شي مب يديد .. ظاهرة ...

Omniyat Shop 06-03-2007 10 رد 97 مشاهدة
O
السلام عليكم ورحمة الله وبركاته

في موضوعي هذا راح اطرح عليكم ظاهره مب يديده علينا

ندخل الاقسام التجارية .. نحصل منتج يديد عند تاجرة منا

ثاني يوم هالمنتج متوفر عند وحده ثانيه بسعر ارخص !

وبعد اسبوع كل التاجرات يبيعون هالمنتج بسعر مختلف :gum:

ابي افهم بس ليش كل وحده تسرق جهد الثانيه ؟؟

عالاقل كل وحده تجتهد وتشوف لها منتج يديد وتبيعه

لان المنتدى صار كله نفس البضاعه

عسى ما الوحده تنزل شي الا الكل قلدها !!

شوفوا المنتدى ..

قلم كلوركس وموركس :qaq:

وجهاز تثبيت الكرستال .. الخ

هالمنتجين الي هابين فيهم التاجرات هالايام .. مادري بعد اذا في غيرهم ..

بس ليش التقليد؟؟

انا ماحس هالشي حلو بين التاجرات .. صح الوحده ماتحتكر الشي لنفسها .. بس مب حلوه ان التاجره تتعب وعقب تلاقي الكل ياخذ فكرتها من بعد ما يوصلون للمصدر ويبيعون نفسها ..

والله اني وصلت لي الصفحه السادسه وتمللت .. ادور لي على شي اشتريه .. لقيت كل المواضيع متشابهه بس الاسامي تختلف

:angry:
M
صدقتي الغاليه

الاجتهاد النفسي افضل وفيه اشيا كثيره

ممكن للمرأه انها تتاجر فيها ليش بس نفكر في التقليد

على العموم نقطة مهمه جداً إذا نبا نطور من انفسنا

والاقسام التجارية في المنتدى وهي التنوع في المنتجات

ربي يوفق الجميع

وبارك الله فيج
n
والله عندك حق البضاعة اصبحت مكررة بكثرة والزبونات اصبهم الملل
والله يفرجها علينا جميعا
%
انا بعد الغالية لاحظت هالشي ...

حلو ان الوحدة تتميز بشي معين .. حتى لو كان هالشي بسيط .. على طووول يوم الزبونة تدور على هالمنتج ...نقولها عند التاجرة الفلانية بتلاقين هالغرض ..مووو مليون تاجرة تبيع نفس الغرض وكل وحدة تحاول تبيع الغرض بسعر ارخص عن التاجرة الثانية...احس مو قسم تجارة ..احسه قسم حرب ومنافسة غير شريفة

اتمنى البنات يتقبلون كلامي بصدر رحب :gum:

والسموحة من الجميع
ل
هي والله من صدقج... انا كنت ادور على فكره عسب اوضح انه قاموا البنات يقللدون ... لاني انصدمت والله من نزلت انا موضوع عن *************** بعد اسبوعين وحده مقلدتني لييييييييييييش ... يعني انا كتاجرة مب وايدين يتعاملون وياي بسبب قلة البضاعه بس اتيي وحده معروفه وايد ويروحون ياخذون من عندها ...


حرااااااااااااااااااااااااااااااااااااااااام جي ووالله حرام ........
ا
السلام عليكم

صاجين في الي تقولونه

لكن ملاحظتي الي يمكن محتاجة اني اوضحها :

السوق على ارض الواقع فيه مثل هالنوع من التنافس

و احيانا الاقي بضاعه احس ان سوقها ماشي و الاقي مصدرها اقول في قلبي خل اترزق الله بها مو مشكله

و احيانا تجي تاجرة و تبيع غرض ما جملة على التاجرات " و تلاقين فجأة الوطن العربي كله يبيع ها المنتج "و اقصد === ديزرت تريت و شنطة العارضات انتشرت بين البنات و التنافس في مصلحة الزبونه

بنتي حبيبتي لابتوبي حبيبه قلبي

الله يوسع عليك رزقك و يفتح عليك ان شاء الله مثل ما فتح على و جبت بضاعتي الي لي الحين محد جاب مثلها " الي اسميها تحفه المجالس الخليجية "

و اذا تبين شي من الصين ممكن ارتب لك الموضوع و اراويك موقع الشركات

بالتوفيق يارب للكل
c
اهلين اختي موووضع رائع ومميز
الله يجزاكي بالخير
وفعلا حلو لو ان الوحده تكون مميزة ببضاعتها وانا اول كنت ادور على منتجات لكن بعد المشد الاندنوسي اللى ملا المنتدى والمنتديات الثانية تقريبا بطلت منه وخلاص لأني كنت اخذه بغالي وما يتوفر معايا الا ربح قليل فيه وشفت البنات يبيعوه برخيص فخلاص قلت اتركه لغيري احسن وفضلت اشتفغل في عروض كولايا الصراحة رائعه ومميزة والوان ثابته وروعه سواء اكسسوار او مكياج او عطور او كريمات للبشرة وان شاء الله راح تلقوا ابتكاراتي في عرض المنتجات وان شاء الله ما ياخذوا الفكرة ويقلدوها والله المستعان
غ
انا ماحس هالشي حلو بين التاجرات .. صح الوحده ماتحتكر الشي لنفسها .. بس مب حلوه ان التاجره تتعب وعقب تلاقي الكل ياخذ فكرتها

وانا اولهم وماتكلمت ولا علقت
وصدقيني كل وحده واسلوبها بالتجاره واسلوبها مع الزباين وصدقيني الارزاق بيد الله سبحان الله
r
اضم صوتي لصوت خواتي الكل نفس البضاعة يعني مثلا: في بنات ايبون بضايع من برع الامارات ويدفعون قيمة الشحن واكيد بيكون السعر غالي شوي وفبي نفس الوقت اتيي بنت ثانيه من نفس بلدالمنتج وتبيع الغرض بسعر اقل ويتمن البنات يحتشرن والله حرام اشترينا منعند فلانة بسعر اغلى والله يسوون حساسية بين التاجرات والزبونات ..... وهذا مثال طبعا يعني مب بس بنات الامارات مظلومات لا والله في بنات وايد انظلموا بسب نفس السالفة هذي واتمنى الجميع يتفهم مثل ها المواضيع
r
اضم صوتي لصوت خواتي الكل نفس البضاعة يعني مثلا: في بنات ايبون بضايع من برع الامارات ويدفعون قيمة الشحن واكيد بيكون السعر غالي شوي وفبي نفس الوقت اتيي بنت ثانيه من نفس بلدالمنتج وتبيع الغرض بسعر اقل ويتمن البنات يحتشرن والله حرام اشترينا منعند فلانة بسعر اغلى والله يسوون حساسية بين التاجرات والزبونات ..... وهذا مثال طبعا يعني مب بس بنات الامارات مظلومات لا والله في بنات وايد انظلموا بسب نفس السالفة هذي واتمنى الجميع يتفهم مثل ها المواضيع
ا
اتمنى فعلا ان التاجرةتدور على التميز في بضاعتها

و لا تقلد غيرها

لييييشششششش؟

البنات راح يثقون بركن التسوق

لان الركن يجيب بضايع غريبة و حلوة و غير مسبوقه

و يكون التسوق عن طريق المنتدى اشبه بالتفرج على الفترينات للمحلات " عروض ممتعه و غريبة و اشياء جذابة " و كل محل له ميزة عن غيرة

و يصبح المرور على الاركان من باب العلم بالشي هدف للبنات " لان عندهم توقع مسبق بمفاجأة " مو الملل من المعروض

اما الي تفضل التقليد فلها الحرية انها ما تتقدم الركب و لا تنشد التميز و لكن ترضى بالقليل " مو فلوس لا انا اقصد القليل من الصيت "
X