اللي زوجها متزوج ثنتين تدخل

اختي روح الاطلس

انا لا قذفت ولا حددت

انا رديت على العمووم وانتي ماحددتي انوا هذي قصتك انتي وانا تكلمت بالمجمل بصف عامه

والحين شي وارد وكاثر في مجتمعنا للاسف العلاقات بين الجنسين وبعض البنات الله يهديهم مايراعون ولا يخافون على انفسهم ولا يهمهم بنات النااس<<<نااس يعني زوجته الاولي
ولو تشوفين قسم المشاكل راح تلاقينه مليان من هالحالات لاحول ولاقوة إلا بالله

وانوا يحب على زوجته ماقصدت يحبها لازم لكن يحب وحده غير زوجته وهي مش زوجه بعد


وبصفه عامه برضوا بدون تحديد ليش مايحب زوجت الاولي

ماظن رجال بيظل مع زوجته وعندهم اولاد مثلا او يستمر زواجه لسنوات وهو مايحبها !!! مهما كانت الظروف
والزوج الثاني والثالث له شروط واحكام ياقلبي

لكن نناقشه في موضوع ثاني

لان بنكون شطينا عن الموضوع


اختي انا ماحكمت عليك لاني ماعرفك واكيد ماااعرف ظروفك والي فهمته انوا بالعموم ومثال لزوجه ثانيه تتزوج عن حب
انا تكلمت بشكل عام وانتي فهمتي غلط

هذي حياتك والله يهنيك فيها والموضوع اساس مو كيف تزوجتي ولكن كيف عايشه الآن وعلاقتك بالزوجه الاولي


اختي الغاليه ام شجاع

معلش سامحينا شطينا عن الموضوع واايد

بس الان اصلا الرد كان شاطط

السموحه يالغاليه

وربي يوفقك ويسرلك امرك

ماراح ننساك ان شاء الله من دعائنا :)

اهلين باحلى العرايس
ام شجاع الله يجازيها بالخير طرحت موضوع ساخن كل مرة ادخل اقرا الردود بصراحة الموضوع حلو واكيد تدخلاتكم بتغنيه اكثر واكثر وبنستفيد من بعضنا


عزيزتي white rose
لاانكر انه بجيني فضول اشوفها وما اكدب عليك في البداية كان يجيني فضول اكثر حتى الحين شخصيا ماعندي مانع التقي فيها ابدا بس اشوف انه الحين احنا طيبين واعتقد لو انه زوجي عرف انه الامر هدا في صالحنا كنا سويناها من زمان لكن اعتقد انه هي مو راضية مرتاحة في الوضع هدا شخصيا لا يمكن اضايقها بامر ابدا هي ليها وضع خاص جدا وانا شخصيا احترمها واحترم خصوصياتهاواقول مادام احنا طيبين الحمد لله


عزيزتي اصيلة الاحساس
نقطة جوهرية اثرتثيها وهي انه احيانا تلاقي الزوجة الثانية تعتقد انه هي احسن من الزوجة الاولى
شخصيا عندي راي في الامر هدا بداية انه الاعتقاد هدا يتولد عند الزوجة الثانية ياامانتاج قناعاتها الشخصية او انه الزوج يقول لزوجته الثانية عيوب زوجته الاولى وديما ينتقدها فتصير تشوف نفسها عليها

مع العلم انه لو كانت الزوجة الثانية مثلا اجمل لازم تقتنع انه الجمال نسبي شي بروح انه يبغالها تنمي حاجات ثانية وخصال بشكل موازي دون النظر الى انها احسن من الزوجة الاولى لانه ادا كانت مثلا الثانية اجمل فالاولى حباها الله بصفات ثانية هي ممكن تفتقدها
ثاني شي اعتبر انه عنصر المفاضلة هدا بيولد شعور بعدم الارتياح عند الزوجتين فالافضل كل وحدة تحاول تبحث عن راتها الداتية وتريح زوجها دونما تسبب اي اشكال سواء من قريب او من بعيد للزوجة الاخرى ولتعلم انه كلما كان مرتاحا في بيته الاخر كلما كان مرتاح معاها ايضا تحط في اعتبارها انه هدفها رضى زوجها مو انه كل وحدة تدخل في علاقة صدامة مع الاخرى احنا مو في حرب

من تجربة شخصية زوجة زوجي نقول عنها سماحة الشيخ هدا لقب زوجي يقول زوجي ليها لما يتكلمون عن موضوع ديني المسالة هده معروفة عند اهل زوجي كلهم هي ماشاء الله عليها في الامور الدينية موسوعة الامر هدا ما يزعجني كل واحد وتخصصه وانا الحمد لله بحضر دكتوراة في تخصص ثاني صحيح باخد شهادة لكن احترم فيها عصاميتها انها وصلت للمستوى هدا بالقراءة الجادة سنوات طويلة ولا زالت وهدا في صالحي بيكون حتى لي دافع للاطلاع اكثر
اسفة اطلت انا ادا حطيت اصبعي على كيبورد حكتب صفحات حمشي اكل شي شكلي جوعانة اقولكم تشربون شاي ولا حليب ولا عصير اي سندويتش تحبون انا في الخدمة خبيرة وجبات سريعة تامرون امر


ياله جهزوه طلباتكم اروح انفد بس لا تقولون شي تلزمه ساعة حتى اجهزه هههههههههههههههههههه

هههههههههههههههههههههههه

اختي حنونه ماشاء الله عليك دايم كلامك حلو ويثري الموضوع

دايم يقولون العلاقه بين الزوجات تعتمد على الرجال

انا اشوف العكس لو كل زوجه مثل ماقلتيى اهتمت بحياتها وراعت ربي في الاخري بيكونوا مرتاحين

بس تبين الجد الي من هالنوع الي يبي راحة البال ومايدور مشاكل قليل جدا

للاسف بعض الزوجات الثانيات يعتبرون هم الاحسن ومثل ماقات الاخت تشوف حالها

وان هي الي يحبها وهي الاصغر و .. و .. الخ

تشوفي حالات كثيره للاسف الزوجه الثانيه تعني دمار او تميش الاولي وعيالها بعد

وصدقيني من الى اشوفه مش من فرااغ


من جد الاغاليه ام شجاع فتحت لنا موضوع ثري ويخلينا نشوف وجه ثاني للحياة


وجيبيلي معاج سندويش جبن لو سمحتي وياريت تكثريلي الخس والطماطم والازم منو وتووصي

خخخخخخخخخخخخخخخخخخخخخخخخخخخخخخخخخخخخخ


بالعافيه عليك :)

3lia-3:
الله يعينكم والله
أنا أموت من القهر بس إذا فكرت في هالشي.. كيف إذا عايشته... و الله صعبة

إي والله..:(
انا معااها في اللي قالته ..:)
مجرد التفكير ماقدررررر..

وهذا انا ماني متزوجه ..
بس أحس اني ماقدررررررررررر..

بس الله يهنيكم .. ويسعدكم ..

مشكورين يا بنات

اختي اصيلة الاحساس اعتقد ان الاخت حنونة كفت ووفت

احبه وقلبي احسه بيوقف لما يجلس معاها لكن شنو اسوي اصبر
واحب عياله وايد لانهم من ريحته ومالهم ذنب
لكن من يقدر
الحمد ه لله على كل شي

أصيلةالإحساس:
بصررررررررررراحة ،،،
الناس قدرات،،، وانتوا ابدعـتـــــــــــــــــــــوا بالصبر والطيبة ورقي اخلاقكم،،،

بس والله مستحيل اتخيل ان لي ضرة لا اولى ولا ثانيه،،،:angry:

بس صـــــــــــــــراحـــــــة،،،
ماشاء الله عليكم قويات بصبركم وطموحكم والله ينول كل وحدة اللي في بالها ياااااااااااااااااااااااااااااااااااارب،،،

واهم انكم راضيييييين عن نفسكم امام الله ==> نبع السعاده

تحياتي لكم

فتون 123

ذكرتيني بحالي والله

بس الله يعينج ويعين كل اللي ردوا ويعيني يارب

عاد أنا غيركن جميعا" ، فأنا الزوجة الثانية وعندي منه بنت عمرها الآن سنتين وأربعة أشهر و لكنه لا ينام عندي حتى الآن ،،
يعني مضى نحو ما يقارب الأربع سنوات من زواجنا وأشوفه بشكل شبه يومي ولكن لا ينام عندي في الليل رغم معرفة أهله عني وكمان أهله للآن ما شافوا بنتي ؟ إتخيلوا ؟ ما بيعرفوا بنتي اللي هي إبنتهم ؟ رغم انه والدته لازالت موجودة ولكنها رافضة زواجنا حتى الآن ودائما" بتطلب منه انه يطلقني وأنا أستغرب منهم ؟ فأنا من بلد عربي آخر و هم من الإمارات وأنا بحالي وهم بحالهم ؟! والله أنا احترت و مللت من سلبية زوجي ؟ يحبني ويموت علي ولكن ما في تطوير بالعلاقة ، يعني مثل كانه في السر؟ هو مش بالسر ولكن لا يعدل معي !!
مللت هالعيشة والله يعينني على هالحياة ،،،،
دائما" مشاكلي معاه على هالموضوع فقط ـ يعني احبه وأحب انه ينام عندي ولو حتى مرة واحدة بالاسبوع ولكن هو دائما" يوعدني ولكنه لا يتغيّر ابدا" ،،،
ادعولي وادعوله يابنات ،،،

عبورا الله يعينك على مابتلاك ويعدل حالك يارب
عاد انا قلت مو خارجه الا لما اشارك ومع اني مو متزوجه بس بشارك
الوالد متزوج حرمتين انا بنت الاولى
والحمدلله اللهم اديمها نعمه ساكنين بفيلا واحده هي بدور واحنا بدور وسواق مشترك بس متفقين تمام ومافي اي مشاكل
بس مافي زيارات كثير
كل شيء رسمي

عبورا ليش ما تحاولين تكلمين احد كبير من عايلتج او عايلته ويكون عاقل حتى يكلمه بهالشكلة

لانها اكيد تاثر على مشاعرج من ناحيته

الله يعينج على بلواج

الله يعينك عبوراا ...هذي مشكله ان الواحد يتزوج بدون رضى اهله ...

والله ماشاء الله الموضوع حلو ...واحس مناقشاته تفيدنا الله يعطيك العافيه ام شجااع

ومن ناحيه ان الزوجه الثانيه تشوف نفسها مااعتقد ...بس احيان الزوج يقول السبب اللي خلاه يتزوج على زوجته فطبيعي ان الزوجه الثانيه تحاول تحقق له هالشي وتتفادى اغلاط الزوجه الاولى وهالشي يخليها الافضل وطبعا اذا الرجال عادل ماراح يبين هالشي حتى لو كانت الافضل بس طبعا بيكون له الاثر في نفسه

متابعه معكم (:

صح لسانج يا ام سليمان

ويا هلا فيج بينا

للرفع

الله يعيينكم صراحه يارب لاتبلينا شي يقهر والله .

مشكورة ياللي رفعتي الموضوع

انا مب متزوجه بس احس اني لا يمكن ارضى اني اتزوج واحد متزوج ..

يالسه اقرأ مواضيكم وافكر ومقهوره ..

بنات انا ريلي ملك على وحده ثانية وبنكر عندي انه مو متزوج شو اسوي الله يخليكم انصحوني وعندي خمس عيال وعمري 27 سنة .... واذا متزوج شو يعني يكرهني

بنات ردوووووووووووووووووا بسرعه علي مشكلتي وووووايد تعبانه من الموضوع شو اسوي ريلي ينكر انه ملك على وحده من اماره ثانية .... شو اسوي هل اتطلق منه ؟ اووووووووووو شو اسوي .... واذا كان متزوج هل هذا معناه انه يكرهني........ ووووايد مقهورة ..وبصراحه اذا تزوجها خلاص ما اقدر اعطيه حقه الشرعي لان ياخذه من غيري شو شو اسوي

آنه البابا متزوج زوجة ثانية ..والماما الزوجة الأولى والزوجة الثانية إلا اهي زوجة أبوي حدهاا استغفر الله حقيرة وتتعمد تخلق المشاكل بين أبوي وأمي رغم امي طيبة وعلى نياتهاا .. لدرجة حتى لو مب يومهاا تجئ لعندنا لعند باب بيتنا وتطلب منه فلوس .. الماما طبعا تحاول تتغاضى على هالشئ لأنهاا سخرت نفسهاا لنا بعد زوجهاا ولتربيتنا والحمدلله الكل يشهد على الماما في تربيتهاا .. ودائما أبوي يقول لأهله صج عيالهاا ربتهم واحسنت تربيتهم .. وذلين العيال اللي الواحد يفتخر فيهم جدام الناس ويرفعون الرأس بعكس زوجة ابوي اللي عيالهاا مب متوفقين في الدراسة ..وطول وقتهم برا البيت في المجمعات .
ومعلومة ثانية حبيت اضيفها ويمكن تستغربون منها الماما غااية في الجمال وأحلى بكثير من زوجة ابوي وزوجة ابوي تعاني من عاهة.. وحده شكلهاا اللهم ياكافي وكان رافض بالبداية يتزوجهاا بس اهي وعائلتهاا ماشاء الله تخصصهم أعمال الحسد والشعوذة الله يبعدنا عنهم آمين .