ساعدوني وادعولي بالهدايه

مرمريه:
السلام عليكم انا مشكلتي شوي غريبه بس والله ودي افضفض انا وحده احب الكلام وايد مثل مايقولون ثرثاره والله هالشي مضايجني انا ماكنت جي ماعرف استويت ارمس على الناس وايد وايد وتعرفون الرمسه على الناس تعتبر غيبه ونميمه بس والله لا شعورا ارمس وارمس وبعدين يوم ادخل غرفتي احس بتانيب الضمير واصيح ومانام الليل من كثر التفكير امس رمست على مرة اخوي بس والله مااقصدهي شوي جارحه مشاعرنا وماتحترم الوالده مول ولا زوجها كلنا طبعا وها اللي خلاني ارمس عليها امس بس العيب فيني يضل اني ارمس على الناس والله مب باعراضهم بس حب في الكلام الكثير حتى اللي وياي يمل مني سامحوني طولت بس ابغي حد يساعدني ارجوكم انتو من بعد الله والدعاء ارجوكم:sad :

هلااااا اختي مرمرية

اول شي اسمحيلي اهنيج على شخصيتج الحلوه :clap:

لانه نادرااا ما تلقين نااس يعترفوون بعيوبهم ويبوون يصلحوونهن :salam:

وانتي وحده منهم وهذا شي حلو
:clap:
وبعدين واناااا اقرا مشكلتج لفت نظري انج تصيحين لما تحسين بتانيب الضمير :confused:

وهذا دليل على صدق رغبتج في التغيير (f)

ومن هناااا البدااايه

اول شي بدال ما تصيحين

قعدي كرري (( ربي اغفر لي ولاخي هذا ..... >>> اللي تكلمتي عليه ))

واستغفري :clap: :clap:

وبعد لو كنت يالسه في جماااعه ينموون خليهم يغيروون الموضوع واذا ما رضوا روحي عنهم

اما اذا كنت يالسه ويااا حد وتبين تقللين من كلاامج

حاولي تسمعين اكثر من ما تتكلمين ..

خاصة لو حسيتي انه اللي بتقولينه ماله داعي وبس هذربه

وبعد نصيحتي لج

في وقت فراااغج قعدي استغفري وسبحي :clap:

وان شاء الله مأجروة (f)


سلااامي

اختج

غلا سهيل

هلا اختي كثيرون فيهم نفس عيبك بس اول مره اشوف وحده تعترف فهالشي وهاي شي زين ويحسب لك صراحه هالشي وايد موجود عندنا فالمجتمعات العربيه وعالاخص مجتمعاتنا الخليجيه وايد عندنا عيب مراقبه الناس والكلام عنهم الاجانب ما عندهم هالعيب تشوفين كل واحد في حاله وما يتدخل في غيره ويتكلم عنهم والاجدر بنا احنا نكون جذي عشان هاي اخلاق الاسلام فالبدايه حاولي كلامك يكون مواضيع عامه عن الازياء السفر الدراسه ثقافتك هواياتك shopping برامج التلفزيون وهالاشياء مواضيع اجتماعيه فشكل عام وعن الناس وصديقاتك واللي تعرفينهم حاولي تذكرينهم فالخير بس ولو وحده سوت لك شي او بينك وبينها خلاف لا تجيبين طاريها فالمره لانه اي حد غلط فيك وما يحترمك ما يستحف حتى تفكرين فيه وليش تاخذين سيئات عالفاضي وفالتيق اختي

شوفي اختي.................يوم بتقعدين ويا اي انسان..................حاولي انج تحاولين تتكلمين في الموضوع اللي هو يطرحه................بس اذا كان فيه لاكم او غيبه ممكن اتغيرين الموضوع او تنصحينه...................واطرحي انتي موضوع وتكلمي في حدود المعقول يعني ماتاخذين كل الوقت لج..............يعني اللي تحسينه مهم قوليله واللي ماله داعي لاتقولينه...............وحاولي تعطين نفسج فرصه صمت للاستماع للطرف الأخر..................انا مابجاملج عيوني................بس اسلوبج ينفر وخاصه اذا كان فيه نميمه وغيبه.................اثم اثم اثم................فاذا حسيتي الكلام فيه غيبه او نميمه امسكي لسانج وانصحي واتذكري فلتقل خيرا او لتسكت..............واكثر من ذكر الله............

نصيحتي لج أختي اذكري الله وسبحي دايما

واستغفري ربج يوميا باستخدام المسباح

جربي هالطريقة اللي أنا متأكدة أنها بتفيدج وااااااااايد

والسموحة

فديتج الخوات ما قصرن و انا رايي من راي الاخت (غلا سهيل)

الله يوفقج و يهديج حبيبتي

اختج
روح الحب

الله يهديكي ويهدينا ما اقدر احل مشكلتك لان هذا طبع الحريم وفينا
والله يهدينا يارب جميعا

ضياء النور:

الله يهديكي ويهدينا ما اقدر احل مشكلتك لان هذا طبع الحريم وفينا
والله يهدينا يارب جميعا

وعليكم السلام ورحمة الله بوركاتة
حبيبتي اتمني من الله ان يسعدج بحياتج لان لاصراحة انتي دخلتي قلبي من كلامج
حلو بلانسان ان يحاسب نفسة وما يكون غافل على افعالة حتى لو تكون صغيررررة
هذا فد شي حلو بيج ونادرا ما يكون بلبشر بس تعرفين
والله احس نفسي بيج
انا انسانة هادئة وطبعي ما احب ائذي اي شخص
بس انا ابقى انسانة يعني جلة من لا يخطى

ودائما من احس نفسي سويت فد شي غلط
اروح مع نفسي واحاسب نفسي على كل يومي واعرف شنو سويت اذا شي غلط او صح حتى ما اغلط بلمستقبل ان شاء الله
ولا انطي لنفسي مجال للغلط
يا حبيبتي لاتزعلين نفسج مدام تعرفين هذا الشي مو حلو اكيد راح ما تسوينة
والله احجيلج بصراحة انا من كنت قبل يعني بسن 15 كنت دائما مثلج احجي بس بدون قصد
بس الحمدالله من دخلت هسة 20 كمت ما اذكر اي شخص بشي حتى لو كان ماذيني
ولا اتكلم على احد
وحتى من اشوف يمي صديقاتي يتكلمون انا ما انطيهم مجال
والحمدالله على كل شي
اتمني لكي التوفيق ان شاء الله

الله يتوب عليكي وعلينا ..اكثري من الاستغفار اختي وسبحي واجعلي لسانك مشغول بذكر الله وادعي الله يتوب عليكي بصدق من هالعاده وربي يتوب عليك وعلينا ويغفرلنا اجمعين

تصدقين انا كنت نفس حالتك بس والله العظيم قريت حديث عن الرسول صلى الله عليه وسلم في احد الكتب
((عن حذيفة رضي الله عنه قال؛شكوت الى رسول الله ذري لساني فقال صلى الله عليه وسلم:
((اين انت من الاستغفار ؟ اني لاستغفر الله عزوجل كل يوم مائة مرة)))
استمريت بعد الحديث هذا استغفر بعد كل صلاة مائة مرة والحمدلله تركت كل شي فيه غيبة او اي شي مايرضي ربنا
استغفري اختي وصدقيني بتتركين الصفه هذي