حابه نصيحه من المتزوجات هل اشتغل ام لا

انتي ادرى بحالك وصحتك واذا كنتي شايفه انك ممكن تقدري تمارسي الامومة بكمال زي ما انتي متعوده مع انشغالك بالعمل لانوا بياخد من جهد الشخص فاشتغلي انا لسه مخلفتش بس حبيت اشتغل لان مواعيد زوجي متاخره فحبيت اضيع الوقت خارج المنزل ومش عارفة بعد ما اخلف ان شاء الله هيكون الوضع ايه بس حبيت ارد عليكي واتمنى اكون افدتك

مشكوره حبيبتي على مرورك

وانتظر الباقين

لان حابه اعرف هل اثر على امومتهم او نظافه البيت او علاقتهم بازواجهم

شوفي حياتي تبين نصيحة مني لج لأني وحدة متزوجة واشتغل بس أحس إن الشغل مخذ كل وقتي ... وما انصحج غنج تشتغلين لأن الشغل ياخذ من المرأة كل شيء وقتها وصحتها وزوجها ... كل شيء بتهملينه بحجة العمل والله ما أكذب عليك إن لولا ديوني والله كان من زمان قدمت استقالتي... وولدج بعد كبدج هل بتثقين إنج تخلينه مع الخادمة لوحده في البيت ... والله حاله المرأة عزتها في بيتها مملكتها ... هذا رأيي في الموضوع وفي النهاية إنت حرة... وإذا عندج وقت فراغ حاولي تشغلينه في أي شيء مفيد وممتع في نفس الوقت ... والله في الف طريقة تخليج تستفيدين من وقت فراغج.... ,وفي النهاية إنت حرة في إتخاذ قرارج.....

اختي اذا زوجك مرتاحه ماديا ومو مقصر عليك لاتشتغلين بالعكس اجلسي بالبيت وابدعي وتفنني ببيتك واهتمامك بزوجك وولدك والله يكتب لك الخير

فراشه الورد تسلمين على مرورج

انا فعلا تنقصني اشياء اقصد ضعيفه في اشياء مثل اللغه وماخذت دورات بشي افكر لو تميت فالبيت بحاول اشغل نفسي بتطوير نفسي

وربي يوفقج وين مارحتي

ام سليمان مشكوره على ردج وهذا اللي مخليني افكر اني اتم لان مو ناقصني شي بس تعرفين الواحد يمل من الروتيين .

بالتوفيق لج ياام سليمان

شوفي ياقمر نصيحتي لك وانا اختك انك ماتشتغلين
لانه فعلا تعب وتردين البيت وانتي تعبانه وفعلا لحضتها بيكون عندك روتين ممل الي هو الدوام

اتمنى اكون افدتك

مشكوره على رايج ياعروسه فهد
عارفه انها راحه وانا احب كل شي كامل بالتنظيف ومن ناحيه شكلي لكن اشوف الموظفات رفيجاتي دايم يقولون انه اريح للبال اللي تتم فالبيت تقعد تدقق وايد وتتعب نفسيتها تحاتي الزوج اتصل او لا طلعني او لا بس الموظفات شاغلين وقتهم ومن تجي تحط راسها وتنام

انتبهي تضيعين على نفسك فرصة الشغل..حلو الوحده يكون لها مالها الخاص حتى لو زوجها مو مقصر معها..من جد انتبهي تضيعين الشغل من يدك..انتي ماتدرين عن الظروف !!!
يعني وش بيضرك لما يكون عند دخل ثاني او مثلا افرضي بتجيبين هدية لصاحبتك والا شي مو معقوله كل مره بتقولين لزوجك عطني عطني ومو حلوة ترا وكمان هو مو مكلف بصديقاتك يشريلهم هدايا واشياء
هذا غير احساسك انتي بالاستقلالية وانك تقدرين على نفسك لو تغيرت ظروفك الزوجية لاسمح الله
اعرف وحده معلمة وزوجها تزوج عليها ماصبرها الا انها تشتغل وتقدر تفتح بيت خاص فيها وتصرف على نفسها ولاحست بالضعف ولاشي..يعني الواحد مايدري عن الظروف
وغير بعد اذا كان نفسك تتصدقين والا تساهمين بعمل خيري الاحلى يكون من تعب ومالك الخاص مو تاخذين من زوجك عشان تتصدقين
وغيره انتي بتحسين انك منتجه ولك كيان وتختلطين بالمجتمع مو جالسه في بيتك وماتدرين عن شي وترا الفراغ قاتل وممل
اما من ناحية تقصيرك في بيتك هذا راجع لك انتي ولشطارتك..كثير حريم يشتغلون ماقصروا في بيوتهم ..تقدرين تنظمين وقتك وكل شي بطريقتك الخاصه والي تشوفينه مناسب لك ولزوجك وابنك
ومااتوقع الشغل يكون عائق ابدا الا اذا انتي من داخلك تبين تحطينه عقبه لك
وقبل كل شي استخيري ..واذا ارتحتي لاتتردين في الشغل ابدا لمصلحتك ..والله يوفقك

أعتقد أنه يعتمد على نوع الشغل نفسه وظروفه

انا مع miss jo في كلامها حلو الوحده يكون عندها طموح وتشتغل حلو المرأه تكون طموحه ولها دخلها الخاض بالعكس عقليتها ما بتكون محدوده والشغل بيفيدها وايد فالحياه وهي اصلا درست عشان تحقق طموحها ودخلها الخاص بيفيدها في انها تشتري اشياء لها من الكماليات او بيكون زين تخليه للمستقبل بكره تفتح لها مشروع تحب تتاجر اي شي محد يعرف شبيصير مع الايام ولا يضمن المستقبل يمكن حتى تساعدين عيالك لما تكبرين وبالنسبه انك تهملين شكلك هاي يعتمد عليك قبل اي شي ترى في وايد حريم يقدرون يهتمون في شكلهم مع كل الظروف ويكون جنهم الطالعين من الكاتلوج او عارضات الازياء مع ظروف الشغل والعيال وفي يكونون من النوعا الكسول بالعكس انا اشوف انه قعده البيت تخليك تزيدين وزن وتتكسلين بس ممكن تستنين شوي يعني بعد سنتين تشتغلين لين ما ولدك يكبر شوي ويروح حضانه لو شفتي انسب لظروفك وجربي هالفرضه ولا تضيعينها .

حبيبتي نصيحة من اختك
اذا ما محتاجين ماديا ما تشتغلي
والله الشغل تعب وهم وصدقيني لو ما مضطرين بنقعد في بيوتنا
البيت هو مملكة المرأة و جنتها

اختي ماجده

نصيحه من اخت لاختها

لا اتفكرين حتى تفكير بالشغل:angry:

وخاصه ان ريلج مش امقصر عليج ( الله يدوم هل شي ويسخره لج ولعيالج)
لانه مش بس ياخذ من وقتج ياخذ من روحك ونفسيتك:sad:

يعني ترجعين مااالك نفس اي شي

سألي مجرب:sad:

شوفي اختي انا راح اعطيك الشغل بالنسبة لي

انا اشتغل متزوجة بس ما عندي عيال ( الله كريم)

بس الشغل لوايد ساعات ما يصلح لي لاني راح اكون كله تعبانة

فحاليا انا اشتغل مدة ساعة او ساعة ونص بالكثير وارجع البيت

وشغلي سامحين لي اداوم باي وقت ارتاح فيه وهذا شرطي معاهم

اما غير كذا فلا طبعا

صراحة اختي نصيحة اجلي الموضوع

لان ابنك صغير و شكثر ما حاولتي تعدلين بين الشغل و البيت راح يكون صعب

و دامك مو محتاجة ماديا اجلي الموضوع لحد ما يكبر ابنك و يعتمد على نفسه

بصراحه الموضوع نسبي إ عندك مشغله بالنسبه لشغل وقت الفراغ ليش ما تسجلي بنادي أو تكملي دراسه أو دورات في أشياء كثيره

او تحفظي قرآن ليش هو ملىء وقت الفراغ بس بالشغل .؟؟؟؟

حبيبتي مادامج مب محتاجة للشغل نصيحة لا تشتغلين .. و اسألي مجرب
أنا و ريلي نداوم من الصبح لين العصر.. و نرد شقتنا تعبانين و مالنا خلق لشي.. و طبعا ما اقدر اطبخ حقه و أحسني وايد مقصرة وياه بكل شي.. مع انه عاذرني بس شو فايدة الزوجة عيل
و الحين أنا حامل ومب عارفة شو بسوي في البيبي لأن دوامي ما يساعد أبدا
صح حلو الوحدة يكون عندها راتب و مستقلة ماديا.. بس صدقيني ما يسوى التعب و صدعة الراس.. خلج مرتاحة فبيتج أحسن لج..
و إذا كنتي تحسين بالملل ممكن تاخذين دورات أو تشتركين بالنادي .. الإحساس بالملل أهون ألف مرة عن الإحساس بالتعب