كل يوم أموت من الداخل...والسبب زوجي...

الله يهدي سرج ويخلي زوجج ما يشوف غيرج ويخليلج ولدج وزوجج

الله يعينج حبيبتي.. ماأحس في شي يقهر الوحدة أكثر من تطنيش ريلها..
حاولي تغيرين فيه شوي شوي لإنه شكله اتعود على هالأسلوب وياج لأنج ماحسستيه من البداية انه أسلوبه غلط وياج..
ليش ما تحاولين تتفاهمين وياه و ترمسينه بالموضوع لأنه في رياييل خصوصا اللي ما عندهم تجربة قبل الزواج او ما عندهم خوات مايعرفون كيف يتعاملون ويا حريمهم و الله يوفقج.

مرحبا حبيبتي :shy:

صراحة اثر فيني كلامج وايد وحسيت باللي انتي فيه...
حبيبتي بحاول افيدج باللي اقدر عليه..اول شي ببدأ فيه اهله.. طنشييييييييييييييييييييهم يا حياتي وباين عليج ذكية
يعني ممكن تحرجيهم بطيبتج وبحبج لهم طنشي الشييين اللي يطلع منهم وكوني انتي الاحسن وخلي قلبج يعطي بدون
حدود..وخذي لامه هدية ولاخته بعد وحسسيهم بنفوسهم المريضة شوي ...وشوية كلام حلو منج للام والاخت ممكن
يغيرهم وتقربي للاخت مثلا قوليلها شي على انه سر بس هوه مب سر طبعا وفهميها انه هي القريبة منج اللي حابة
انج تبوحين لها ..اطلعوا مع بعض في زيارات او طلعات للسوق...والله انا وخوات ريلي مثل الخوات ويمكن اكثر
وعمرنا ما زعلنا من بعض ونتشارك بكل شي...جربي المشاركة وياهم يمكن تنفع ويحسون انه لهم قيمة عندج..

بالنسبة للزوج..لا تقصرين معاه في الاعمال المنزلية بكل انواعها ..مو بس عشانه عشانج انتي لانها بتم عليج عليج
ولازم بتسوينها والا تتراكم عليج.. اما بالنسبة للمعاملة لااااااازم تتغير خففي من الهدايا او حتى اقطعيها بالمرة..لانه
هو متعود عليها واكيد رح يفتقدها ... واذا يت مناسبة وتذكرها وقال غريبة ما في هدية قوليله ...اووووه تصدق
عاد نسيت سبحان الله والله ما كانت حتى على بالي..طبعا اختاري عيد ميلاده ويوم زواجكم..هذوله اهم شي
صدقيني لازم بيتاثر حتى لو ما بينطق.. اهتمي بنفسج عادي واكشخي دووم بس حسسيه انه مب حقه هوه ..مثلا اذا
رايحة عند اهلج او صديقاتج..واذا بالبيت حاولي ما تحتكين فيه او تقعدين معاه ولا تسولفين وياه غير اذا هوه يسال عن
شي او انتي بتسالين عن شي...وانشغلي باي شي بوجوده...
ظلي على هالحال لغاية ما هوه بنفسة يسالج شو اللي غيرج.. وخلج مصدومة وقولي كيف يعني انا ما تغيرت ولا شي..
انا اسوي اللي انته تحبه..طبعا بيستغرب ..قوليله انته من النوع اللي ما تحب الهدايا وسوالف الحب وخفت اضايقك بها
فقلت خلني مثل ما تحب... اذا قال ليش ؟ قوليله ترا انته بعد تسوي معاي نفس الشي.. وانا ما زعلت توقعت هاي طبيعتك
صدقيني رح يتأثر..
طبعا عزيزتي لا تنسي الدعاء والصبر ...وتعوذي من ابليس كل ما طرا على بالج الانفصال..
واتمنى لج كل التوفيق (f)

مساء الخير للي يقرا ردي بالليل
صباح الخير للي يقرا ردي الصبح

السلام عليكم :)

حبيبتي حالتج تذكرني بحالتي قبل كنت مثلج
والله كأني مو متزوجه معلقه مادري شنو طبايع هالريال اللي عايشه معاه اسلوبه حده متناقض
يعني حياتي حدها ممله
بس صدقيني طنشي سوي اللي يرضي ضميرج وخليه بس حاولي تلهين نفسج بشغله وحسسيه انه هالشغله اخذتج منه ولدج مثلا دوامج واذا ماكنتي تشتغلين دوري شغل المهم انج تلهين عنه شوي بس لاتهملين نفسج بالعكس شعللي غرايزه بلبس وبعطر يننيه باللبس والحركات وتغلي يعني كشخي وكل شي واذا دخل من بره قوليله تصبح على خير حسسيه بالندم انه تأخر بره انه بعد عنج مااقولج رديه اذا كان يبي حقه منج بس يعني تغلي شوي
اهله خلج زينه وياهم امدحيهم جدامه رفعيهم لي السما عشان اذا تكلم جدامهم وقالهم كلامج يمكن يستحون قولي ياحلو اختك ياطيب خالتي معاي يخجلني مرات جد اعتبرها مثل امي اخذيهم على قد عقلهم وصدقيني بتكسبين لاتقهرين نفسج وصدقيني راح تضحكين اذا مرت السنين تقولين صج كنت مهتمه بشغله مالها داعي

الله يوفقنا وامة محمد اجمعين

ويهدي ازواجنا وازواج المسلمات

ويرزق كل بنيه ولد الحلال والذريه الصالحه

تحياتي

ان مع الاخوات طنشــــــــــــــــــــــــــــــيه
احسن حل ....... بسعاد لا تزودينها