اختي بتضيع والسبه النت والشات

اكيد لازم تغيرين ارقامها السريه .. بس لاتتوقعين انه بينهي المشكله

لانه ممكن وحده من صديقاتها تسوي لها ايميل

الحل الاول والاخير .. الرقاااابه

عطوها ساعه معينه تدخل فيها النت بس لا تخلونها بلحالها

منها ما تحرمونها من شي متعلقه فيه ولان كل ممنوع مرغوب

ومنها ماتخلونها بهواها لانها صغيره والبنات بهالعمر مندفعااات

ولاتنسون تشيلون برنامج الجافا اللي يشغل الشات من الكمبيوتر اللي تستخدمه .. واعتقد هي صغيره ولا تعرف بسوالف تنزيل البرامج ..

الله يهديها ..

ترا مره صغيره على انها تدخل نت على كيفها انا استغرب من الاهل شلون يعطون بناتهم بهالعمر حرية دخول النت والشات اللي فيه الطالح اكثر من الصالح ..

الله يطمنكم عليها

انا من رايي تمنعينها من استخدام النت
وتجابل دراستها احسن لها لاتضيع مستقبلها بيدها

الله يهديها ويصلحها ان شاء الله

الله يهديها...

هذه السن نفسيتهم و تفكيرهم يكون غير...

و خاصه هالجيل...

الله يعينا على الاجيال القادمه...

الغاليه...

هدديها بابوك...

و قولي لها بخليه يشوف كل شئ في الكمبيوتر...

يمكن تخاف و توقف شوي...

و بالنسبه لبعض المواقع اللي ماتريدينها تدخلها...

قفليها...

و اذا بالنسبه للشات و انك تكلمينها لانك في الخارج....

من الافضل انك تكلمينها مع خواتك..

مب لازم تكون لوحدها...

و اذا مافاد شئ معاها...

سوي اي حركه في الكمبيوتر يبين انه عطلان...

و مع الوقت ان شاء الله تمل و تنسى و تعقل...

الله يهديها...

الله يعينج بصراحه اختي والله مشكله هالبنات في هالسن وخصوصا الصديقات في المدرسه يأثرون على بعض

انا بعد من راي انكم تعطونها ساعه على النت ومع مراقبه شديده

وشوي شوي بتخلي هالأشياء وحطي الجافا على الشات احسن شيء

والله يصبرج ان شاء الله

خواتي بارك الله فيكم .. وتسلمووون لتفاعلكم ...

بس صدقوني كل الي قلتوووه انا مسويته يعني اختي ماتدخل النت الا كل اسبوعين او ثلاث اسابيع مره ولمدة ساعه ... والكمبيوتر مب لهم حق اخوي الكبير وبارقامه السريه بس في هالقعده اختي اتسوي العجب ...

يعني اختي نور الصبايا احنا مب معطينها الحريه في دخول الشات ... ولا غيره .. عموما مشكوره اختي وانا فعلا غيرت ارقامها السريه كلها وخليت حتى اخواني يمنعونها من دخلة النت .. لين وصولي ... وباشرافي ...

وانا يما هددتها بابوي وباخوي لكن تخاف فترة وجودي بقطر لكن طول ماانا مسافره ماهما ... وماعليها رقيب الا لو انا اكتشفت وقمت انبه اخواني ..

ادعولها بالهدايه لها ولكل الي مثلها .. والله سنهم حرج والتكنولوجيا ماترحم لهسن ..

الله يهديهم .. ولكل من رد الله يبارك فيكم ويحقق كل امانيكم .. ويبعد عنكم الشر انشالله

الله يهديها ان شاء الله

حبيبتي انتي حاولي تقربين منها وتبينين لها بطيب ان الي تسويه لوماضرها الحين بيضرها اذا كبرت .... قربي منها وخلج صديقتها لاتتعاملني معاها بأسلوب الامر الناهي واسلوب المراقبه .... عامليها بطيب وبينيلها انه في الدنيا شيا واجد تسلي وتضيع الوقت بدل مجابل النت ودخول الشات .... ومثل ماقلتي انتي هي في سن حرج وبنات هالجيل اعوذ بالله صاروا يعرفون كل شي اكثر منا احنا الكبار ....

الله يهديها ان شاءالله .... ويكملج بعقلج ويكثر من امثالج :shy:

أحسن شئ تسوينه تمنعينها من النت...............لانه توه غيره وماتعرف مصلحتها................وحاولي تنصحتينها لاتقولين مليت منها..................تمي وراها لانه توه صغيره بسنها.................واشتريلها كتب دينيه تقراها وتخاف................وحاولي انج ماتخلينها تزور صديقاتها الا تكونين واثقه من البنت لانه هالشئ اللي دوره.................والله يهديها ان شاء الله

تتسلموون خواتي والله ماقصرتووو كنت احس نفسي تايهه معها بس والله كلامك رفع معنوياتي ..
عسى ماشوف في مواضيعكم الا الفرح والسرور

وبنت الغالي وحشتينا يالغلا من طولت الغيبات :shy:

وعليكم السلام ورحمة الله وبركاتة

حبيتي حتى لو تكون صغيرة هسة بس هيا راح تتعود على هذا الشي حتى من تكبر وراح ياثر على مستقبلها
اتمني ان تحلي مشكلتها وتنصحيها حتى لو بلقوى شوية شوية تتعلم واتمني لكم التوفيق ان شاء الله
هذة مسؤلية كبيرة ومن واجب الاب التفكير بيها

مرحباااااااااااااااااااااااااااا:salam:

اختي الله معاكي بس الموضوع صعب ولازم تداركون الوضع ......؟؟:qaq:

وانا عنديالحل بادن الله :shy:

اول شي حااااااااولي تتقربين منها مهماااااااااااكان فرق العمرررررررررررر .............

وحااااااااااااااولي انك تهتمين بالامورررررررر اللي هي تهتم فيها...........................

وخليها تقولك عن علاقاتها بكل وضوح وتقبليها بصدرررررررررر رحب:angry:

وبعدماتقول كلاللي في خاطرها غيري رقمها السررررررررررررري

وراقبها عند دخولها النت بس لاتوضحون انكم ترقبوها علشااااااان لاتسوي شي من وراكم

ودايما طول ماانتم قاعدين حااااااااااولوا تجبون قصص تخوف لحالات شبيه لحاااالتها لكن لاتبينون انها عليها حتي لو كانت قصص من نسج الخيااااااااااااااااااااااااال

حاااولوا تخرجونها من محيطهاااااااا يعني خلوها تخالط ناس تثيقون فيهم

وبس وقوليلي شنو بيصيرر معك ؟؟؟؟؟؟؟؟؟؟؟؟

ولاتخافين ولاشي الله سبحاااانه معك ثم بنات عروس وحنا لها بالمرصاااااااااااااااااااد :ok:

الله يهدي بناتنا ويثبتهم

حبيبتي وايد منا مروا بهالفتره

انا اذكر أول مادخلت النت كان للشات وهذا الموضوع صار له تقريبا 7 سنوات اذا مو أكثر
وكنت ادخل النت مثل ما ابي وعندي الحريه لأن امي وابوي مايعرفون في هالسوالف
وهالاشيا اللي تسويها اختج ممكن تعتبريها سذاجه منها لانها مثل ماقلتي تعطب المعلومات كاامله
وهذا يعني انها ماتعرف ووايد واثقه في الناس
يمكن تتعجبين مني بس هذي نقطه زينة لأنها لو كانت تعرف تدبر وتكذب جان ألفت لها اسم وقصة حياة غيييييير

ويمكن هي تحس انها اكتشفت عالم ثاني تكون فيه حره وعلى كيفها
يعني اكتشفت انها تقدر تكلم الشباب وهي قاعده على الكمبيوتر بدون ماتحتاج انها تطلع برا البيت


انا ما اقول لج اقطعي النت
لاااا بس اذا بتدخل النت لازم يكون احد معاها ويشوف هي وش تسوي

وترى الصحبه واااايد لها دور مهم وخصوصا البنات في المدرسه
وهي أكيد في عمرها تسمع سوالف البنات وتبي تصير مثلهم وخصوصا قصص الحب والغرام وهي تتوهم وتتخيل نفسها في هالقصه
انا اذكر في المدرسه كان عندي صديقات كلما قلت لهم عن واحد اعرفه على المسنجر قالوا لي اوكي تلاقوا وطلعي معاه وروحوا السينما وتعشوا :qaq:
بس الحمدلله الحمدلله الحمدلله اني ماكنت اهتم لكلامهم ولا افتكرت فيه
مع ان كانت عندي كل التسهيلات، اقدر اطلع واروح لصديقاتي وعندي جوالي في يدي والنت بعد
بس الحمدلله اني كنت احس بالذنب

ادري اني وايد تكلمت ولو علي جان بقعد اتكلم بعد جم ساعه :bigsmile:
بس ترى أهم شي الشده ماتصلح وخصوصا في هالعمر
انتي فكره شلون تدخلين لها بالسياسه وبالتدرج وان شاء الله الله يهديها وتترك هالسوالف من نفسها بدون ماتتعبين وياها

صيري صديقتها ..تقربي منها وافهمي تصرفاتها..خليها تكسب ثقتك..وانصحيها باللين والطيب لان اختك بسن حرجة ومراهقة واذا ضغطوا عليها بتزيد بالعناد..انصحهيا واحتسبي الاجر على رب العالمين وخلي عينك عليها والله يهديها ويتوب عليها ويوفقها ويوفقك لما يحب ويرضى

الله يهديهااا .. ويعينج عليهااا

والله اليهاااال والبناات مسؤولية كبيرة

وصدقيني هي ياهل ومردهااا في يوووم بتفهم
وبتحسف ...


الله يهديها لكم .... ويهدي جميع شباب وبنات المسلمين

حبيبتي الغى الجافا وفكى عمرك

تراها بهالسن بسهولة تضيع والله يهديها

ويهدينا وياها