فينكوا يا بنات يا مصريات ؟؟؟؟؟ ( الجزء الثانى )

رحيق الإبداع:
أمل

البرفان اللى قلتى عليه بكم ؟

نانى

هى المبخرة هى نفسها الفواحة
انا اشتريت فواحة النهاردة وشغلت عليها ياسمين وريحة البيت بقت جميلة

طيب
وقطع المسك نشتريها منين ؟

رحيق ممكن تقوليلى جبتى الفواحه بكام وشكلها ايه عشان انا عاوزة اجيب فواحه

اسمحيلي أرد عليكي يا توبي لحد ما رحيق تيجي

دي أشكال لفواحات يا توبي، طبعا مش لازم تلاقيها بالظبط هنا في مصر بس عشان تعرفي فكرتها ازاي





اسعارها بتكون مش غالية اوي، انا جبت منها من محل في أركاديا في الدور الرابع تقريبا، هو بيبيع زيوت عطرية للفواحة و علب مجوهرات و اكسسوارات و حاجات كده. حتلاقيها في كل المولات في المحلات اللي بتبيع التحف كمان

amaladel:
الله يسلمك يا قمر، و لا يهمك كلنا في الشغل و التجميع مفوت حبتين :gum:

شوفي انتي بتقولي لو حطيتي كل الحاجات دي حتبقي عاملة زي العروسة، ايه كل الحاجات دي؟؟ انا متكلمتش غير عن حاجتين بس، منهم الكريم و ده للاضاءة و خفيف جدا على البشرة و بيعمل 3 حاجات: بيثبت الميك اب، و بيعطي ضي او بريق او اضاءة يعني للبشرة، و باستخدامه المتكرر بيحافظ على البشرة من التجاعيد لانه ممكن يستعمل لوحده اصلا كعلاج للبشرة و بعدين هو مش ملون يبقى مفيش عرايس و لا حاجة

الحاجة التانية الكونسيلر و ده اساسي لو عندك هالات سوداء مثلا من السهر او الارهاق و عشان الاماكن الغامقة في الوجه

يعني الاتنين ملهمش لون و مش طبقات فوق بعض زي الاساس مثلا بيكون تقيل و بيجهد البشرة، بالعكس انتي لو عاوزة لوك طبيعي ممكن تشتغلي على الاتنين بدون اساس و لا بودرة، مجرد بلاشر عليهم و بيبقى لوك طبيعي جدا

في المناسبات لعبك بيكون أكتر بالاساس و البودرة، اما الكريم و الكونسيلر ثابتين في اي ميك اب لو تحبي، و ممكن تستغني عنهم لو انتي مش محتاجاهم، مفيش حاجة في الميك اب مش ممكن استبدالها او التعامل من غيرها

يا رب أكون أفدتك

مش بقولك مش مركزة اهوه انتى قولتى حاجتين بس وانا افتكرتهم مليون حاجة والله
طلعوا بيوتى فلاش بالم مش اسمه كده بردو والكونسيلر

معلش اعذرينى بقى واستحملينى نهاردة

amaladel:
ناني القمر، هو كان بحوالي 280 او في الحدود دي، و تلاقيه في محلات فورتشن أو أي محلات بيتبيع منتجات كلارينس. محلات فورتشن لها فروع كتير في شارع جامعة الدول و في مول أركاديا و في النايل سيتي

كمان قلم الكونسيلر بتاعه اللي زي الريشة (اللي جيورداني منزل واحد شبهه) تحفة فعلا و الله شوية رتوش منه حوالين العيون و على الوجنات و حوالين الفم و على جانبي الجبهة، بيعمل تأثير خطير و ينور الوش و ممكن تكملي فوقه بعد كده بلاشر على خفيف مع جلوس و شوية كحل بيعطي لوك ناتشورال رهييييييييب

الحاجات دي باكلمك عنها من تجربة و عجبتني فعلا

يالهوى 280 جنيه ده غالى اوى اوى اوى
طب الكونسيلر بكام ب 20 عشان يقفلوا 300 جنيه ولا اكتر

janja:
يالهوى 280 جنيه ده غالى اوى اوى اوى
طب الكونسيلر بكام ب 20 عشان يقفلوا 300 جنيه ولا اكتر

لا اكيد ب 220 عشان يقفلوا 500
ههههههههههههههههههههههههههههههههههههههههههه

janja:
مش بقولك مش مركزة اهوه انتى قولتى حاجتين بس وانا افتكرتهم مليون حاجة والله
طلعوا بيوتى فلاش بالم مش اسمه كده بردو والكونسيلر

معلش اعذرينى بقى واستحملينى نهاردة

هههههههههههههههههههه انتي دمك زي العسل و الله، يمكن عشان البيوتي فلاش بالم 3 اسامي في بعض فكرتيهم منتجات كتير

و لا يهمك يا قمر، اسألي براحتك

يالهوى 280 جنيه ده غالى اوى اوى اوى
طب الكونسيلر بكام ب 20 عشان يقفلوا 300 جنيه ولا اكتر

هو فعلا غالي اوي بس يستاهل و مش حاجة بتجيبيها كل يوم، و في نفس الوقت حاجة تحطيها على وشك و انتي مطمنة لها، و طبعا لو مش عاوزة تجيبيه يبقى أوفر يعني :shy:

اما الكونسيلر فمش فاكرة سعره كام، بس ب 20 دي معتقدش :gum:

ناني فيبس:
انا هنا يا قمر انتي وحشاني اكتر
والله انا مبقتش اعرف اقعد من غيركوا ابدا
انا على فكرة بجمع كل اسئلتكوا عشان هروح اوريفلام النهاردة ان شاء الله استفسر على كل حاجة وارد عليكوا

ربنا يخليكي لينا يا(f) ناني(f) :clap: و متنسيش تسالي عن كريم اضاءه جورداني:shy:

معلش يا امل هو حجم البيوتي فلاش اد ايه بس سعره غالي

ناني فيبس:
لا اكيد ب 220 عشان يقفلوا 500
ههههههههههههههههههههههههههههههههههههههههههه

هههههههههههههههه
اضحكى اضحكى كمان ولا يهمك مانا فعلا كلامى غريب

amaladel:
هههههههههههههههههههه انتي دمك زي العسل و الله، يمكن عشان البيوتي فلاش بالم 3 اسامي في بعض فكرتيهم منتجات كتير

و لا يهمك يا قمر، اسألي براحتك



هو فعلا غالي اوي بس يستاهل و مش حاجة بتجيبيها كل يوم، و في نفس الوقت حاجة تحطيها على وشك و انتي مطمنة لها، و طبعا لو مش عاوزة تجيبيه يبقى أوفر يعني :shy:

اما الكونسيلر فمش فاكرة سعره كام، بس ب 20 دي معتقدش :gum:

ربنا يخليكى يا اموله
هو مش غالى شويه ده شوياااااااااااااااااااااااااااااااااااااااااااااااااااااااااااااااات
انتى فعلا معاكى حق انه مش هيتجاب كل يوم بس مش لدرجة الـ280 يعنى
وطبيعى ان طالما منتجاتهم اسعارها كده يبقى مفيش حاجة هناك ب 20 ابدا وكمان بريش

janja:
هههههههههههههههه
اضحطى اضحطى كمان ولا يهمك مانا فعلا كلامى غريب

هههههههه:dd: لا كلامك غريب ولا حاجه هي الاسعار اللي بقت نار في كل حاجه الله يعنا[(r)

فينك يا ام الشهداء وحشتيني ما بتدخليش ليه بقالك كتير

rose_29:
هههههههه:dd: لا كلامك غريب ولا حاجه هي الاسعار اللي بقت نار في كل حاجه الله يعنا[(r)

ده نار نار يا حبيبى نار
طب مش هو الفلاش ده نسيت اسمه يالهوى على الزهايمر اللى انا فيه
هو ده زى كريم الاضاءة بتاع جوردانى اللى نانى هتسالى عليه فى اوريفليم ولا ايه ؟

rose_29:
هههههههه:dd: لا كلامك غريب ولا حاجه هي الاسعار اللي بقت نار في كل حاجه الله يعنا[(r)

صح عندك حق الاسعار بقت حاجة فظيعه جدا

وبصراحة عشان انا بحب انوع فبجيب من الماركات اللى اسعارها معقوله
وخصوصا لو النتيجة وحده
زي البرفانات مثلا

ايه داعي اجيب برفان غالي بحجة انه بيثبت مدة اطول
طيب ما انا ممكن احط تاني او اغير واحط نوع تاني او استحمى ههههههههههههههههههههههههههه

janja:
ده نار نار يا حبيبى نار
طب مش هو الفلاش ده نسيت اسمه يالهوى على الزهايمر اللى انا فيه
هو ده زى كريم الاضاءة بتاع جوردانى اللى نانى هتسالى عليه فى اوريفليم ولا ايه ؟

هو طبعا نفس الفكرة
لكن اكيد هيكون في فرق
بس بردوا الفرق هيكون بسيط جدا

لان فرق السعر مش بس ضايع في فرق الجودة
لا ضايع كمان في ان المنتج عليه جمرك ومصاريف نقل واستيراد بكميات قليله لانه معليهوش طلب عالي

rose_29:
معلش يا امل هو حجم البيوتي فلاش اد ايه بس سعره غالي

حجمه 30 مل، و مننساش يا جماعة انه ماركة كلارينس ماركة عالمية و اكيد غالية، و زي ما قلت مش لازم نجيبه، لكن اللي محتاجاه اوي ممكن تعمل حسابها و تجيبه، زي ما بنحوش كده و نخبط لنا ازازة برفان فوق ال 200 جنيه، هي نفس الفكرة و بس

و عموما طالما الماركات الغالية دي بتعمل حساسية في الصفحة، بلاش منها خالص و نخلينا في المصري و في افون و اوريفليم ربنا يخليهم للوطن :gum:

janja:
ده نار نار يا حبيبى نار
طب مش هو الفلاش ده نسيت اسمه يالهوى على الزهايمر اللى انا فيه
هو ده زى كريم الاضاءة بتاع جوردانى اللى نانى هتسالى عليه فى اوريفليم ولا ايه ؟

لا مش زيه خااااااااااالص، كريم اضاءة جيورداني بيستخدم لمناطق معينة في الوجه مش لكامل الوجه و كمان بيليق على الميك اب البرونزي اكتر لكن مش مع كل الانواع. يا جماعة الكريم التاني مش كريم اضاءة و بس ده تصحيح لعيوب البشرة كمان. شكلي غلطت اني اتكلمت عليه لانه لخبطلكم الدنيا خاااالص :qaq:

موضوع جميل بجد انا بستفاد كتير من الصفحات اللى فاتت ربنا يبارك فيكوا

ناني فيبس:
هو طبعا نفس الفكرة
لكن اكيد هيكون في فرق
بس بردوا الفرق هيكون بسيط جدا

لان فرق السعر مش بس ضايع في فرق الجودة
لا ضايع كمان في ان المنتج عليه جمرك ومصاريف نقل واستيراد بكميات قليله لانه معليهوش طلب عالي

خلاص اوكى نشوف بتاع نانى ونجرب
ربنا يخليكم يارب على مساعدتكم

هو الكريم اسمه لوكس مكتوب عليه كريم لوكس علبته لونها روز دة لما تحطي منه تحسي ان الدهون كلها اختفت
انا مجرباها انا وماما وبنحبه اوي في الصيف
هاتي العلبه الصغيرة وجربيه دي ب 1.75 بس


معلش على الازعاج بس بجد الموضوع ده تحفة انا مش عارفة ازاى انا فوت الجزء اللى فات على العموم انا مش هسيبه تانى ممكن تقوليلى يا نانى على الكريم منين يعنى هوه طبي من الصيدلية ولا ايه لانى بشرتى دهنية لكن انا مش بحب احط اى ميكب خالص انا بس برسم عينى وللاسف مش بعرف لانها بتسيح بسرعة ف دلونى بقي على حاجة تثبت ميكب العيون