ربة بيت؟..تعالي قولي لنا شلون تقضين يومج

مشكووووره أختي Qatar's Bride على هذا الموضوع

بصراحه نحن بحاجه من يعيد نشاطنه وحيويتنه من جديد من بعد الروتين اليومي...

ونصيييحه من أخت للأخواتها في الله صدقووووني للقضاء على الروتين اليومي تنظيم اليوم والوقت يعني تحطين لج جدول

شو تعملين في الفتره الصباحيه من ترتيب البيت ونتظيفه وحلو لو تخلين يوم لزيارة صديقه أو جاره مريضه بالفتره الصباحيه

وبالفتره بعد الظهيره يكون وقت خاص للعيله

والمسائيه خاص للزوج وهذا على ما يمر اليوم على خير

واليوم الثاني تغيرن الجدول عسب ما نحس بالملل

وبالنسبه للفكره إلي تدور في بالي من هوايه بماإني أحب الطبخ وترتيب سفرة الضيوف
فقلت ليش ما اعرض موهبتي على صديقاتي واكون أنا المسنقه لحفلاتهم مثل حفل استقبال وله عزيمه حريم وله بارتي للأطفال....

وش رايكم خواتي تأيدون الفكره وله لا
هي بس كفكره تدور في بالي وحبيت اعرظها عليكم وإنتم قولو لي رايكم فيها

ياويلي والله تعبت
وانا مو مثلكم
صراحه انا مررررررررررره كسوله
عندي شغاله وهي قايمه بثااث ارباع الشغل
يعني تطبخ وتنظف وتغسل وكل شئ وانا عندي ثلاث اطفال 2 توام وولد
وشايله هم اذا راحت الشغاله وش راح اسوي بموووووووووووووووووووووت
يابنات قولولي وش اسوي بعدي
انا ترا مره عصبيه وملوله

حلووو مووووظوعج انا بألمانيا ولكن عندي جدول .
ادرس اللغه واعتني ببنتي وبيتي وبعد اكيد المنتدى من ظمن الجدول وحاليا اسوي دورات خياطة بديت اخيط سويتلي دراعه كشخه...حلوة كشخه بس فعلا تعلمت الخياطة على اصووووولها وطبعا الفضل لله سبحانه وتعالى وحبيبت قلبي لييييييندا نصايحها وملاحضتها ومتابعتني على طول..

وايظاً مقدمه اوراقي لجامعه وبانتظاااااااار القبول .......يعني جدول مزدحم نوعا مااا

ولا هوايه ولا افكار اتصدقون ههههههههه

فكرتج ام عبد الرحمن حلوه ونرقب باقي العضواة وافكارهم

موضوع حلو يلله شدو الهمه عشان نستفيد انا مملكه وبعد كم شهر بيكون عندي بيت باذن الله

بالتوفيق اختيه



عندي فكره

اللي عندها حووش فبيتها بامكانها اتسوي لها زراعه تهتم فيها فترة الصبح

اي والله حلوه فكرت الزراعه ...

والله يالغاليه مليت وطفرت من هالروتين.. وودي اغير سب ماادري جيف..
ان شاء الله منكم نستفيد..

بغيت اسال عن التجاره الالكترونيه


احب شغلات الكمبيوتر

السلام عليكم جميعا

موضوع مهم وقيم

انا عن نفسي ادرس حاليا بس افكر يوم بخلص الدراسة شو بسوي

وحبيت افيدكم ببعض افكاري


قراءة كتب دينية عن الفقة وامور ديننا الاساسية <<<< يعني نتفقه بامور الدين اللي تهمنا ومن حياتنا اليومية مثل صلاة وضوء واخلاق وغيرها

حفظ القران مع مجموعة


ختم القران خلال 40 يوم باقصى حد >>> احاول من الحين اختم بس اذا قعدت في البيت بختم اسرع

مشروع تجاري على قدي وفي حدود الاسرة <<<< تجارة جلابيات او اكسسوارات


انمي موهبتي في الاشغال اليدوية وتنسيق البيت

يعني نقدر نشتري اشياء رخيصة وسادة حق البيت مثل جرار او براويز ونضيف لمساتنا عليها بتكلفة اقل وشكل احلى


ويكفي انه من شغل يدج


دورات في تطوير الذات والتربية

شو رايكم ....؟
حد يعطينا افكاره ...

صراحه افكااااااااركم حلوة

انا عن نفسي انش الصبح اتلبس للدوام واوعي ريلي يوصلي لانه دوامه في اغلب الاحيان المسا اسير الدوام وارد تقريبا 3 ونص نتغدا لاني اكون طابخة قبلها بيوم او نشتري من برا وريلي يتلبس ويروح الدوام ويرد على الساعه 10 الين يرجع انظف وارتب البيت وادخن وازهب العشا واتلبس نتعشى فالبيت ونقعد نسولف ونشوف التلفزيون ونلعب يعني نضارب بالمزح هو يعلق وانا اعلق ههه او نظهر برا نتعشى ونروح السينما ونرجع بليل ونرقد ...

واذا دوامه الصبح انرد من الدوام نرقد الين المغرب انش ونطلع السوق والسينما او هو يروح النادي اتم انا ارتب واتسلى فالبيت بأي شي وساعات بصراحه اقرا قرأن وان شاءالله عقب الياهل اكيد حياتنا بتتغير بس ما اعرف كيف بقضيها العلم عند الله


تسلمون عالموضوع

ملاحظة
اللي عندها او ودها تسوي تجارة ومحتاجة شريكة انا مستعده ادخل معاها براس مال على قد المشروع

السلام عليكم اخواتي
شفت الموضوع والصراحه عجبني وحبيت اشارك فيه

الصراحه الموضوع عجبني لاني انا اساسا لي من زماااااااااااااااااااااااااان افكر كيف اقضي وقتي والصراحه عندي بنوتين واحده سنه وخمس اشهر والثاني 3 اشهر يعني وقتي ما راضي ينتظم ابدا والسبب واحده تصحى تلعب وتنام ولما بدي اروح وانام الثانيه تصحى او واحده بدها ترضع وبعد ما اخلص الثانيه يكون اجا موعد اكلها

المهم انا ما اقوم لما زوجي يروح الدوام لانه يفطر في الشغل والسبب لاني انيم البنت الكبيره الساعه 12 بالليل واظل مع الصغيره وهي تنام تقريبا على ال1 بس احيانا تظل تصحى لين تنام عدل الساعه 4 الفجر وانا انام وراها فاظل كل ساعتين اصحى ارضعها يعني ما انام عدل وبعدين لما الكبيره تصحى الساعه 11 ونص تقريبا خلاص الصغيره تصحح ونقوم كلنا نفطر

وبعدين اظل من الساعه 1 لين 3 اجهز الغدا واقوم باعمال التنظيف الخ................
واكون اركض ما بين الشغل والبنتين لان واحده تصيح والثانيه ماسكه فيا الخ...........

وبعدين ما بين الساعه 4 ونص لين 5 ينامون تقريبا ساعه ويبدا الشغل مره ثانيه الساعه 6 ونص ولما يكونوا نايمين احاول انام او اخلص الشغل

وبعدين الساعه 8 اجهز العشا واظل معاهم نرتب البيت الخ............

وهكذا

بس اللي خاطري اعمله لسته طويلللللللللللللللللللللللللللللللللللللللللللللللللللللللللللللللللللللللللللللللله اولها اني اشتغل لاني كنت اشتغل بعد الجامعه بس استقلت يوم حملت في بنتي الكبيره بسبب الوحام

وخاطري اقرا كتب عن علم النفس والكتب الاجنبيه والمقالات والدورات في البرمجه اللغويه العصبيه وعلم النفس وووووو

وخاطري اخد دورات مكياج ودورات في الفوتوشوب على النت

وخاطري اعمل اقنعه لبشرتي والاقي الوقت اهتم شوي بحالي

وخاطري اسوق لاني ماخده الليسن صارلي سنتين وما سقت مثل العالم

وخاطري اختم القران كل شهر

بس المصيبه ما باعرف كيف انظم وقتي فيا ريت نساعد بعض في تنظيم الوقت علشان نستغل الدقائق الي بتضيع احيانا على الفاضي

وعذرا للاطاله وشكرا لصاحبه الموضوع

وياريت حد يعطينا جدول لتنظيم الوقت