محد بيفيدني إلا أم الزين بنت عذاري ..

كريستالة قطر 20-02-2007 23 رد 2,871 مشاهدة
ك
السلام عليكم ورحمة الله وبركاته ..

حبيت أنزل الموضوع بالقسم عشان يفيد كل من يمر بنفس فترتي ..

طبعاً الكل عرف إن كريستالة قطر الحمد لله حامل ..

والله يرزق كل من يتمنى إن شاء الله ولا يحرم حد ..

والله يتمم على ويثبته لي ويرزقني الذرية الصالحة إن شاء الله ..

المهم موضوعي هو ..

كيف الحامل تهتم بشرتها وبجسمها أثناء فترة الحمل ..

شنهي الخلطات والماسكات اللي ماتأثر مكوناتها عالحامل والجنين ؟؟!!..

ولج جزيل الشكر يالغالية بنت عذاري ..

واسمحي لي اعتذر لج لو موضوعي بيسبب لج إزعاج وعوار رأس .. خخخخخخخ ..

بس أردي بج تجننين .. ورأسج مايعورج منا .. لانج منا ولنا .. :ههههههههههههههههه ..
@


حبيبتى بصراحة انا مش هقدر افيدك

لكن حبيت ادعيلك ان ربنا يثبتلك حملك ويرزقك الذرية الصاحلة ويهديكى ويهديلك زوجك ويحببكم فى بعض ويسترك ويوسع رزقكم

قولى آآمين




أدعولــى بالستــــر والهـــــدى والزواج العاجــــــل من خطيبــــــى
لوشن من صنع يديكى لكعوب زى المرمر >> وداعا للتشقاقات >> مع حبيبة خطيبها
gloos للحصول على شفايف انجلينا جولى من اختراعى ** حبيبة خطيبها **
لو عندك مشكلة فى اظافرك او خشونة بجلد ايديكى الحل عندى مع *** حبيبة خطيها
لذوات البشرة الدهنية^^ المحترقة من اشعة الشمس ^^ ماسك هدية ليكم من حبيبها خطيبها
تحبى تعملى بنفسك كريم مرطب لبشرتك حسب نوعها ؟؟ اتفضلى** حبيبة خطيبها
كعبك زى كعب الاطفال بالظبط ... طريقة مجررربة
بتعانى من النمش ؟؟ عايزة تتخلصى منة ؟؟ الحل مع ** حبيبة خطيبها **
استخدمى هذا الجيل<< نعومة << بياض << تقشير << من تجربتى ** حبيبة خطيبها
خلاص حف شعر الوجه مش مشكلة ومفييش حبوب ** طريقة مجررربة ** حبيبه خطيبها
وصفة للقضاء على قشرة الشعر ومن اول مرة << بالصور >> مع حبيبة خطيبها
كيفية عمل شامبو طبيعى ومفيد فى بيتك مع ** حبيبة خطيبها **
اصنعى البلسم المفضل لكي ومثبت شعرك بايديكي ** مع حبيبة خطيبها **
رحلة عنائى مع شعرى .. من شعر تااالف .. لشعر كلة حيوية .. تجربتى بالصووور
ملف كامل للتداوى بالاعشااب مع*** حبيبة خطيبها ***
لكل من تعانى من الام القدم * العلاج الطبيعى لهذا الالم ** حبيبة خطيبها
برنامج لتسجيل ميعاد كل دورة ..تحديد افضل اوقات الخصوبة ..تحديد النوع ** حبيبة خطيبها

ك
جزاج الله ألف خير أختي حبيبة خطيبها

شاكرة لج هالدعوات الطيبة

والله يوفقج ياااااارب
د
السلام عليكم ورحمة الله وبركاتهــ

الله يسهل عليجـ ،، وتقومين بالسلامه ان شاء اللهـ

اختي ادخلي على رابط هالموضوعـ ،، لبنت عذاريـ،

http://www.3roos.com/forums/showpost.php?p=3011216&postcount=3


والسموحه على القصور
د
كريستالة قطر؟؟

الشمس من وين طالعه

شخبارج يبه

يالقاااااااااااطعه وحشتينا ولاتقولين عندي ربع اسئل عنهم

وبالنسبه لسؤالج

كل الخلطات الطبيعيه ممكن تسوينها وانتي متطمنه

اهم شي اهتمي بتغذيتج عشان ويهج يظل مورد ومنووور

ولتفادي اهم مشكله تؤرق الحوامل(التشققات)

ادهني بطنج يوميا بزيت الزيتون مع التدليك الخفيف

وممكن تستخدمين كريم بالمرز لمنع التشققات وتلقينه بكل الجمعيات

والله يثبت حملج ياااارب
ر
هلا وغلا باختي الغاليه

والله اينولج اللي في بالج يااارب
ويرزق الجميع

بنت عذاري انشاءالله مااراح اتقص بس هي مشغوله هل كم يوم

زوري ركنها وانشاءالله تلقين اللي يرضيج:shy:
ك
دلــ دبي ـــع

مشكورة حبيبتي .. وبمر أشوف الموضوع ..

ماقصرتي حبوبة ..
ك
دلوعه قطريه

فديتج والله يالغالية يابنت بلادي ..

وأسمحوا لي والله ماأدخل صايرة النت مثل قبل ..

وشاكرة لج هالمعلومات اللي هي بسيطة بس مفيدة وتشجع ..

وأنا كل ماأسبح أحط زيت جونسون البخاخ .. ماأدري في منه فايدة ولا لازم زيت زيتون ؟؟!!..

وبشتري كريم بالمرز إن شاء الله ..

وماقصرتي يالغلا .. (( حبيبتي أنتي )) ..
ك
روح البحرين

هلا والله الغالية

والله يسمع منج ياررررب

والغايب عذره معاه .. أنا مب مستجعله وايد ..

وبنتظرها لين تفضى خبيرة البشرة أبلة عذاري ..

وتسلمين حبوبة ..
ب
هلا بحبيبة قلبي كوكو(f)

وحشتيني وفرحت لك كثير لما عرفت بحملك وبالصدفه :angry:

عموما مابزعل لانك اختي وحملك فرحني من قلب والله

وربي يثبته ويسهل امورك ويحفظك ويحمي جنينك ويهون طلقك

والله يكرمك بطفل سليم ومعافى

بخصوص الحامل ماقصروا خواتي خوخه وغوح فديتهم

وعرايسنا الخدومات الله يعطيهم الصحه والعافيه

وفعلا هذا موضوع خصيت به كل امهاتنا الصعنونات (f)

وبه النصائح المهمه..

والحامل لاتحتاج وصفات وخلطات بقدر احتياجها للترطيب والترطيب والترطيب

وبعد كل استحمام الترطيب مهم جدا بالزيوت مع التدليك لدقائق معدودات

لتجنب تمددات البشره المزعجه وترهلها بالتالي واسمرارها

ولبشرة الوجه ماسكات الارتخاء رائعه خلال النهار

ماسك الحامل لكل امهاتنا الجديدات من بنت عذاري:

استخدمي ملعقتين قشطه طازجه وضيفي لها 3 نقط زيت خروع وادهني بها بشرتك

واتركيها حتى تجف وبعدها زيلي الماسك اللباني بماء دافيء ورشي الوجه بماء ورد بارد

الحلو انك ممكن تضيفي قطرات عصير برتقال او قطرات عصير تفاح للقشطه /معلب او طازج

لمده بالانزيمات والفيتامينات المغذيه اللي تعطي نضاره ورونق لبشرة الحامل


وللجسم انصحك بمقشر ومجدد البشره الطبيعي بدون ان يضرك:

3 ملاعق سدر

ملعقتين زبادي / روب

ملعقة زيت زيتون


يخلط الجميع وممكن تضاعفي الكميه وتحتفظي به لمدة ثلاث ايام في الثلاجه

وتستخدميه كبديل للصابون وهو مطهر ومرطب ومغذي لبشرتك ويتركها تبرق من حلاتها

وبنفس الوقت يحافظ عليها من التشققات وخطوطها وتمددها بالخصوص منطقة الصدر والبطن

ولن تحتاجي اكثر من هذا

والنوم بساعات كافيه مهم لوجه نضر بلا هالات

ومتى ما شعرتي بأرق أو تفكير اشربي حليب دافيء ومعاه ملعقة عسل ونوما هنيئأ

ويفضل أخذه كل ليل قبل النوم بنصف ساعه وبه منوم طبيعي يغذي جسمك ويريح بالك

ودعواتي لك يا أغلى كوكو بشهور حمل آمنه وطفل حلو يشبه أمه الصعنونه (f)

وبالبركه يا قلبي
ك
بنت عذارى

فديتج والله ياأم الزين .. وهو في حد بيزعل من كوكو .. :pain: ههههههههه ..

وعقبال ماأفرح بج أنتي وكل عرايس المنتدى إن شاء الله بالزواج من الزوج الصالح ..

اللي يستر عليكم ويستانس عليكم .. :yes:

ومشكورة على هالنصايح وهالماسك وهالخلطة اللي تخص كل حواملنا الصغيرات

واللي بصيرون أمهات أطفال المستقبل إن شاء الله ..


بس بغيت أسالج الغالية دخلت على موضوعج اللي للحوامل تبع الرابط اللي حطته لي

الأخت الحبوبة دلــ دبي ـــع ..

مافهمت أخلط كل هالزيوت مع بعض ولا شلون مافهمت الصراحة .. ممكن توضيح أكثر منج ماعليج أمر ..

والله يوفقج ويحفظج ويناولج اللي في بالج ياااااااااارب ..
أ
يعني انا مب حامل؟؟؟؟<<<<<<<<<<ليش داخله عجل؟؟؟
بس الاخت بنت عذاري تستاهل الثناء والشكر والتشجيع..:clap:
ك
أم نونية

يالله أش تنتظرين .. ما أشتقتي للبيبيات ؟؟؟!!.. ولا أحنا مانشجع .. ههههههههههههههه ..

وبنت عذاري تستاهل كل الخير والله وماتقصر مع البنات والعرايس والحوامل وكل أبونا .. :shy:

وتسلمين عالمرور ..
د
[grade="F4A460 F4A460 F4A460 F4A460"]~*~*~*~*~*~*~[/grade]

[grade="FF1493 FF1493 FF1493 FF1493"]
,, .. هلا حبيبتي كريستاله مشاء الله بنت عذاري ما قصرت معاكي ..,,

,,.. جزاها ربي كل خير ..,,

,,.. بس حبيت ابارك لك بالحمل يا قلبي الله يسهل حملك وولادتك عليكي يارب ..,,


,,.. تحيــاتـــي ..,,[/grade]

[grade="F4A460 F4A460 F4A460 F4A460"]~*~*~*~*~*~*~[/grade]
ك
دلوعة القصيم

أول شي ألف مبروك عالإشراف ..

وإن شاء الله تكونين قده وقدود ..

وثاني شي مب غريب على بنت عذوره ..

عمرها ماقصرت مع حد الغالية ..

والله يبارك فيج وفي إيمانج إن شاء الله ..

والله يسمع منج إن شاء الله ..
ك
بنت عذارى


الغالية كان لي إستفسار في الموضوع في الرد رقم 11

وبغيت أسألج بعد عن السدر اللي ذكرتي إني أحط منه 3 ملاعق ..

السدر وين أحصله بالضبط وهو وشو بودرة ولا سائل ممكن توضيح أكثر يالغالية ..

وإستفسار أخيررررررر ..

وااااااااااايد متضايقة من حملت من الحكة اللي ماكله جسمي ..

في ريلي ويدي .. كأني توني حافه وبيطلع الشعر ..

عاد أنا مش مقصره أترس نفسي بالكريمات (( فازلين ، بخاخ جونسون )) كل شي والله ..

بس الحكة وااااااااااايد متعبتني كأن فيني يرب بعيد الشر .. خخخخخخخخخخخخخ ..

ماعليج أمر فيديني يالغالية ..



وعسى ربي يسمح لج دروبج إن شاء الله ..

ويناولج اللي في بالج ياررررررررب ..
ب
هلا بالغاليه كوكو(f)

يا قلبي النصائح لكل حامل واضحه..

اللي ينخلط حطيت معاه.. +

واما باقي الزيوت والكريمات هي تستخدم لحالها وهي رائعه

وللحكه تدهني مش بالبيبي جونسون لان الحكه تحدث من تمدد الجلد بسبب الحمل

ولازم ترطبين بشرتك بزيت طبيعي نباتي حتى يمتصه الجلد ويحل محل التمددات وبالتالي ماتحدث عندك التششقات من التمدد..

وزيت الزيتون يحافظ على ترطيب الجلد بعمق ومليء تمددات الجلد

وقد ماتقدرين تدهني ليل ونهار بالزيت (زيت الزيتون) وخصوصا بعد كل استحمام

وبتلاحظين ان الحكه راحت بلا رجعه والجلد ناعم وطري

والتقرص هو دليل على جفاف شديد وتمدد

وجسمك يقولك رطبيني ورحمي روحك :angry: :angry:

لا لزيت بيبي جونسون لان الجلد مايمتصه ولا يستفيد منه

وربي يسهل امورك يالغاليه ويحفظ جنينك

دعواتي لك يا احلى كوكو(f)
ك
هلا والله عذوره ..

فهمت ألحين إن ال + هو اللي ينخلط .. خخخخخخخ ..

وعرفت اللي بدون ال + ماينخلط ويستعمل لحاله .. ههههههههه ..

والله جسمي أرطبه تقريباً كل وقت والله مايقول أرحميني أنا اللي أقول له أرحمني ..

وبغير إستعمالي لبيبي أويل وبستخدم الزيوت النباتيه ..

أمس أستخدمت زيت اللوز الحلو تسبحت به .. خخخخخخخ ..

بس بعد ماحسيت بفايدة .. بقطع نفسي من الحكة والله ..

وسويت لي خلطة شهر العسل من فترة واستخدمتها أمس صج حسيت إن جسمي مرطب ..

بس بعد الحكه مب راضيه تخليني في حالي ..

بس بجرب اللي قلتي لي عليه ..


عذوره .. أدري سندرت رأسج .. خخخخخ ..

بس السدر وين أحصله وشلون شكله ..؟؟!!....
M
مساء الخير


و ألف ألف ألف مبروك عليج يالغالية
و عقبال ما تقومين بالسلامه و البيبي بخير و عافية



و تحياتي لبنت عذاري ما شاء الله عليها...



بس عندي نفس سؤالج يا إختي الغالية كريستالة


وين بلقى السدر و كيف شكله


تحياتي
ك
Majestic Beauty

الله يبارك في إيمانج حبوبة

والله يسمع منج إن شاء الله

وإن شاء الله بنت عذاري تفيدنا وماراح تقصر معانا
X