنسوي أتياوز ويا مينونك عن أييييك أين عنه

ر

راني تفاح

عروس مشاركة

18-03-2007 | 09:24 AM

أنا أدرس فكلية دبي الجامعيه

اللي سموها الحينه جامعة دبي

والله العظيم أتلوع بالجبد من كل النلواحي بس شنسوي أتياوز ويا مينونك عن أييييك أين عنه

حليلج و الله ظهرتي من جامعه لجامعه أخس

3

3afary

عروس مبدعة

19-03-2007 | 06:20 AM

الله يعينج ... انا كنت ادرس فيها .. زفتتتتت بمعنى الكلمه ...

=

=)لولو=)

عروس مشاركة

19-03-2007 | 06:20 PM

الله يعينك والله......

اشوى نحن في السعوديه بعض الجامعة البسي اسود وابيض ولا ياويلك تتأخرين عن المحاظرة لا وبعد يعطونك مخالفة ويسونلك امر

l

lovely_amal

عروس مشاركة

22-03-2007 | 11:59 PM

السلام عليكم ورحمة الله وبركاته

شو يخصج بالناس : شو معورينج لما تشوفين هالحركات الماسخة سوي لهم طاف واهتمي بدراستج شو استفدتي لما ضيعتي سنة كاملة من الدراسة ؟؟ هم كملوا دراستهم وانتي جلستي بالبيت هل هذا عدل بحقج؟؟ لنفرض انج بتتركي جامعة وولونغ وبتسيرين جامعة ثانية لقيتي نفس الحركات الماسخة وربما تطلع اخس هل بتطلعين من هالجامعة وبتنتقلي من جامعة الى اخرى وضياع سنوات الدراسة والوقت؟؟

ل

لفه

عروس متألقة

26-03-2007 | 02:27 PM

والله يا ختي الضياع في كل مكان تعالي شوفي الخير عندنا في جامعة الامارات بس الله كريم

ولو حد يعرف شوو انسوي بهالاشكال يا ليت يفيدنا ترا والله مأذينا بشكل ما تتصورونه

+

++فراشة العين++

عروس نشيطة

27-03-2007 | 02:30 PM

طولي بالج
و إذا ظروفج خلج في هالجامعه مالج غير الصبر و إن شاء الله ما عليج إثم لأن نيتج طلب العلم و هذا بحد ذاته عباده

و

وردة 2007

عروس نشيطة

31-03-2007 | 04:33 PM

لا حول ولا قوة الا بالله...

د

درب الغزال

عروس مشاركة

31-03-2007 | 05:16 PM

الغالية عن تجربة خاصة و شخصيه أحب أقولج هالكلمتين .. اذا تقبليهم مني ..

الغالية...
أولا : أهم شي لا يهمج الجامعة و منظرها و الا مصاختها ..أهم شي دوري الشهادة المعترف فيها .. سواء كانت جامعة حكومية أو خاصة .. لأن في الاثنين بتحصلين الصالح و الطالح ..

ثانيا : دوري التخصص اللي تحبينه .. والا تقدرين تكملين فيه ..و قبل لا تسجلين بأي جامعة روحي اسألي عنها .. من الطلاب نفسهم .. و شوفي التخصصات و أسألي طلبة التخصص نفسهم على جميع المستويات و السنوات .. من سنة أولى للخريجين ..

ثالثا بعد ما تحددين الجامعات اللي اخترتيها .. استخيري ..من شرط تختارين جامعة جريبة والا بعيدة ... حتى لو تسجلين انتساب ..

والله يسرلج دربج .. و يوفقج و يسخرلك من على الارض و دونها ..

غ

غرام القلب

عروس مشرقة

01-04-2007 | 01:37 PM

كنت بقول نفس الكلام بالضبط... إنتي عليج بدراستج و خلي العالم في حاله.. هالأشكال صارت في كل مكان يعني وين بتسيرين؟ خذي منهم الزين وخلي الشين لعمرهم....

lovely_amal:
السلام عليكم ورحمة الله وبركاته

شو يخصج بالناس : شو معورينج لما تشوفين هالحركات الماسخة سوي لهم طاف واهتمي بدراستج شو استفدتي لما ضيعتي سنة كاملة من الدراسة ؟؟ هم كملوا دراستهم وانتي جلستي بالبيت هل هذا عدل بحقج؟؟ لنفرض انج بتتركي جامعة وولونغ وبتسيرين جامعة ثانية لقيتي نفس الحركات الماسخة وربما تطلع اخس هل بتطلعين من هالجامعة وبتنتقلي من جامعة الى اخرى وضياع سنوات الدراسة والوقت؟؟

ج

جاوان

عروس نشيطة

11-04-2007 | 06:07 PM

استغفر الله

غ

غموض الورد

عروس مبدعة

16-04-2007 | 06:22 PM

ههههههههههههههههه
ياحليلك لولو
انا درست بجامعة الملك عبدالعزيز
مافيها هالشئ
عادى البس على كيفك
واطلعى بكيفك
وكل الاشكال فيها
الواطيه والعاليه واللى بينهم
خخخخخخخخخخخخخخ
وحمدلله انى تخرجت

ا

اميـ بوظبى ـره

عروس مبدعة

28-05-2007 | 02:05 AM

كل جامعه في دبى فيها هل السوالف ...

انتى بعدج ماشفتى شى في البريك شو يسون اذا الجو حلو طلعى بره بتحصلين افلام رومانسيه

________________
بعدين صح ماعليج منهم خلصى دراستج وطلعى .. انتى شكلج ماجستير صح .. تبدي من 6

انا بكالوريوس والصبح العن كلهم مراهقين ... عاد هييل اللى يدورن دنيا ...

وبتشوفين جنسيات عربيه بس مسويه نفسها غربيه ...

وزيدج خليجين ومربين شعرهم وصاروا يلبسون طووووق على الشعر عشان القذله لا اطيح وقت الدراسه

شو تبين بعد ...!!!!!

احسن شى اطنشين ...

وفى وحده بس هى ساكنه في سكن الجامعه هى من السعوديه ... تشتكيلى من روسين في الباص

والى يسونه .. واستغفر الله في رمضان بعد ..

تقول ماشى احترام يقعدون اخر شى .. واستغفر الله مافى احترام لحد....

شو تتوقعين بعد ... هذا واللى شفته ولا شى ...

انا لو بقعد اقولج اللى اشوفه في الجامعه وايد ... العقول الصغيره في كل مكان اهم شى انتى طنشى

وخلج في دراستج

وحطى في علمج انها احسن جامعه بعد الامريكيه .... ويبالها شده حيييل وتحكم ومراجعه

مونفسيه صعبه وعدم تأقلم ...

حاولى تاخذين المواد مايكون فيها بريك عشان ماتشوفين شى تخلصين وتطلعين على طول وتفكين عمرج

والله يوفقج ويوفقنا يارب ... ويصبرنا .. ويهديهم