فينكوا يا بنات يا مصريات ؟؟؟؟؟ ( الجزء الثانى )

متقلقيش يا ننوسة انا شفت سؤالك التاني عن الميك اب و حأرد عليه حالا بس قلت ارد عالخفيف الاول :)

amaladel:


دي صورة المنتج اللي كنت باتكلم عنه من شوية. انا مش فاكرة سعره بس مكانش غالي يعني في العشرينات تقريبا

أموله يا سكر عامله ايه على فكره الجيل ده عندي وبستخدمه ومش قادره اوصفه بجد من كتر مانا معجبه بيه
وجبت منه لجهازي علبتين وبيضيع اي اثار للتعب والارهاق فعلاً (f)

انا بقى نزلت امبارح اشتريت حاجات اوريفلام
بس للاسف ملحقتش اصورها قلت اجيب الصور من النت وخلاص

اول حاجة الالاليء البرونزيه جبت اللى لونها على روز
" alt="" loading="lazy">
بس انا مجبتش دي انا جبت الكبيرة بس ملهاش صورة على الموقع وسعرها طبعا بعد كل الخصومات 61 جنيه


فوم حلاقه لخطيبي من جلاسير

غسول المنطقة الحساسه

بلسم للشفايف بطعم المارشمالوه هههههههه لذيذ

ماسكرا من فيجنز قلت اجرب اللون الازرق

ناني فيبس:
صباح الجمال يا احلى امل في الدنيا

امل انا كنت عايزة استشيرك في حاجة
ياترى كميه الميك اب المعقوله اللى المفروض نشتريها ايه ؟

وهل فعلا هتلاقي مجال نحط ميك اب باستمرار ولا الرجاله بتحب الطبيعه اكتر
يعني مثلا ياتري انتي كل اللى اشتريتيه استخدمتيه ؟
وايه اللى فعلا كويس لازم يتجاب وايه اللى جبتيه واترمى او اتركن في مكانه ؟

يا صباح المسك و الورد و العنبر على ننوسة عروس :)

شوفي يا ستي، مفيش كمية ميك اب معينة المفروض انك تشتريها، بس المهم انك تجيبي من كل حاجة، يعني تجيبي كريم اساس و بودرة و ماسكرا و كونسيلر و نوعين تلاتة بلاشر و شادو بالوان مختلفة و الوان عيون بالوان مختلفة و كحل و ايلاينر و روج و جلوس بالالوان اللي بتحبيها و الوان مانيكير بتحبيها و ميك اب برونزاج (كريم و بودرة و ما يناسبه من بلاشر و خلافه). يعني هاتي من الاساسيات كلها. الكميات بقى دي ترجعلك طبعا، بس بصراحة انا غلطت غلطة اني جبت حاجات كتير اوي و انا مش باحط ميك اب في الخروج الا نادر و بالتالي فالحاجة دي كلها للبيت و في البيت بقى يا شطورة برضه مش على طول حتلاقي عندك وقت تحطي ميك اب كامل. ساعات بتجري ورا نفسك و تلاقي انك يا دوب حاطة كحل و روج او جلوس و شوية برفان و السلام عليكم

كمان فيه حاجة، مش كل الرجالة زي بعض، فيه راجل يقول لك لا انا مبحبش الالوان و الزحمة، و يحب يشوف مراته على طبيعتها طول الوقت، فيه راجل تاني يحب الميك اب الهادي و فيه تالت ميحبهاش غير بميك اب تقيل و يمكن صارخ احيانا، فانتي بتحطي اللي يرضي جوزك و في نفس الوقت يلائم ستايلك

بالنسبة لي مش كل حاجة جبتها استخدمتها، فيه حاجات كتير زي ما هي مفتحتهاش مثلا زي الشادو اللوس مثلا، استخدمته مرة و الا اتنين و نسيته، الوان روج كذلك، و المانيكير كمان مصيبة، ما هو مش كل شوية حتحطي مانيكير و بعدين تجري تشيليه عشان تتوضي و تصلي، يعني فيه حاجات كده تلاقيها موجودة بس انتي مش لاقية فرصة تستخدميها

عشان كده باقولك متكتريش، يعني هاتي في حدود المعقول خصوصا ان معظم الحاجات زي الماسكرات و البودرة و الاساسات و البلاشر بيتبوظ بعد فترة و ريحتها يتغير او قوامها بيتغير و بتترمي فحرام نصرف مصاريف كتير عليها. انا باقولك كده و انا لحد دلوقت كل ما تطلع حاجة تعجبني في اوريفليم ايدي تجري عليها، بس بجد باحاول أعمل ظبط نفس و تقنين للموضوع ده لان صعب استعمل كل الحاجات دي الا لو فاتحة كوافير او باتمكيج كامل في اليوم 6 مرات مثلا!!!

و البارفانات كمان خلوا بالكم بلاش تكتروا منها اوي، خصوصا بارفانات أفون لانها بتغير ريحتها بعد فترة للاسف و عن تجربة. اما الباقي متكتروش منه لانكم مش حتتعطروا غير في البيت لازواجكم تمام؟؟ ساعات بنجيب حاجات و نكوم و بتجيلنا هدايا و تبصي تلاقي نفسك مش عارفة توديها فين لانك بتزهقي، و صعب تفتحي البارفانات كلها مرة واحدة لانها حتخرب من القعدة بره فترة و هي مفتوحة، يعني اقصى حاجة مثلا تفتحي 4 او 5 انواع للتنوع و التغيير. اقصد انكم حتزهقوا بسرعة و حتنزل حاجات جديدة و تبقوا عاوزين تجربوها بس لسه فيه اكوام في البيت مخلصتش، يبقى وفروا تمن الحاجات الزيادة لحاجات أهم. انا باقولكم عن تجربتي في بعض حاجات فعلا كترت منها و بدأت أزهق و بدأت اندم اني بالغت فيها بالشكل ده

ايه كمان؟؟؟ مش عارفة، لو افتكرت حاجة تاني حاقولكم و انتوا كمان فكروني لو عندكم اسئلة

alex_bride:
أموله يا سكر عامله ايه على فكره الجيل ده عندي وبستخدمه ومش قادره اوصفه بجد من كتر مانا معجبه بيه
وجبت منه لجهازي علبتين وبيضيع اي اثار للتعب والارهاق فعلاً (f)

الحمد لله يا اليكس يا قمر انه عجبك، و الله عاوزة اقولكم عليه من زمان بس خفت تتريأوا عليا و تقولوا جل اجهاد ايه و ارهاق ايه :shy: بس هو فعلا ممتاز زي بقية منتجات الماركة دي

اه كمان في البرفانات بلاش تجيبوا حجم 100 مل ده ابدااااااااااااااااا، كفاية 30 مل و 50 مل، لان الواحد بيزهق من استخدام نوع معين لفترة طويلة و البرفان ال 100 ده مصيبة، مش بيخلللللللللللللللللللللص ابدا حتى لو استخدمتيه لتعطير الاوض!!! لا بجد خليكم في الاحجام الصغيرة عشان التنوع احسن من الثبات على نوع واحد فترة طويلة

ناني فيبس:
انا بقى نزلت امبارح اشتريت حاجات اوريفلام
بس للاسف ملحقتش اصورها قلت اجيب الصور من النت وخلاص

اول حاجة الالاليء البرونزيه جبت اللى لونها على روز
" alt="" loading="lazy">
بس انا مجبتش دي انا جبت الكبيرة بس ملهاش صورة على الموقع وسعرها طبعا بعد كل الخصومات 61 جنيه


فوم حلاقه لخطيبي من جلاسير

غسول المنطقة الحساسه

بلسم للشفايف بطعم المارشمالوه هههههههه لذيذ

ماسكرا من فيجنز قلت اجرب اللون الازرق

الف مبروك يا ننوسة، تتهني بالحاجة يا حبي. انا عندي كرات البرونز بس اللي على بيج بتنفع اوي عاللوك البرونزي بتبقى تحفة

ميرسي يا امولة علي النصائح الجامدة ديييي
ناني هو الغسول للمناطق الحساسة استعملة ازايي

كريم الجسم والوجه للوك برونزي



فرنش مانكير لونين
بيج و روز



صابونه الكيوي (بحب الصابون الغريب ههههههههههههههههه)


روج جبت اللون النبيتي


شنطة العنايه بالاظافر عجباني موت


واخر حاجة كريم للايد والاظافر


وطبعا دفعت مبلغ محترم كالعادة هههههه:confused:

laleee:
ميرسي يا امولة علي النصائح الجامدة ديييي
ناني هو الغسول للمناطق الحساسة استعملة ازايي

انا بستخدمه اكنه صابون وبعدين بشطفة بالميه بس
يعني باخد على ايدي وارغي المكان دة وبعدين اشطف

والف الف شكر يا امل على كلامك ونصايحك القيمه بجد كلنا بنستفاد جدا
وفعلا بقتنع برايك وكلامك جدا

بس انا بردوا مشكلتي ان كل ما حاجة تعجبني مش بقدر امسك نفسي

:sad: :sad:

amaladel:
اه كمان في البرفانات بلاش تجيبوا حجم 100 مل ده ابدااااااااااااااااا، كفاية 30 مل و 50 مل، لان الواحد بيزهق من استخدام نوع معين لفترة طويلة و البرفان ال 100 ده مصيبة، مش بيخلللللللللللللللللللللص ابدا حتى لو استخدمتيه لتعطير الاوض!!! لا بجد خليكم في الاحجام الصغيرة عشان التنوع احسن من الثبات على نوع واحد فترة طويلة

البرفانات بقى انا مصيبه فيها
انا عندي لحد دلوقت 9
بس لسه في حاجات وانواع تانيه كتير نفسي فيه ههههههههههه
اه من النفس دي :confused: :confused:

laleee:
ميرسي يا امولة علي النصائح الجامدة ديييي
ناني هو الغسول للمناطق الحساسة استعملة ازايي

العفو با قمر ربنا يكرمكم يا رب و تستفيدوا بيها كلكم

ناني فيبس:
كريم الجسم والوجه للوك برونزي



فرنش مانكير لونين
بيج و روز



صابونه الكيوي (بحب الصابون الغريب ههههههههههههههههه)


روج جبت اللون النبيتي


شنطة العنايه بالاظافر عجباني موت


واخر حاجة كريم للايد والاظافر


وطبعا دفعت مبلغ محترم كالعادة هههههه:confused:

الف الف مبروك يا قمر، بسم الله ما شاء الله الحاجة كلها جميلة، و الصابونة على فكرة تحففففففففففففففففة، انا جبتها الستة اللي فاتت و جربتها في الصيف ريحتها جميلة اوي اوي و كان فيه نوعين كمان مش فاكراهم دلوقت. شنطة العناية جميلة و عملية اوي على فكرة، تاخديها معاكي في شهر العسل ان شاء الله

ناني فيبس:
انا بستخدمه اكنه صابون وبعدين بشطفة بالميه بس
يعني باخد على ايدي وارغي المكان دة وبعدين اشطف

والف الف شكر يا امل على كلامك ونصايحك القيمه بجد كلنا بنستفاد جدا
وفعلا بقتنع برايك وكلامك جدا

بس انا بردوا مشكلتي ان كل ما حاجة تعجبني مش بقدر امسك نفسي

:sad: :sad:

العفو يا جميلة الحمد لله ان كلامي بيفيدك فعلا. و اااااااااااااااه من مشكلة امسك نفسي دي!!! عاوزين حد ييجي يمسكها معانا :angry:

الله يبارك فيكي يا حبيبتي
ربنا يخليكي

ناني فيبس:
البرفانات بقى انا مصيبه فيها
انا عندي لحد دلوقت 9
بس لسه في حاجات وانواع تانيه كتير نفسي فيه ههههههههههه
اه من النفس دي :confused: :confused:

شوفي البرفانات بقى، عندك ما شاء الله دلوقت 9، خلاااااااااااااااص قفلي بقى او لو لقيتي حاجة لقطة اوي يعني يبقى كفاية اتنين كمان و بسسسسسسسسسسسسسس عشان تعرفي تجيبي بعدين لما تنزل حاجات جديدة ان شاء الله

مبروك يا ناني حاجتك حلوة اوييييي
ما شاء الله
بس صحيح انتي لقيتي شنطة العنايه بالاظافر اصلي ملقتهاششششششششششششش

laleee:
مبروك يا ناني حاجتك حلوة اوييييي
ما شاء الله
بس صحيح انتي لقيتي شنطة العنايه بالاظافر اصلي ملقتهاششششششششششششش

ليه انتي جبتي من فرع ايه ؟اكيد مصر الجديدة
الفرع دة على طول معندهوش حاجة

فعلاً انتي جايباها من انهي فرع

laleee:
فعلاً انتي جايباها من انهي فرع

المهندسين

وكمان في فرع المعادي بس عمري ما رحته هههههه