اللي عندها خبره في الحياة (رجاء جاد مابي زوار ابي ردود)

اختي الفاضلة انا مع البنات في ارائهن ولكن هنالك سؤال هل هو رافض فكرة العمل مطلقا ام عملك في المستشفى؟
بارك الله فيك ووفقك

مثل ماتوقعت انكم ماراح تردوني ولا تبخلون علي بنصايح من قلوبكم
صدقوني انا رايي من رايكم بس حبيت اخذ منكم المشوره لأنكم بمقام خواتي والله يشهد على كلامي وانا بكلمه وبقوله اني ماني موافقه واني ماراح اتخلى عن اهلي
حبيت اقولكم اني سبق وخبرته عن ظروفي وظروف اهلي واني مااقدر اتك شغلي وبعد ماقلت له عطاني اقتراح السنتين يعني هو مايخفيه عني وعن اهلي.
بس على قولتكم انا اطلع اهلي امي وابوي وخواتي ومستحيل بإذن الله أتخلى عنهم وواثقه ان رب العالمين ماراح يتخلى عني وهو عالم بنيتي لأن الله ماخلقنا لكي ينسانا سبحانه وتعالى

السلا م عليكم بارك الله فيج اختي تذكري ان الباقيات الصالحات
خير وابقي وانتي عشان تضحيتج صدقيني ان الله بيعوضج خير
وبر الوالدين يجيب الرزق وتفريج الهموم مهما كانت اللي قام يشترط
من قبل الخطبه وابوه متدخل في كل شي من الحين شلون بعد الزواج
يمكن هذي خيره والله الهمج انج تستشيرين قبل الفاس ما طيح بالراس
ويمكن بعد ربج يرزق ابوج في لمح البصر ( وفي السماء رزقكم وما توعدون)
وانتي الله يجيبلج ولد الحلال اللي يسترج ويسعدج يااااااااااااااااااااااااارب
وتحياتي لج واتمني من كل بنت تكون بعفتج واخلاقج ورجاحت عقلج
الله يبارك فيج ويفتحها عليكم من اوسع ابوابه وهو الرزاق الكريم

السلام عليكم ورحمة الله وبركاته

هلا بك أختي

شوفي بقول لك على أشياء لاحظتها من كلامك...

كلم اهله وطبعا ابوه رفض رفض قاطع إنه مايدخل بيتنا إلا وأنا تاركه المستشفى وإلا ينسى الموضوع .
الولد سوا مشاكل مع أهله عشاني وأبوه عند رأيه حتى قال للولد إنه لو صار فيه نصيب بيننا ان ولا احد من عايلتهم يعرف اني كنت اعمل في مستشفى.

و ما دخل والده بموضوع عملك ؟؟؟؟؟؟؟

أنا شايفة إنه والده هو المصر و المتحكّم ( من الآن ) في موضوع العمل...و هو ليس من شأنه...موضوع العمل هذا يكون بينك و بين خطيبك...تتفقوا عليه حسب حالتكم المادية و حسب ظروفكم...ما أعتقد أي أحد يحق له التدخل فيه

و الخطيب هل فهمتي منه سبب رفض ( والده ) لفكرة العمل ؟ و هل هو ( مؤيد ) لمبدأ والده أم أنه ( لا يقدر ) على أن يعترض ؟ لأنها تفرق كثييييييير في الحالتين ...

و إذا كان الولد يعرف من البداية إنه والده سيقف له في عمل زوجته...لماذا إختار إمرأة عاملة ؟ و من يضمن الحل ( السحري ) اللي هو قدمه لك...إنه بعد سنتين ( والده ) سيوافق على عملك ؟

و إفرضي ( لا سمح الله ) تأخرتي في الحمل و الولادة...هل تظلي في البيت تنتظري يحدث حمل و ولادة حتى تستطيعي النزول لعمل ؟

بصراحة...وجهة نظر هذا الخطيب و أسرته لم تقنعني أبدا...



ثانيا بالنسبة لأهلك...الله يديمك ذخر لهم...بس سؤال...لو تزوجتي ( مش شرط هذا الشخص ) معناها لازم يكون شرط على زوجك...و هو أن راتبك يذهب كله لأهلك...حتى تحققي حلم والدتك في الحصول على بيت ملك...

من هو الشخص الذي سيوافق على هذا الشرط ؟

أغلب الأزواج ترضى بعمل زوجاتها على أساس أنها ستساعد في البيت أو في الإيجار...لكن صعب عليهم يتقبلوا فكرة أن زوجتي تعمل لكي تجيب بيت ملك لأسرتها...

لذلك فكري في هذه النقطة جيدا...


و أتمنى من كل قلبي ربي يرزقك الزوج الصالح...و ينعم عليكم ببيت ملك ترتاح فيه الوالدة إن شاء الله :)

مستحيل اتخلى عن اهلي لو كنت بمكانج ..

[COLOR="Red"]اولا سلام يا غاليه

تانيا انتي طلبتي احكم باني احط نفسي مكانك بالنسبه للعمل ما ادري من جد مستغربه هم عندهم العمل الطبي عيب ولا حرام سبحان الله

انا لو مكانك بالنبه للعمل ما راح اترك عملي ابدا وبالذات ظروف الوالد اللي قلتي عليها وصح ماحد محصل وظايف[/COLOR]

والرجال مالهم امان عشان اتخلى عن امي عشان رجال .

عين العقل كله الا الام

بصراحه انا لو مكانك انسان مستعر هو واهله من وظيفتي من غير وجه حق والله ما يلزمني هدا بعدين اش حيسوي؟

هذا الاختيار ابتلاء من الله ياعزيزتي, الجأي الى الله واستخيريه, واسأليه وادعي انه ييسر امورج, ويسخر قلب ابو الزوج لج. ادعي ربج من كل قلبج انه يسهل الامور اذا كان الخير في هالزواج, اما اذا لا, فتوكلي على الحي القيوم. هو العالم بعباده
لكن لاتتخلي عن هلج, عسى الله يعوضج بانسان يقدرج ويحبج بكل مافيج ويمون سند لج ولهلج

هذا الاختيار ابتلاء من الله ياعزيزتي, الجأي الى الله واستخيريه, واسأليه وادعي انه ييسر امورج, ويسخر قلب ابو الزوج لج. ادعي ربج من كل قلبج انه يسهل الامور اذا كان الخير في هالزواج, اما اذا لا, فتوكلي على الحي القيوم. هو العالم بعباده
لكن لاتتخلي عن هلج, عسى الله يعوضج بانسان يقدرج ويحبج بكل مافيج ويكون سند لج ولهلج

كل كلام العرائس صححححححححيح

اختي الغالية: نصيحتي لج انسي الموضوع واهتمي بشغلج واهلج والله بيعوضج خير ان شاء الله , وابي اهمس في اذنج همسة محبة لج وناصحة انج لاتعطين مجال لاي شخص يفتح موضوع مثل هذا في الشغل لان انت في الاخير امراة عاطفية راح تحنين وتتعاطفين معه فالله الله بنفسج ياوخيتي انتبهي لنفسج بالستر والعفاف والله بيعوضج بالزوج اللي يجيج بيتج ويخطبج ويقدر كل الظروف و هذي حصلت كثير من واقع تجربة للبنات المستورات في شغلهم خاصة شغل اللي فيه اختلاط والله ان الرجاجيل اكثر شئ يعجبهم في المراة سترها وانت مستورة وفيج الخير كل رجال يتمنى يرتبط بامراة مكافحة زيج الله يعوضج حبيبتي

لا تتركين وظيفتج ولا تتخلين عن اهلج يا قلبي عشان انسان انتي ما تضمنين بقية عمرج وياج

والله بيعوضج باللي احسن منه

وربي يوفقج دنيا واخره ويرزقج الزوج الحلال

هلا اختى صبر ...شكلج ما شاء الله عاقله ...ومش متسرعه ...اذا انتى مجرد اعجاب بينكم ...يعنى مو حب وكلام فاضي ....وانتى تعرفين ان اهلكك معتمدن عليكي بالبيت ...طبعا لزم تفكرين مليون مره ....لان انتى ودخلك اساس البيت ....ومن وين بيعشون خلال السنتين ؟؟؟ ومن يضمن الشغل على قولتك الوظائف صعبه جدا ...الا بالواسطات ....واهله ليش معارضين فكرت شغلك ...جد غريبه الكل يشتغل هذي الايام وهذي مستشفي !!!

عموما فكري جديا بالموضوع ؟؟؟وصلي الاستخاره

وفعلا اختى ترا الريال ما ينظمن هذي الايام ....كم وكم خذوا بعض عن حب وفي الاخر طلاق وغيره من البلاوي ...من يظمن لج الشغل عقب ؟؟ صعب الواحد هذي الايام ما تنفعه غيره شهاده وشغله

والله يوفقج يارب

مرموم:

السلام عليكم ورحمة الله وبركاته

هلا بك أختي

شوفي بقول لك على أشياء لاحظتها من كلامك...



و ما دخل والده بموضوع عملك ؟؟؟؟؟؟؟

أنا شايفة إنه والده هو المصر و المتحكّم ( من الآن ) في موضوع العمل...و هو ليس من شأنه...موضوع العمل هذا يكون بينك و بين خطيبك...تتفقوا عليه حسب حالتكم المادية و حسب ظروفكم...ما أعتقد أي أحد يحق له التدخل فيه

و الخطيب هل فهمتي منه سبب رفض ( والده ) لفكرة العمل ؟ و هل هو ( مؤيد ) لمبدأ والده أم أنه ( لا يقدر ) على أن يعترض ؟ لأنها تفرق كثييييييير في الحالتين ...

و إذا كان الولد يعرف من البداية إنه والده سيقف له في عمل زوجته...لماذا إختار إمرأة عاملة ؟ و من يضمن الحل ( السحري ) اللي هو قدمه لك...إنه بعد سنتين ( والده ) سيوافق على عملك ؟

و إفرضي ( لا سمح الله ) تأخرتي في الحمل و الولادة...هل تظلي في البيت تنتظري يحدث حمل و ولادة حتى تستطيعي النزول لعمل ؟

بصراحة...وجهة نظر هذا الخطيب و أسرته لم تقنعني أبدا...



ثانيا بالنسبة لأهلك...الله يديمك ذخر لهم...بس سؤال...لو تزوجتي ( مش شرط هذا الشخص ) معناها لازم يكون شرط على زوجك...و هو أن راتبك يذهب كله لأهلك...حتى تحققي حلم والدتك في الحصول على بيت ملك...

من هو الشخص الذي سيوافق على هذا الشرط ؟

أغلب الأزواج ترضى بعمل زوجاتها على أساس أنها ستساعد في البيت أو في الإيجار...لكن صعب عليهم يتقبلوا فكرة أن زوجتي تعمل لكي تجيب بيت ملك لأسرتها...

لذلك فكري في هذه النقطة جيدا...


و أتمنى من كل قلبي ربي يرزقك الزوج الصالح...و ينعم عليكم ببيت ملك ترتاح فيه الوالدة إن شاء الله :)

:sad:

رفاعية و النعم:
لو كنت مكانج مابوافق على هالشروط
يعني اهلج شنو بيكون مصيرهم
و انتي شنو يضمنج ان هالزواج بيتم ؟؟

و من بدايتها ابوه شكله يتدخل في كل شي يعني انتي الحمدالله تشتغلين في مستشفى مب في مكان مب زين و الشغل مب عيب ... و انتي ليش ماقلتيله عن الظروف و ان انتي متحمله كل هالمصاريف ؟؟ حق يعرف و يقدر الوضع

انه من رايي دام من البدايه جذي في حلين
يا اما يوافقون على شغلج
او
هالزواج ماله داعي

و الله يوفقج و يكتب لج اللي فيه الخير و الصلاح لج و لعايلتج ان شاء الله

بسم الله الرحمن الرحيم
انا راح احط مكاني بمكانك
وراح اقولك وش راح اسوي
بصراحة الموقف مررره صعب
خصوصا اذا في حب بينكم
بس الاكيد الاكيد ان الزواج سنة الحياة
وما بدومين لاهلك
واخرتك بيت زوجك
يعني حتى لو ضليتي راح تضلي لمتى وانتي مع اهلك ؟؟
ومثل ما ربتك امك بتربي اخوانك ان شاء الله
بس انتي اذا ما مقتنعة بشروطه لا توافقي
واذا كان بيتكم راح يتهدم فهذا شي ثاني
وكمان حطيه امام الامر الواقع
قوليلو امي بحاجتي واذا تبيني اتزوجك واترك العمل حدد مبلغ شهري للوالدة
يعني حتى بعد الزواج يصير يعطيك مبلغ كل شهر هذا اذا يبي تتركي عملك
انا عمي اتزوج وحدة وهي في مثل ظروفك
دكتورة وقال ليها تتركي العمل وافقت بس بشرط ان كل شهر يحدد ليها مبلغ لامها واخوانها
اتمنى من الله عز وجل يساعدك
وكل ثقيلة على العبد خفيفة على الله
الله يوفقك

rose2006:
اول احب ادعي ربي انه يهديك الى ماهو خير لكي ولاهلك

انتي قلتي حطي نفسك مكاني او اخت تنصحينها
اختي الغاليه انتي البيت قايم على الله ثم عليج ولو توقفت عن العمل بينهدم كل شي اخوانج البيت امل امج الله يطول بعمرها
وبالكفه الثانيه انسان يحبك ولكن ابوه رافض شغلج ولايبي احد يعرف ان انتي كنتي تشتغلين بمستشفى ؟؟؟؟!!!!!!!
شنو يعني هذا؟؟؟؟ كل الي رااح خلي بس كلمت انه مايبي احد يعرف هل مستحي؟؟ هذي اوله عيل شلون لو تزوجتي ؟

انتي كلمي وحاولي معاه وشرحيله الوظع كامل واذا قبل الحمدالله اما اذا لا ......
نصيحتي انج تتأنين ليس بفكرة الزواج..بل الزواج من الشخص هذا الي يبي يسوي الي ابو يبي مع احترامي اختي الانسان هذا دام مشى كلام ابو من الاول ماراح تردين لشغلج ولا بعد عشر سنين .
ودام انتي فكرتي بامج واخوانج ربي بيرزقج الي احسن منه والي يقدرج ويقدر حبج وتفكيرج باهلج .

وهذا رايي وان شاء الله البنات بيفيدونج اكثر
أختك
أم زهراء

حبيبتي الخوات ما قصرن و انا اقولج انه ريال مثل هذا ما بيسعدج و المفروض ما يسمع كلام ابوه اذا هالشي مب عيب و لا حرام و انتي تشتغلين و تصرفين على اهلج اللي مالهم بعد رب العالمين غيرج انتي
و الزواج قسمه و نصيب و انشالله بيخطبج اللي احسن منه و اللي يقدر ظروفج و يساعدج و يوقف يمج بعد

الله يوفقج حبيبتي

الله يفرج همك ويوفقك

هلا الغاليه...

الله يعينك و يسر امرك و يفرج همك...

الغاليه بكلمك كأخت....

اذا تنازلتي عن الشغل من اول طلب طلبه...

راح تتنازلين عن اشياء وااااااايد بعدين....

هو اختارك و انتي تشتغلين...

يعني هو يحب المرأه القويه الطموحه...

اذا تركتي هالشئ عشانه....

خلاص هو بعد بيفقد الشئ اللي خلاه يرتبط فيك...

بدون ما يدري ما بيحس فيك بنفس الشخصيه اللي اختارها....

قولي له الزواج قسمه و نصيب...

اذا تباني انا ما بترك الشغل.....

ما تباني الله يرزقني بالزوج الصاله و كل شئ قسمه و نصيب....

يعني بيني موقفك بكلام واضح و صريح...

مب مبهم و كانك محتاجه...

يعني لا تقولين و الله انا نفسي ارتبط فيك بس تدري عشان اهلي....

ابدا لا تقولين و تبينين انك ضعيفه....

و بعدين بصراحه ما فهمت ليش ابو الولد مستعر من الشغل!!!!!!!!!!

احنا نفتخر....و انتي كوني واثقه في نفسك....

و اتمنى من كل قلبي ان الله يرزقك الزوج الصالح...

اللي يسعدك و يهنيك...

و استخيري الغاليه....

باختصاار لان البنات ماقصرووا -
انا لو مكانك - مستحيل اترك شغلي مستحيل
تبيني مثل مانا - خذني
ماتبيني عشان ابووك مايحترم وضعي الوظيفي - اسمح لي اللي خلقني خلق رزقي وان شاء الله مايكون رزقي ونصيبي انسان مايحترم عملي وكياني
لاتقدمين تنازلت من الحين - صدقيني بكره مايبقى لك الا وظيفتك - صار ماصاار وابتلشتي بزوج عاطل او اصبح كذلك بعد الزواج - او ترملتي ( وهو برضو امر جائز ) صار له شي - انفصلتوا !!
كلها اموور تخليك تحتاجين لوظيفتك - وبعدين ليه مايبوون موظفة في مستفى او طبيبه ؟؟
امرهم عجيب هالعالمين - بس تاكدي ان فيه نااس كثير يحترمووون المراه العامله - وخاصة اللي تشتغل في القطاع الطبي -
مالك الا تستخيرين ربي - والله يقدم اللي فيه الخير
ومعليش اللي خلقه خلق غيره وانا اختك - لاتتشربكين في عواطفك - فكري بس بعقلك واولويااتك حبيبتي 0
والله ييسر لك ويسعدك ياربي