دورة ماك بالشيراتون

روز : تسلمين حبيبتي

ام ميووووودي : تسلمين


Twinkle Eye : الحمدالله امج استفدتي وتابعي الموضوع لاني بزود بمعلومات جديده


دلوعة قطرية : شتبين وفرت عليج فلوس الدورة وجاتج المعلومات لين عندج بس طرشي الصور بسرعه عن الدلع


وردة العشرين : مشاءالله عليها معصومة تدخل القلب بسرعه


cotton_candy: تسلمين فديتج والصورة انشاءالله اول ماترسلهم لي دلوعة بحطهم كلهم



عاشقة الدوحة : في معلومات وايد خذناها بالدورة تكررت قبل في دورات سابقه فانا اخترت لكم الاشياء الي ماانذكرت عشان ماتملون وانتوا تقرون نفس الكلام


سما الدوحة : الله يسلمج حبيبتي

بنات اسمحولي اذا المعلومات ملخبطة بس عشان بعض الاوراق ضاعت وانا اكتب من ذاكرتي


بالنسبه لطريقه اخفاء الهلات السوداء توني جبتها وبصراحه عجيبه مالهم أثر

حتى كل من يشوفني اليوم يقولي متغيره لاني طبقت طريقه الفاونديشن بعد



ملاحظة الي عندها سواد او اخضرار حول منطقة الفم ممكن تحط eye cr eam وبعدين ال corecter

يخفي اللون ويصير لون البشره موحد

_ معلومة : معصومة احيانا تحط الكونسيلر بعد ماتخلص المكياج قالت مافي قانون معين في المكياج كل وحده لها طريقته وقالت بعد انها مرات تتمكيج بعدين تحط الفاونديشن عشان مايتوصخ

_ معصومة احيانا تستخدم الكونسيلر كفاونديشن توزعه باصابعها على بشرتها



معلومات عن منطقة العين :

في 3 انواع من اشكال العيون

العين الصغيرة والمثاليه اللوزيه والعين الجاحظة


والعين اللوزيه يناسبها كل شئ في المكياج



الماسكرا لين نحطها لازم تنحط في 3 اتجهات مو اتجاه واحد يعني اول شئ من بدايه الرموش مع اتجاه حركتهم الطبيعيه وبعدين في النص وبعدين على برا مع اتجاه الرموش

_ الرموش الي تستخدمهم اليسا رقمهم 7 من ماك

_ الكحل الكريمي الي كلنا نحبه له 3 استخدامات


1-يستخدم كحل

2- يستخدم شدو

3- نوضع منه على الرموش بواسطه الفرشاه ونلونهم يطلع فضيع شفتها سوت هالحركه لبنت بعد ماخلص الشرح هي حطت اللون الي على تركواز بصراحه فضيـــــــع على طول شريته


بعد ماخلصنا الدورة شفت معصومة تمكيج وحده من البنات وحطت تحت عينها من بيجمنت mylon عطا تأثير وووووووايد حلو وطبعا شريته

معلومات عن الخدود:

الي تحب البلاشر الكريمي وماتعرف تستخدمه او تثبته ممكن تحط في البدايه البلاشر الكريمي وهي مبتسمه وتركز على الخدود وبعدين توزعه وعقب تحط بلاشر بودره عشان يثبته

واستخدمنا بلاشر hanger وكان لونه حلو


ولجمال الوجه والخدود في نهاية المكياج ممكن نوزع شوي من بودرة beauty وهي ليميتد الي باقي عندهم اعتقد بس اللون الوردي

قبل البلاشر لازم نستخدم كونتور فاونديشن اغمج من لون الفاونديشن العادي الي نستخدمه ب 3 درجات وطبا الكونتور على الخد يختلف على شكل الوجه الي وجهها مدور لازم تخطليه بخط مايل عشان يطول الوجه لكن الي وجه طوالي لازم تخلي الخط بالعرض عشان يكسر طول وجهها


يعني الي وجهها مدور تحط الكونتور الغامق مثل ماتحط البلاشر بخط طولي مايل

لكن الي وجهها بيضاوي تحط الكونتور الغامق يبتدي بخط طولي عقب تسوي كسره بخط عرضي

عشان مايطول وجهها زياده اتمنى تفهمون قصدي يعني مثل حرف L بالانجليزي







معلومات عن الشفايف :

هذه المعلومة قالتها لي وحدي ماك لما رحت اخذ مشترياتي

قلت لها انا تعجبني الاوان الفاتحه المات لارواج بس احس ماتناسبني بس على غيري تكون حلوة

قالت لي اول شئ اوزع فاونديشن حول خط الشفايف الابيض من برا وبعدين احط المحدد والون فيه شفايفي وبعدين احط برايم حق الشفايف ميزته: يطري الشفايف مايخليها تبين متشققه ومايخلي الروج يلصق على الكاس مثلا لما نشرب وبعد يعطي مثلا الاضاءة الحلوة و تأثير حلو ويبرز الشفايف
وعقب نحط الروج


_ يفضل كل وحده يكون عندها 3 انواع فاونديشن

1- الفاونديشن العادي الي يناسب لون بشرتها

2- فاونديشن اغمق من الفاونديشن العادي ب 3 درجات ( لاخفاء عيوب البشره والاماكن المراد اخفائها مثل تحديد الانف والجبهه)


اسمحيلي اختي qtr221 استعرت منج هاذي الصورة

3- فاونديشن افتح من العادي ب 3 درجات ( لابراز المناطق الجميله في الوجه )

واللوس بودر يكون افتح من الفاونديشن العادي ب 4 درجات



البرايم


وايند بنات يقولون احنا اللون الاحمر مايناسبنا تأ كدوا ان كل وحده منكم لها لون احمر يناسبها حتى لو كانت سمره بس المهم تدور الدرجه المناسبه لها





وبالنسبه للموسترايزر الخاص بالوجه قالت الي الفلبينيه في 3 انواع

واحد ثقيل لسهرات وهو الوحيد الي ممكن يمسك

واحد تغطية شوي اخف بس يمنع البشرة انها تدهن

والاخير للاستخدام اليومي




الي تحب تحط sun block مكن تحطه قبل الموسترايزر

يعني تحط السبري فيكس عقب السن بلوك وعقب الموسترايزر



انتظروا صور مشترياتي واذا تذكرت اي شي بحطه لكم


على فكرة في دورة جديده لماك في شهر 4

بنات لاتنسوني من دعواتكم

مشكورة والله يوفقج على الموضوع الشيق

مشكوره حبيبتي ع الموضوع
وبصراحه جا في وقته لاني بروح اخذ درس في ماك

وحبيت اسألش يخلونكم تطبقون المكياج ولا بس تتفرجوا؟؟
وفي شهاده بعد الدوره؟؟
وتسلمي تحياتي

مشكوره على المعلومات

قمر قطر : تسلمين حبيبتي


روح الورد : فديتج تسلمين على كل كلمة قلتيها

يعطيج العافيه اختي ما قصرتي

بس في معلومات جديده اول مرة اقراها ما عطونا اياها اخر مرة :)

مشكورةة يالغلا ومنكم نستفيد :)

وبالنسبه للصورة افا عليج الصورة وراعيه الصورة كلهم تحت امرج

يارب يسعدج بالدنيا والاخرة :)

مشكوره اختي ويسعدك ويوفقك انشاء الله وتصيرين خبيره
آآآآآآآآآآآآآآآآآآآآآآآآآآآمين
ومتابعتك وانتضر جديدك

مشكوره اختي ويسعدك ويوفقك انشاء الله وتصيرين خبيره :shy:
آآآآآآآآآآآآآآآآآآآآآآآآآآآمين
ومتابعتك وانتضر جديدك:shy:

مشكوووووره عزيزتي وماقصرتي

وبأنتظار الباقي من الصور

تسلمين والله عالمعلومات القيمه

انا حضرت الدورة ....بس في الامارات ...وكانت معصومة اللي عطتنا اياها

بصراحه ممتااازة


والله يعطيج العافيه اختي على هالمعلومات

fa6om : هم اول شئ يطبقون على نصف الوجه وبعدين احن نطبق على النصف الثاني

بس الدورة ماعليها شهاده

الله يسلمج حبيبتي اي استفسار حاضرين


mf444 :
العفو حبيبتي




qtr221: تسلمين حبيبتي وانا وووووووووووووايد استفدت من المعلومات الي عرضتيها قبل وانتي الي شجعتيني اخذ الدورة



جوووورري: تسلمين حبيبتي والله هذا الي احاول اسويه اني اطور نفسي

لورا

لحظة شروق


M!$$_BLinG


ام يزووووووويه


تسلمين كلكم ومنوووووووووووورين الموضوع

انت رووعه خلقها ربي للبشر سلمين تسلمين ياحياتي .. يكون في علمك حفظتالدرس وطبعته علشان اطبقه .. بس عندي مشكله ما اعرف استخدم الكحل الكريمي استخدمه فوق العين فقط اما داخل العي مايثبت على العموم ماقصرتي معانا وايد ايد جزاك الله الف الف خيرا ننتظر جديدك

جوليان تسلمين فديتج على كل كلمة قلتيها انتي الاروع

هذا الواجب ولو

اما بالنسبه للكحل الكريمي مايفضل استخدامه داخل العين بس برا

داخل العين ممكن تستخدمين كحل قلم

يسلمووووووووووووو عالمعلومات :shy: وجزاج الله خير حبيبتي

يعني الحين اذا شفتيني بتعرفين الي يناسبني مثل الكونسيلر:gum: :gum:

تسلميين على الموضوع المفييد