كم هو العمر اللي تزوجتي فيه؟وكم هو العمر اللي كنتي انت تبينه بس ماصار؟

انا بتزوج في الشهر اللي انولدت فيه يعني بعد اربع شهور وعمري 23 وبعد اربع شهور بدخل 24 واحسه الحمدلله مناسب خلاص نضجنا يعني تركنا خرابيط المراهقه ومتفرغين لحياة زوجية
الله يرزقني بالذريه الصالحة لاني مووووووووووووووت احب الاطفال

أنا تزوجت وأنا عمري 20

انا انخطبت وعمري 18 وكنت ياااااااااااااااااهل بمعنى الكلمة بتصرفاتي وبأفعالي وبكل شي .. وملجت وعمري 22 وان شاء الله بعد اربع شهور عرسي وبيكون عمري 23 ... واعتقد ان سن مناسب والحمدلله

انا عرسي بعد شهرين بالضبط ان شاء الله وبيكون عمري 27 .. يمكن اكون كبيرة بالسن بس الحمد لله كل اللي يشوفوني يعطوني 18-21 سنة بالكثير (يعني بيبي فيس) الحمد لله خلصت الجامعة ويلست في البيت سنة راحة وعقب اشتغلت ثلاث سنوات .. . اسوق سيارة من 7 سنين عشت حياتي عدل الحمد لله بما يرضي ربي والحين يا دور الزوج والعيال والمسؤوليات!!

انا عمري 27 سنه .. مالكه و العرس ان شاء الله شهر 8 .. و ريلي عمره 33 سنه .. الحمدلله استانست في حياتي سافرت و سويت كل الي في خاطري و الحين مستعده للزواج :)

تزوجت بعد الدراسة و كان عمري 23 و زوجي عمره 26 و الحمدلله مرتاحة اني تزوجت في هالسن لاني كنت ابي اتفرغ لمسؤوليات الزواج و الدراسة مع الزواج شي صعب بالنسبة لي ... الله يعين المتزوجات اللي يدرسون .
ياني اول طفل و انا عمري 25.

انا تزوجت وعمري 24 سنــة

واحس ان ذا العمر منـاسب حيل

لان خلصت كل أمور حيـاتي .. والحيـن انا ادرس علشان اكمل دراستي

والله يخلي لي زوجي يا رب

أنا انخطبت وعمري 15 سنة وملكت وعمري 17 سنة وتزوجت وعمري 18

واشوف إني تزوجت بسرعة يعني كان أفضل لو كملت دراستي وبعدين تفرغت للزواج والعيال

بس الحمدلله عمري 32 سنة الحين ومن ست شهور بس تخرجت من الجامعة ((مجاهدة صح))

تزوجة وعمري 19 وزجي كان عمره 25 احسه عمره مناسب

سن الزواج برايي
يبدا من 21 الى فوق

وانا اللحين 26 وفي الصيف بعرس ان شاء الله

انا انخطبت وعمري 19 وتزوجت وعمري 20 وزوجي 26 وانا احس الفرق بين العمر مناسب...

مو مهم العمر المهم العقل ومدى نضجه انا احس لأنه بعضهم كبار ومايحسون بالمسؤوليه وانا بالنسبه لي الحمدالله احسه مناسب لي وخصوصا هالوقت اذا الوحده تمت بدون زواج يطلعون عليها الف سالفه وليش وشحقه...فاضيين الناس بس كله على النصيب :)

انا اتزوجت وعمري 21
وبالنسبة للسن المناسب.. انا كنت اتمنى اتزوج بعد العشرين.. والحمدلله هيك صار...
مع اني كنت اتمنى يكون السنة..
لاني ما لحقت اخلص ثانوي.. الا دخلت الجامعة واتخرجت..
يعني ما ارتحت ولا في سنة.. (وانا انخطبت وعمري 18 )
كان نفسي اكون عند اهلي بعد.. واشتغل قبل ما اتزوج...

بس الحمدلله... اموري تمام وحياتي حلوووووة

انخطبت وعمري 20سنه وتزوجت وعميري 23 سنه بعد ما خلصت جامعه واشتغلت سنه....والحين عندي أول بيبي وعمري 25 سنه...

أنا انخطبت وعمري 23 وعرسي الشهر الياي وبيكون عمري 24 وريلي عمره 28 والحمدلله اتخرجت من الكليه ويلست سنه في البيت واشتغلت واسوق سيارة واستانست في حياتي وايد وطلعت وسافرت والحين دور الريل والعيال ان شاء الله ادعولي

وعقبااااال كل البنوتات الحلوات ان شاء الله

انا ملكت وعمري 19 واتزوجت عمري 20 واحسه سن مناسب والحمدلله

اناتزوجت وعمري 18 ونص
وكان بدري

كان ودي اجلس لين بعد ال20

مرحبا انا تزوجت وعمري 17 وكنت اتمنى ماعرس لاني وحيدة اهلي
بس ابوي غصبني عالعرس لا حول ولا قوه

انا انخطبت وعمري 20 وتزوجت وعمري 22سنه
وكان زوجي لما خطبني عمره24 وتزوجنا وعمره 26
واحس انه السن المناسب للزواج
الله يوفق المتزوجه ويرزق اللي بعدهي بنت بالزوج الصالح

انخطت وعمري>>> 18
ملكت >>> 19
تزوجت>>> 20

نا اتزوجت وعمري 19 سنة وكنت اتمنى اتزوج بعد ما اخلص دراسة بس الحمد الله على كل حال زوجي ما قصر وقف وياي وشجعني ...