على الهامش انـ ـــا :(

السلام عليكم ورحمة الله وبركاته ..

كيفكم حبيباتي اشتقت لكم (f)

بقولكم مشكلتي والله اني تعبانه مره من هجر زوجي وجفاه لي انا ماصار لي متزوجه الا 6 شهور وزوجي قريب لي ..

بدايةً اخوي مأخذ اخت زوجي ومكرمها ومعيشها عيشه ولاأروع وحاشمها ومقدرها مع انها ماتسوي ربع اللي اسويه لأخوها اللي هو زوجي بس من وين يشترون الحظ :sad:
يعني بدل اخوي ماخذ اخته وهو ماخذني فهمتوا ؟؟

والله انا الحمدالله على قدر كبير من الجمال والشخصيه والتدبير في أمور المنزل وماناقصني اي شيء ومهتمه بزوجي كثير ومع هذا كله مالاقي اي تقدير ولااحترام ..

اذا من شهر عرسي مسافر ومخليني بيت أهلي ولايسأل عني ولايصرف علي لدرجة اني اشوف عيون الشقفه من امي واخواني من سبته خاصه انهم يشوفون انا وش اسوي له وجاحدني !!

مو يقولون ماجزاء الأحسان الا الأحسان بس انا ماشفت احسان معه .. وكل مابديت اتكلم معه يقول انا مااحد يتحكم فيني ومااحب احد يعاتبني لأني انغث ويطلع ويخليني !

والله تعبت معاه طنشه مرات ومالقيت الا التهزيء وقام يفشلني عند امه وخواته لو قصرت بأبسط الأمور وانا اكد في بيتي كد ..... ومالاقي كلمة شكر ولما اقوله واعاتبه يقولي واجبك هذا !!
طيب حتى انا لي واجب وحق عندك ..

انا دلوعه مره بيت اهلي بس بيت زوجي لأ مقصر معي بكل شي عاطفيا وجسديا ومادياً اشوف راتبه كله يروح لأهله وكل ماطلبت منه انا شي يقول ماعندي .. اقوله الفلوس ماتصير ماعندك الا اذا انا طلبت يقعد يصارخ ويقلب الدنيا علي ويطلع ...

انا حامل الحين وصار لي بيت اهلي 3 شهور والله مافكر يمدني بفلس واحد ..

لا اللي قاهرني زياده مايشوف اخوي كيف معزز اخته ومكرمها وهو العكس .. الحين اكلمكم وهو مسافر والله صار له 8 ايام ماكلمني فيها ولا سأل عني ..
بتقولون انتي توددي له وسألي .. والله اكلمه اوقات مايرد علي كانه يتهرب مني واذا جا بيت اهلي تشوفون التلفونات تلعب من امه وخواته يدورونه دوراه وكل شوي يتحججون علشان مايقعد عندي ولايجيني حتى اذا طلعت معه مشوار لازم ينكدون علينا فيه .. وهو حيل قلبه لهم اما لزوجته ولا شيء..

والله ذبحني حتى قرايبنا يقولون لي زوجك كأنع عزوبي ماغير سهر بهالدوانيات ولعب كوره وبلوت وبلاي ستيشن كأنه مراهق والله ..

والله مدري شسوي زهقت من حياتي معاه تعبت والله تعبت .. المشكله لاصرتي تعطين ولاكأنك تسوين شي تنحتين في ماي :confused: