تطور في مشكلتي..

حبيبتى اليكه بغيت أسألج خلال هالفتره اللى انتى فيها في بيت هلج حاول يسأل عنج او حاااول حتى يتصل بج أوكى اذا كان ردج هيه معناته انه هو افتقدج وحس بغيابج اوكي يمكن انتى ما رديتى علىاتصالاته او سكرتى التيلفون في ويهه على الأقل اذا هو صدق يباج بيطرش عليج خواته أمه اي حد ممكن إيأثر عليج
حبيبتى اليكه والله أنا ما أحاول اضيجبج أو أكدرج بس ليش الإنسان يتهرب من الحقيقه بالذات إذا كانت واضحه وضوح الشمس
حبيبتى لا تقهرين نفسج ولا اتكدرين لانه محد في الدنيا يستاهل لحظه زعل منج واللى هانت عليه دمعتج وكدرج وزعلج والله ايهون عليج ولا تفتكرين فيه ولا اتضعين وقتج حتى بالتفكير فيه اذا هو بايع مره بيعى انتى ألف وانتى ألف من يتمانج وصدقينى يمكن رب العالمين راد انه ما ايخليج على غفلتج وبغى يكشفلج حقيقته واحمدي الله دووم على كل شي وخليه صدقينى اللى ايسير بلايا سبب بيرد بلا سبب ومسيره بيرد لج إذا الله كاتب لج عيشه وياه وإذا كان مب رزقج خلاص أحمدي الله على كل شي

حبيبتى اليكه ماشي مثل صلاة القيام اطلبى من رب العالمين ايرده لج إذا كان هالشي خير لج في حياتج وياه والله يبعده عنج إذا كان شر
حبيبتى قولى دوم
((ربي انى مسنى الضر وانته ارحم الراحمين ))
ربى انى مغلوب علي فانتصر لى يااااارب
((حسبى الله لا إله إلا انت انى كنت من الظالمين ))
طمنينى عليج حبيبتى

اختي الحبيبة اليكة اولا زوجي لما سالته عن الرقم الغريب اللي في تلفونه والرسائل قالي هذي من زميلة لي في الشغل وعندها مشكلة ويا اخوها وانا احاول اساعدها بس وانا طبعا ما صدقته لان مضمون الرسائل اللي في الجوال كانت كلها كلمات حب واتصلت فيها وقلتلها عيب تراسلين واحد متزوج مثل هالرسايل وضليت دائما زعلانة ومعصبة وابجي واهو احاول ينفي كل شي المهم وبعد ما تاكدت من كل شي قعدت وياه وقلت له احنا متفقين على الصراحة من البداية وانت لازم تصارحني بعلاقتك بها وبعد ضغط كبير مني اعترف انه مسوي معاها علاقة حب وطبعا حط الوم علي باني مقصرة معاه بسبب عصبيتي وزعلي وووو وانا صبرت على اتهاماته لاني ابي احافظ على بيتي واربي ولدي اللي ماكمل سنة ومثل ما قلت لج من قبل غيرت تعاملي وياه والحمدالله انتهى كل شي و البنت لما انتهى كل شي استقالت من وظيفتها وهذي اللي ريحني عموما انت اتقولين انه ما يطيق يقعد معاش دقيقتين صدقيني جربي تاخدينه بالكلام الحلو وسوي له سهرة حلوة وبتشوفين النتيجة طمنيني عنج بالتوفيق...........

شمس وقمر

الله يعينج :(
تقولين مكالمات يوميه أنا زوجي مدمن تلفون ما يفارقه طول فترة الدوام و بعد العصر الين وقت النوم .. لأن النوم هو الشي الوحيد المهم عند زوجي و حتى لو شو ما صار في الدنيا ما يخرب وقت رقاده و مستحيل يسهر للساعة 1 و عمره ما سواها !! بس غير وقت النوم كله تلفونات شوي أنا و أهله و شوي ربعه و شوي زملاء العمل و شوي العمال اللي كافلنهم بس أكثر شي حبيبة القلب :mad:

سمعته ومظهره فوق كل اعتبار و فوق نفسه بعد !! و هذا سبب المصايب يمكن الحبيبة مب من مستواه و هو مب لهدرجة عاطفي وايد يفكر بأهله و صورته و منصبه في الدوام....

و لكن يبقى الفرق اني مب قادرة أخليه يعترف و يقلع عن الخيانة شو أسوي و الله مليت كل ما أحاول أنبش الماضي ينفجر و ينفعل و يهددني انه بينتحر يعني يفقد عقله و الله لهدرجة وصلت حالته انه يكسر كل شي و أخيراً هددني بأهلي و دخلهم في الموضوع لكن الكل يعرف انه غلطان و الكل يلتمس له العذر و يقولون خلج الأحسن و سامحي و املكيه بطيبج انزين كيف قولولي و أنا حاقدة عليه ليقيني بأنه خائن..

أنا عن نفسي لا أطيق هذه العيشة و صبري مؤقت و سينفذ يوماً ما فإما أن يعترف و يتوب توبةً نصوح لا عودة فيها أو نطلق و كل يوح لحال سبيله

لا أنكر أني أحبه و كل اللي أسويه من حبي له و لكني أحب نفسي أكثر و ما تهون عليه نفسي أعذبها معاه :mad:

العنقاء


أي فترة !! أنا ما فارقت بيتي برضاي لأني أعرف تماماً أن البيت من حق الزوجة لكن هو اللي طردني :confused:
بس بأدب قال " سيري بيت أهلج لأني ما أقدر أعيش في هالبيت برجع بيت أهلي وإذا تبيني تعالي هناك "

عمركم سمعتوا عن ريال بهالنذالة !!! سرت يوم بس ما اتصل فيني بالعكس سار عند أهله يشكيلهم و ما خلا شي ما ذمني به حتى أدق تفاصيل حياتنا و كأني أنا الغلطانة و الخاينة مب هو !!!

قال حق أمي في اليوم الثاني خلاص خلوها عندكم !! (يعني بايع) ما صدق يحصل فرصة عشان ينهي كل اللي بيننا و يتخلص من التزاماته تجاهي....
أنا ما هنالي بال ما أبغي أريحه طول ما أنا على ذمته غصباً عنه هو المسؤل عني
و بعد لأني محتاجتنه لين ما أربي على الأقل و بعدين ما أدري يمكن تستوي معجزة و يتغير !!!
رجعت بيتي بروحي و اتصلت فيه و قلتله ردلي الخادمة رفض أول شي بس بعدين رجعها لي و رجع معاها بس يا ليتج شفتيه كيف كان يايني و الكره في عيونه و كأنه يشوف عزرائيل جدامه .... بعدين تأكدت انه يحبها و متعذب و كارهني لأني ما اكتفيت بنصف الحب و نصف القلب و يشوفني طماعة لأني أباه كله حقي أنا :eek:

قلتله كم مرة أنا ما لي ذنب يوم انته تحبها ظلمتني أنا وياك ليش من الأول !!!


أنا ما أتهرب من الحقيقة وواثقة انه حياتي بتكون جحيم لأني ما أسامح الخاين ممكن أغفرله إذا كان بيتوب بس هذا مصر على علاقته لأنها الأغلى و الأريح .... ريلي مب قد المسؤلية و هذي مشكلته :mad:

الامل الضائع


على الأقل زوجج يلعب عالمكشوف واعترف بعد ضغط و قالج أسبابه ...... و هذي بداية التوبة و يقيناً منه ان اللي يسويه غلط

لكن أنا زوجي يخفي الأدله بخبث و لا كنت اشك فيه لكن ربج يفضحه لأنه يشوفني شقد أتعذب عشانه و لا عمري قصرت في حق من حقوقه

بس شو نقول عاد ابليس حالف ما يهده في حاله ... زوجي ايمانه بالله ضعيف و منافق حاولت أعمق ايمانه بس كان يضيج و يضايج .. خليته على هواه قلت الله اللي بيهديه

ياليته بس يعطيني سبب واحد يدفعه للخيانة !! مشكلته الوحيدة انها حبه الأول و هي قبلي ... عرفها قبلي !! ايام المراهقة ...

ما تزوج إلا في سن الكهولة 34 سنة مع ذلك سحب معاه كل المراهقة لبعد الزواج و حتى في أيام الملجة بس أنا ما دريت إلا في أول أسبوع بعد ما تم الزواج .... و تأكدت ان علاقته بعدها مستمرة في سابع شهر زواج بعدني ما كملت سنه معاه
بس حبها عمى عيونه ما يشوفني لأنه دايماً في حالة شوق و خوف لا ينكشف .... يعني مشغول عني ما سمح لي أخليه يحبني

حبيبتى اليكه
ما أعرف هل بيكون كلامى له أثر في نفسج وإلا لا
اتعرفين خليه يوصله كلام عنج أنج انتى مووول مب مفتكره فيه ولا هامنج بعده خليه يوصل له انج عايشه حياتج بطولها وبعرضها ربع وطلعات حلوه ويا أهلج وصديقاتج واضحكى خلى أهلج يفرحون بضحكتج وخلى نفسج تفرح بردة البنت الحلوه واللى كانت عايشه حياتها بكل مافيها من ضحك ووناسه
حبيبتى والله انه مافي حد يستاهل يمكن إذا سمع انج مب مفتكره فيه هو بيفكر فيج بيقول شو اللى غيرها شو حد دخل حياتها غيرى معقوله اتحب حد غير معقوله خلاص ماعادت أتحبنى يعنى بتشغلينه بتغيرج ولا اتبينين جدام أي حد ايوصله شي عنج أي نوع من أنواع الكدر والضيج وحسسي الناس اللى حواليج انك نسيته
وإلجئ الى ربج والله رب العالمين بيوقف ويااااج وصدقينى انا سمعت مره كلمة من اربيعتى ودايما اترن في اذنى
قالتلى (( حقج بياخذه غيرج ) يعنى اللى ظلمج رب العالمين بيسلط عليه اللى اقوي منه عشان يظلمه وياخذ حقج منه
حبيبتى طمنينى

العنقاء


هذا اللي أسويه أنا ألحينه بس ما أقدر أرد مثل ما كنت الصدمة ما تحملتها و بعده أثرها عميق في نفسي و لا لي غير الصبر و لين ألحين ما عندي إلا اني أصبر و أشوف اللي بيصير بعد ما أولد .. يا يتغير (انشالله يهديه رب العالمين اللي يقدر على كل شي) يا أنا أغير حياتي و ساعتها صدقيني ما يهمني حد غير نفسي اللي عذبها بما فيه الكفاية

ساعات أحس انه هذا كابوس و بنش منه مب مصدقة و لا حد قلتله مشكلتي و صدقها كلهم يتحروني طايرة من السعادة و لا يصدقون ان أنا بالذات زوجي يخوني !! كلهم يقولون لا مستحيل شو بيدور عند غيرج و انتي مب ناقصة شي ... و شو يبا أكثر و عنده قمر و هالكلاااااام :o

بس الناس ما يدرون شو يستوي داخل البيوت
:mad: