وطلعت والله طعمه روووووووعه اهو حامض للي يحبون الحامض :shy:
نبدا بسم الله المقادير:
لعمل الكبه:
3 كاسات برغل منقى ومغسول حطيه بقدر واغمريه بماء بس يتغطى الوجه لا تكثريه واتركيه ساعه
لحمه مفرومه تقريبا نصف كيلو
بصله مقطعه كبير
ملح وبهارات مشكله وقرفه
حشو الكبه:
ربع كيلو لحمه مفرومه
بصلتين مقطع صغيررررررر مررررره
زيت
بهارت مشكله وملح وقرفه وملعقه كبيره سماق
صنوبر محمر
طريقه تحضير الكبه:
بعد مايمر ساعه على البرغل يكون شرب الماء اللي نقعتيه فيه
افرميه مع اللحمه بالفرامه ناعم مره مرتين
وبعدين حطي البصل معه وافرميه مرتين بعد
بعدها تبليه بالبهارات والملح واعجنيه بتكون متماسكه معاك
اعداد حشو الكبه:
نحمي الزيت حمري البصل فيه لما يصفر ويذبل شوي حطي اللحمه وقلبيه حتى يستوي تبليه بالبهارات والسماق وحطي بلاخر الصنوبر
بعدها سوي الكبه بالطريقه المعروفه
مقادير الطحينه:
5 بصلات ابيض مقطع حلقات او صغير على كيفك لانهم بلاخر بينخلط بالخلاط
زيت ثلاث ارباع الكاس
3 كاسات عصير ليمون
علبه طحينه 500 غرام
4 كاسات ماء
ملح ورشه فلفل اسود وملعقه كبيره خل ابيض
ملعقه كبيره رب الرمان للي يحب الحموضه زايده شوي((انا استغنيت عنه ))
الطريقه:
اولا نجهز صوص الطحينه نخلط الطحينه العلبه كامله + عصير الليمون+2 كاس ماء+ملح
ورشه فلفل وملعقه كبيره خل ابيض واتركيهم على جنب
[
بعدها نحمي الزيت ونحمر فيه البصل حتى يذبل تقريبا 10 دقائق
بعدها حطي عليه 2 كاس ماء واتركيه على نار متوسطه نصف ساعه حتى يذبل ويذوب شوي البصل
بعد مرور نصف ساعه حطي البصل مع الماء اللي موجود فيه بخلاط الطماطم
بعدها رجعيه للقدر وزيدي عليه صلصه الطحينه اللي سويناها على جنب
وحركيه كل فتره وفتره على نار متوسطه ربع ساعه لا تتركيه حتى مايسقط الطحينه وتحترق
راح تثقل معك شوي
هالاثناء اغلي لك شوية ماء بقدر وسقطي فيها حبات الكبه حتى تروح الزنخه وبعد مرور دقيقتين شيليهم واحطيه بالطحينه وقلبيه بخفه
واتركيهم على نار هادئه ربع ساعه
وقدميه مع الرز الابيض المفلفل
لا تفوتكم بنات طعمه روعه وحامض شوي للي يحب الحموضه زايده يحط رب الرمان
طبعا تزينيه بالصنوبر المحمر احلى واطيب بس للاسف ماعندي زينته بالبقدونس
اتمنى تعجبكم واي سؤال انا حاضره(f)
نفس الطبق بطريقه اخرى بامكانك تعملي الكبه فارغه بدون حشو
وتعملي الصوص الطحينه نفس المذكور اعلى وتستعيظي الماء العادي بماء سلق اللحم
وتحطي مع الطحينه قطع لحمه صغير هبره
