بنات ساعدوني ماعندي خبرة في المحكمة

الله يكتبلج اللي فيه الخير حياتي .

و الله يعوضج ان شاء الله بكل خير ...

و يفرج عنج كربتج ان شاء الله ..

حبيبتي .... خافي على عمرج .. انتي حامل .. و لا تسوين جي بعمرج ..

الهم و الظيجه توتر الحمل و تؤثر عالنفسيه ..

و البيبي ماله ذنب ...

لا حول و لا قوة الا بالله


مشتكي عليج و انتي حامل !!!!


و الله يالغاليه ما اعرف في هاي الامور و سوالف المحاكم

الله يكفيج شر المحاكم يا رب


نصيحه لا تحرقين دمج بتضرين ولدج اللي في بطنج

تقبلي الامور و ارضي بامر الله

هيه حبيبتي اول شي بيدخلونج عالمصلح الاسري وبيكلمونج وبييبون ريلج وبيكلمونه بعد

وهم هناك بيحاولون يصلحونكم مع بعض ان شاء الله خير

نصيحة مني أكبر غلط اتسويه الحرمة انه تروح بيت اهلها انتي حاولي تكلمينه بالكلام الزين والحلو

ترى الريال كلمة توديه وكلمه اتييبه لاتنسين انج حامل وبيكون عندج بيبي فكري ويلسي مع

نفسج بعيد عن اهلج وربيعاتج لا تخسرين حياتج ولا تدمرينها تراج انتي الخسرانه لانه الريال ما

ينعاب لاتنسين هالشي وتذكري مصايب غيرج بتهون عليج مصيبتج ودايما لما تمر عليج مشكلة

ادرسيها وقيميها وشوفي السلبيات وابتعدي عنها ولا تقولين هذا ما في فايدة فيه وما منه امل

وعامليه بالحسنى اكيد بيحط في باله هالشي

خذيني مثال

انا اعامل ريلي باحسن ما يمكن بس هو ما يترس عينه شي لأنه الرياييل ما يترس عينهم الا الرمل

فيقارني بخواته وامه وهم في حياتهم ما مدحووني ولوبكلمة زينة ولو بالغلط لكن احتسب اجري

عند الله واكيد صبري ما راح يروح سدى وانا دايما اصبر عمري بانه في يوم من الايام بيعرف

جيمتي وغلاي واي مشكلة مهما كانت كبيرة ما حب اهلي يتدخلون فيها وما احسسهم بهالشي و

هذا يكبرني في عيون ريلي ...<< الظاهر اني قلتلج قصة حياتي وانا مو دارية

خبرينا شو استوى معاج وبنساعدج ان شاء الله ولايردج الا لسانج


مع خالص حبي

فشكـــــــــــــــولة

فشكوله صادقه يوم تحلين المشكله بروحج تحسين بها بس يوم تحلينها وسك اهلج تهون عليج كل الاشيا حتى ريلج يهون عليج و ممكن تغلطين غلطة عمرج

اكبر غلط تحلين مشاكلج بعيد عن ريلج و مع اهلج مهما كانت المشكله حليها و بعدين لو ما توصلتوا لحل و اتفقتوا على الانفصال تطلعين

ما يصير تطلعين و في بينكم مشكله لانها ما بتنحل

هذا مب موضوعج الغاليه


بس هدي اعصابج و تصرفي بحكمه مع الاصلاح الاسري

اه يا خواتي والله شقولكم تعبت وياه وتعبت وانا اتفاهم وياه وهو هو ما يبا يتغير ولا يغير افكاره والله انه شرير في كل افكاره .......... طلع علي رمسه مب زينه بس عشان يدعم موقفه وقالي بعد بقول حق القاضي فيج وفيج عشان مصلحته مع انه قالي انه واثق فيني --- صدقوني انا انصدمت في ها الانسان ما اتوقعت انه في ناس جذيه عادي يرمس عن حرمته ويقول كلام ماصار ...

وعلى فكرة احنا مانصحناج الا لانا نحبج ونخاف على مصلحتج ولا غيرنا بيقول احنا مالنا خص فيها وما نبى نعور راسنا مع وحدة حاطة شي في راسها وبتسويه واطبقه،، وكفانا مشاكل
وكلنا نمر بمشاكل لها اول ومالها تالي بس الذكي والفهيم هو اللي يطلع من المشكلة وياخذ منها العبرة عسب يتجنبها في المرات الياية

اختج

فشكـــــــــــــــــــــولة

تذكري ان المحكمة ما بتصدق اقواله الا بعد ما ييب الشهود اللي يشهدون على هالشي :angry:

وطبعا مابيحصلهم لانه بيطلع فشنغ يعني بلا صحة

وانتي احقريه ولا تلردين عليه لان الحقران يقطع المصران

نسيت اقولج يمكن كلامه مب اكيد وما اشتكى ولا شي انتي تاكدي من مصادرج

وبعدين لا تنسين ان المصلح الاسري بيساعدج اكيد المهم تفتحينلهم قلبج واذا كنتي تستحين اكيد

في وحدة حرمة بتساعدج

[grade="00008B FF6347 008000 4B0082"]يا الغالية .....
أنا راي من راي ختيه فشكولة العين ...............
اصعب فترة أتمر على أول ثنينه معرسين هي أول سنتين لأن كل واحد يحاول يفهم الثاني وهب قادر وأنتي يا الغالية ما مر على زواجج الا ست شهور وصارة هذي المشاكل ............
يا ختيه الحرمة المفروظ تصبر على ريلها لو شو ما يظهر منه وتدعيله أن الله يصلح حاله .................
سمحيليه في الرمسه بس شكلج كل ما ظهرت عندج مشكله سرتي وخبرتي أهلج وهذا أكبر غلط أتسوينه كلنا ياما شفنا من ريايلنا بس ما حاولنا أندخل أهلنا بالعكس صبرنا وتحملنا وحاولنا نصلح الحال...............
يا ختيه أنتي حامل ما فكرتي بولدج أمنواه بيربيه هلج لو تحملواج سنه ما بيتحملوانج العمر كله حاولي تيلسين ويا ريلج وتهدين الموضوع وصدقيني تر كل شي قادرة أتصلحينه وتغيرين بيديج ...........
ولا تزعلين مني الشاهد الله أني أعتبرتج مثل ختيه وحبيت أنصحج .................
والله يوفقج أنشاء
طمنينا عليج [/grade]

أنا لو ربيعتي في حالتي بنصحها بنفس الكلام الو قلتوه بس غير الانسان يوم يجرب الشي --- والله حسنه وحده ما شفتها فيه -- لا يتحمل مسؤوليتي ولا يهتم فيني وذا مرضت ما يسال عني وو و شقول بس ... الله يفرج همي

الله يفرج همج اختي ..

والغاليه فشكوولة العين ما قصرت والله ..

ولكن صدقيني بيي يوووم وبيتغير وبيحس انه غلطاان ..

ولا تنسين انج حامل ...

شو رايج ان ريلي لين كان بخييييييييييييييييييييييييييييييييييييييييييييييييييييل جدا جدا جدا

وشوفي مصايب غيرج بتهون عليج مصيبتج شوفي اللي ريلها سكير وخمير ومخدرجي<<حلوة

الكلمة عايبتني

و عدلته وسنعته ف 6سنين اتخيلي كل هذا وانا صابرة وانا قبل لي مرضت شغل السيارة وطلع وما يرد الا وانا نايمة وما يشيك علي اذا كنت ميته ولا عايشة وللحين مايعطيني بيزات واذا محتاية يقولي ابوج غني واخوانج اغنيا خلهم يعطونج شوي وهو عنده ما شاء الله بس كل شي بالسياسة
وكل شي مايي مرة وحدة STEP BY STEP يعني خطوة خطوة ومشوار الالف ميل يبدى بخطوة
ولا تستعيلين على رزقج شوي شوي ولا تصيرين حنانة كل شوي تزنين ترى الريال يطفر وانا اختج
والحين الحمدالله الكل يقول ريل فشكولة متغير في سلوكه في لبسه في كل شي صار يعطيني شوي حمد الله احسن من ولا شي

لا تنسين يلسي مع نفسج وبسسسسسس وفكري عدللللل ولفيها ودريها وحركيها بمخج وشوفي

على شو بترسين <<<<<<<<<<<<<<كل خوفي يعرفون شخصيتي ويزخوني ويقولون مصلحة اجتماعية وتحل مشاكل العالم
وبشوف شو سويتي وقررتي باجر الصبح
اختج

فشكولة

اهم شي تكونين قويه و ما تهارين و يكسب الموقف و يجبرج تطلبين الغلع و يطلع منها على البراد

اصري على موقفج و اذا لزم الامر احلفي انه قاللج هاللكلام و انه كلامه ما له مجال من الصحه

السلام عليكم ورحمة الله وبركاته

إستهدي بالله أختي

كل واحدة فينا شافت عيوب في زوجها...و ممكن ما يكون نفس الشخصية اللي كنتي تحلمي فيها

بس الحين الأمور تطورت

أولا بيجيكي منه طفل...و هذا شيء يربطك به طول العمر...يعني بينازعك عليه...و لما تخلص فترة حضانته بياخذه منك...و بتصير مشاكل لهذا السبب...و هذا الطفل بيعيش بدون إخوان و أخوات من أمه و أبوه...لأنهم منفصلين...بيكون له إخوان من أبوه...و إخوان من أمه بس :(

ثاني شيء...إنتي ما لحقتي أختي تقعدي في بيتك شهرين إلا رجعتي بيت أهلك...كان لازم تصبري شويه...الرجل لما تاخذيه ممكن تغيري فيه أشياء كتير...تغييرها ما بيكون في شهر أو إثنين...تغييرها بياخذ وقت أطول بكثير...

صحيح أهلك بيشيلوكي على كفوف الراحة...لكن قعدتك عندهم مش الوضع الطبيعي لك...

يمكن أرجع و أقول لك غلطتك إنك طلعتي من بيت زوجك...لكن هذا شيء مضى و صار

الحين شوفي في المحكمة شو ممكن يصير...واضح إنه الرجل لسه يريدك ( واللا ما كان تفكيره وصل للمحاكم )...و كان ممكن تزوج و ريّح نفسه و طلّقك و لا على باله...بس هو مش عارف يعبّر صح...يعني تعبيره عن رغبته إنك تعودي كان بأسلوب التهديد...و هذا أسلوب الكثير من الرجال علشان ما يبيّن إنه ضعيف

إنتي أختي في المحكمة ما تكابري أو تعاندي...فكري بعقلك شويه و بمصلحة البيبي القادم...و غستخيري الله...و شوفي هو شو موقفه معاكي...و خذي و أعطي في الكلام...يعني مش كلمة واحدة و تصري عليها بدون تفاهم...

سبحان الله و لا تعلمي...يمكن البعد غيره...و يمكن فعلا ناوي على الإصلاح...ياما أُسر صار حالها أحسن بعد جلسات المحكمة...

و دايما خلي ربّك في بالك...و إحفظي الله يحفظك...

بس ما تنسي تطمنينا عنك...ما تقطعي بينا زي كل مرة :)

توكلي على ربج................وادعي الله يهدي زوجج ويصلحكم مع بعض ان شاء الله

توكلي على ربج................وادعي الله يهدي زوجج ويصلحكم مع بعض ان شاء الله

الخوات ما قصرو انتي حاولي تكلمينه وتشوفين ساللي يبعيه بدون محكمه ويمكن رجعوك له يكون احسن انتو صار لكم فتره قصيره متزوجين حرام توصل الامور للماحكم واتمنى انك ما تدخلي اهلك او اي حد في مشاكلكم لان جذي تكبر المشاكل وماتنحل والله ييسر لك امورك يالغاليه .