] ] مع دوحــانــيـة

[[ دجاج بصلصة الصويا و الليمون ]]



مرحبا يا عرايس ..

هالطبق سويته من يومين للغدا و قدمته مع عيش بالزعفران .. و كان طعمه يجنن ( بشهادة هلي و زوجي الله يحفظهم ) (f)

و أنا أخذته من موقع من المواقع بس ناسية اسم الأخت صاحبة الطبق ..

**

المقادير ( باللون البرتقالي ) :

صحن صدور دجاج ( أنا استخدمت صحنين )
* تقدرين تستبدلين الصدور .. بدجاجة تشيلين منها الجلد و العظم و تقطعينها مكعبات ..


**

صلصة التتبيل :



4 ملاعق طعام طحين ..

ملعقة شاي ملح ..

ربع ملعقة الشاي سكر ..

ملعقة طعام صلصة الصويا ..

2 ملعقة طعام عصير ليمون ..
* أنا استخدمت بديل الحامض ..

نص كوب ماء ( عياري ) ..

(( تخلط جميع هذه المقادير ))

بعد ماتخلطينهم .. تنقعين فيهم الدجاج لمدة 20 دقيقة

و هاذي صورة الدجاج بخلطة التتبيل






**

صلصة الصينية :

ملعقة طعام عصير ليمون ..

ملعقة طعام صلصة الصويا ..

2 ملعقة صغيرة سكر ..

ملعقة طعام ملح ..

ملعقة طعام نشا ..

2 كوب ماء ( عياري ) ..
( تخلط جميع هذه المقادير ) ..

**

الحين تجيبين صينية الفرن .. تحطين فيها صلصة الصينية مع علبة بازيلا +علبة مشروم مقطع ( الحجم الكبير ) + حبتين بطاطس ( أنا حطيت أكثر من 2 عشان الصينية كانت كبيرة )
* تقدرين تقطعين البطاطس إلى مكعبات أو دوائر و تقلينهم + الدجاج المتبل ..

و تدخلينها الفرن لمدة نص ساعة على نار متوسطة ..

و هاذي صينية الدجاج بعد ما استوت :



**

و بالعافية :gum:

*
*

صورة للتشويق :



*
*
*

ملاحظات عامة :

- في المرة الجاية باحاول أضيف عصير الليمون عشان يعطي طعم أكثر ..
- صفي الماي عن البازيلا و المشروم قبل لا تضيفينهم ..
- تقدرين تضيفين أي نوع من الخضروات : جزر / قرنبيط / طماطم ..