|| .. بنات قطر .. إستفسار بسيط .. ||

روحي حبيبتي مستشفى العمادي وبتلاقين اخصائية تغذية هناك
وان شاء الله بلاقين اللي تبينه عندها

ما قصرتي

وااااااايد يمدحون عائشه صقر

بشرينا عن النتيجه

ايه والله بشرينا عن النتيجه وقوليلنا وين رحتي وشصار معاج



هههه احس اني وايد مهتمه بالرجيم واتابعه لووولز

هلا خواتي و سوري ما انتبهت لردودكم ..

الله يسلمكم رحت لها ..

اول مرة خذت وزني و طولي .., وعطتني رجيم البروتين ..

هذا نزلت عليه 3 كيلو .. و كان فعلا ممتااااز ..

و لما رحت لها بعد اسبوعين غيرت لي النظام .. فصار فيه اكل وااايد و مانزلت عليه الا كيلوين ..

مع العلم انا ما كنت اسوي رياضة بس اتحرك في البيت و كل حاجة اقدر عليها سويتها بنفسي ..

بس عقب هالمرة ما راجعتها ..

و صرت أخفف من أكلي وايد + متبعة بعض الاساسيات اللي عطتني اياهم .. ( و امشي عليهم حتى لو ماتتبعين اي ريجيم ) :

- اشربي قبل الوجبة كوبين ماي .. عشان تملين المعدة و في نفس الوقت ماتاخذين سعرات ..
لأن الماي معروفة سعراته الحرارية اللي تساوي صفر ..

- الحين نجي للوجبة : ابتدي بالشوربة >> السلطة >> المين كورس او الوجبة الرئيسية ..
اذا اتبعتي هالنقطة بتلاحظين انج لما تجين للوجبة الرئيسية بتكونين شبعانة ..

- الرياضة لمدة نص ساعة و تزيد في كل مرة ..

- بين الوجبات : ممكن تاكلين خيارة / طماط / تشربين ماي / عصير اناناس او عصير كيوي بس من غير سكر ..

- الشاي و القهوة مسموح بهم لكن بكميات محدودة و من غير سكر .. او تستعملين سكر الدايت او المحلي للمشروبات .. و عادة يوصفونه لمرضى السكري ..

- الريوق نفس العشا .. اما الغدا ممكن يختلف ..

- اكيد الأكل المشوي الذ من المقلي ..

.
.
.

:)