هل اتزوج رجل متزوج

سمراءالسودان:
الله يوفقك بس صراحه ومن غير زعل انا من راي عاشقه شانيل وانا عن نفسي يستحيل ابني سعادتي على تعاسه امراه اخرى ويكون يوم زواجي اسوأ يوم في حياة غيري
بس انتي مو ملومه ومالك ذنب اذا مقتنعه فيه يا اختي اسالي عن سبب التعدد وياليت يكون سبب صادق ومقنع واالله يوفقك

فعلا كلام الاخت لاتبنين سعادتج على تعاست غيرج والصراحه تتعذبين ان وافقتي لاتكولين خوش رجال وماكو منه بهذا الزمن لو فعلا جذي كان مايبحث عن أمرأة أخرى هذا لايعرف معنى الوفاء مهما كانت مساؤ الزوجه الاولى لايجرحها ويتزوج عليها وخلي انتي نفسج بمكانها لو انتي زوجته وتزوج عليج ان كان سبب مقنع اوغير مقنع ماهو ردت فعلك وانتي بعدج لسه أصغيره والعمر كدامج لاتخطين خطوه تندمين عليها انا أختي عمرها 29سنه وتقدملها متزوج ومطلق ورفضت والله لو تعرفين ليش رفضت كال لها كلام مقنع الاسباب بس عندما سألت عليه طلع زوجته الاولى مسكينه لاتوجد اسباب لكي يتزوج عليها حتى طلع غير مطلق والسبب في أصرار زواجه الثاني من أهله فأنتي ياحبيبتي فكري زين والدنيا بعدها كدامج عيشي كل ايامج بسعاده لاتعيشين بقلق ويه واحد متزوج وان شاء الله اكون أفدتج تراني تكلمت معاج عن تجارب مره من صديقاتي وأقاربي
وماعلى الرسول الا البلاغ المبين وبعد الباقي عليج شوفي اللي يناسبج

احس ان بعده العمر جدامج ......... وايد تأخرو في الزواج.....
أنا ما انصحج تتزوجين لأنج بتخربين بيت ناس تخيلي لو ابوج عرس على امج كنتي بتزعلين......لو تحبين تبنين سعادج عى تعاسة غيرج فتزوجي.....

اختي الله يدلك على الي فيه خير لك في اخرتك ودنياك

عزيزتي

انتي ماراح تسوين شي غلط وبالعكس الي يعدد ويتزوج على زوجته في وقتناااا الحاضر دليل على انه محترم ويخاف الله لانه لو يبي الحرام ماراح يتعب نفسه لان بنات الحرام والهوى منشرات بكل مكان
هو ماراح يسوي شي غلط شرع الله وانتي ربنا يعينك وحتى لو ربنا تمم موضوعك وتزوجي هالرجل تأكدي انك لو صبرتي واحتسبتي الاجر من الله عزوجل راح يريحك في حياتك وراح تحسين برضاااا مو طبيعي

اختي العزيزه

انا متزوجه رجل متزوج وانا الزوجه الثانيه والحمدلله الله رزقني رجال الكل يحسدني عليه ولله الحمد والشكر رجال طيب ويخاف الله صحيح راح تسمعين كلام من الحريم وراح يدقونك بالكلام في اي مجلس تقعدين فيه بس احتسبي الاجر من الله وماعليكي من احد سوي الي انتي مقتنعه فيه

استخيري الله في الزيجه هذا وربنا راح يدلك على الي فيه خير الرسول قال ماخاب من استخار
اليوم قومي الفجر على الساعه 3 وصلي الخيره اذا قمتي الصباح مرتاحه توكلي على الله وربنا راح يعينك وماعليكي من كلام الناس وكلام الحريم لانه كلام فاضي هذا شرع ربنا شرعه ولاتنتظرين رأي احد شوفي انتي وش تبين بالضبط وربناااا يوفقك ....

إن شاء الله نبارك لك قريب ياااااارب .

يابنات وبالأخص المتزوجات ليش تخربون على البنت خلوها تستخير ر بها وتتوكل على ربها ،،،،،،،،،،ليش يعني انتو تزوجتوا وعايشيين حياتكم وسعادتكم ،،،شو يعني إذا الوحده تزوجت واحد متزوج وبعدين ليش إذا الريال حب يتزوج وحه ثانيه قلنا مافيه خير يعني لين متى يصبر على عيوب زوجته الاولى ،،،هي لوكانت زوجه بمعنى الكلمه كان ما فكر زوجها بوحده ثانيه غيرها ،،،وبعدين إذا هو كان مافي خير جان طلقها ،،،،بعدين حسوا في البنات هي عمرها 27 كيف تقولون بعدج عندج وقت ،،،،يعني حلوه يوم البنت ماتعرف وين تودي بمشاعرها ويمكن تقع في الحرام ....لا والله خليها تستر على نفسها وتستخير ربها (ماخاب من أستخار )بسكم غيره يا متزوجات...

عليج بصلاة الستخارة يا ختيه ............
أستخيري واذا الموضوع كان فيه خير لج بيقدمه رب العالمين ...........

و الله يوفقج ان شاء الله و ييسرلج اموورج ................

هلا أختي... حطي نفسج مكان الزوجة الأولى واتخيلي ريلج يدور وحدة ثانية ها شو شعورج الحين .ز على العموم كيفج استخيري وشوفي الله شو كاتبلج

بصراحة شيء صعب بس انا مارة بهاذي الظروف ومتزوجة من واحد مطلق وله طفلة عمرها 5 سنوات
والطفلة كانت مع امها بس يوم درت انه بيتزوج وبيعيش حياته قالت ليش ما ارجعلة بنته وانكد عليه
وعلى من يابته المهم البنت انا ما قدرت اتقبلها ابدا لا هي ولا امها
وامها بعد ما تبغيها الحين
والبنت الحين عند يدتها ام ابوها تربيها وصدقيني حالها اصعب عن حال الايتام والله
عندها ام و ابو بس كل واحد لاهي بحياته ...
انصحج بالاستخارة...

اتركيها على رب العالمين وصلي وادعي من كل قلبك اهم شي انك لا تستعجلي لانو اذا استعجلتي بتندمي كتير حاولي انك تشوفيه وتدرسيه وتعرفي كل شي عنو

السلام عليكم ..

وأنا بعد أقول لك مثل الأخوات جزاهن الله خيرا توكلي على الله ..هو أرحم الراحمين ..أرحم علينا حتى من نفوسنا ومن رحمة أمهاتنا .. مترفع إنه يشرع شيء فيه تعاسة للناس أو فيه شقاهم ...اللي بيضيق صدره من شرع الله ترا من قلة ايمانه ومن حبه للدنيا الفانية ..وما في أحلى من إنا نسلم الأمور كلها لرب العالمين ..

وفقك الله ويسر أمورك ..

اول شي استخيري ربك وثانيا ما فيها شي اذا صرتي الثانيه اذا الريال يبيج وشاريج وعلى قولتج ونعم الرجال لو انا فثوبج على طول وافقت لانه لو خذيت واحد معرس يمكن يكون افضلي من غيره اللي مو متزوج وهذا رايي فيه واهم شي الاستخاره والاستشاره

نصيحة لاتبنين سعادتك على تعاسة غيرك حطي نفسك مكانها ترضين

انا ما اشجع الا اذا طلع بالزوجة الاولى عيوب ماتتصلح ولا تحتمل

ويمكن نزوة


وكل الرجال اول مايخطبون وش حلاوتهم وبعد الزواج تطلع البلاوي

والمشاكل انا اقولك ابعدي عن الشر وغنيله

الحين ابسالك ماتخيلتي زوجته ومبين انها صغيرة يعني وقع الصدمة اكبر عليها

وش دراكي انه مايطلقك بعد الزواج او يتزوج عليكي

ابتعدييييييييييييييييييييييييييي عن الزواج هذا


كلامي هذا وجهة نظر اذا حبيتي خدي فيه واذا ما حبيتي بكيفك
عقلك براسك وتعرفي خلاصك

والله انا ما الومج بس انتي ليش تبين تتزوجيه ادا ما في احد يتقدملج غيره استخيري لكن انا اشوف ان اللي ترضى تتزوج واحد متزوج وزوجته مش مقصرة معاه هدا بس يحسب ان التعدد بس انه ياخد وحدة وثنتين وثلاث بس في النهاية الضحايا الحريم والعيال انتي شوفي ليش يبى يعدد وكمي انت مب ياهل يعني عمرج يساعدج تفكري وتقرري انا ما شفت في حياتي وحدة ما خدة ريل وحدة وسعيدة راحعي حبيبتي قرارج وساللي اللي رياليهم معددين وانتي اختاري والله يوفقك

حبيبتي فكري منيح بالاول وشوفي الزوجة الاولى وتحدثي معها لانو اذا هي موافقة واتفقتي انتي واياها كمان احتمال تكوني مرتاحة اذا وافقتي ع موضوع الزيجة لو اني ما بحب تعدد الزوجات
ويا ويلو زوجي لو صار عاملها الله يخليه الي والله يوفقك حبيبتي

للاسف بعد الردود مالها داعي هي تطلب مشورتكم يا بنات خليكم محضر خير .. اتقوا الله ..اتقوا الله .. اتقوا الله..يعني كم وحده متزوجه من رجال ماله غيرها سعيد وهي سعيده اقولكم لالا والف لا .. اعرف وايد ناس موه سعيدين في حياتهم يعني عايشين مع بعض عشان عيالهم بس .. هي وقفت على انه اساس المصايب والتعاسه من الزوجه الثانيه او الثالثه او الرابعه .. ولا الموضوع وقف على الجنس هو ملكي وانا ملكه .. اعذروني على صراحتي وهذا هو الواقع بالفعل ..

انا انصحك يا اختي إنك تستخيري وما خاب من استخار ...... وان اراد الله خيرا يوفق ويجمع بينكم

في كثير اخوات ردودهم كانت غريبه في كثير حريم ما يحبون زوجاتهم او عايشين معاهم بس عشان العيال وهاي من الواقع حتى لو كانو صغار فالسن او ما في تفاهم بينهم لعده اسباب ولو الاخت شافته مناسب تتوكل على الله هي اليوم لها الفرصه تتزوج متزوج او اعزب لكن لو قلنا بعد 7 8 سنوات من اليوم بتصير فرصتها عالاغلب الارتباط في متزوج او مطلق او ارمل لانه اللي من سنها وما تزوجو بيكونون طدا نادرين في وحده اعرفها عمرها حوالي 35 او 36 سنه وسترتبط في واحد متزوج قالت انه صعب تلاقي اعزب في سنها ولكن هي اشترطت ان يخبر زوجته الاولى وللاخوات اللي قالو انها حتنبني سعادتها على تعاسه الغير من قالهم ان كل المتزوجات وزوجهم ليس متزوج غيرهم سعيدات في بعضهم عايشين حياه تعيشه جدا هذا غير الخيانه الزوجيه المنتشره اكيد هو ما فكر فالزواج وفتح بيتين وتكفل هالمصاريف لاسباب والله يوفقك اختي ونبي نسمع منك اخبار .

ردي هذا بناء على تجربتي الخاصة .. متزوجة واحد متزوج .. بعدني بالعشرينات وفارق السن بيننا معقول .. شايلني على راسه اهتمام ودلع وحب وكل طلباتي مجابه .. بس تبغي الصدق ؟ انا مو سعيدة !!! دايما حاطة في بالي ان اللي زوجها لها وحدها مرتاحة أكثر مني على الأقل عارفة ان الحب والمشاعر لها كلها ومو مكررة ... حتى لو كان راح يحبك ومايحسسك بأي نقص راح تظلي تشعري بالنقص .... هذي تجربتي ولكن استخيري ربك وعسى ربك يكتب لك اللي فيه الخير

أنصحك بعدم الزواج منه بعدك صغيرة والفرصة أمامك .. وأعرف بنات تزوجوا رجال غير متزوجين وهم في الثلاثينات من أعمارهم .. ما راح تحسي بمتعة الحياة الزوجية لأنه كل لحظة راح يراودك شعور بأن حياتك نسخة من حياة وحده ثانية انتي باخيارك رضيتي تعيشي نفس حياتها .. كيف بتعرفي ان كلامه وأفعاله وتصرفاته معك غير مكررة مع امرأه أخرى انتي الى الآن ما تعرفي ليش يريد يتزوج عليها ..راح تحسي بالنقص صدقيني لأنك أكيد بتقارني نفسك بصديقاتك وقريباتك اللي مو متزوجين رجال سبق لهم الزواج .. ورح تسألي نفسك أنا شو ذنبي ما أحس بأن كل فعل وكل كلمة وكل هدية من زوجي هي لي أنا من دون كل النساء .. من واقع تجربتي الشخصية .. ولك حرية الاختيار

اهم شي تستخيرين ربج ورااحة البــال ...

وربج ما راح يضيعج

فيه مثل قديم يقول لو فيه خير ماعافه الطير وهذا الرجل لو مرتاح مع زوجته ما دور علا غيرها وتخسر لن الزواج مسؤليه انا زوجه ثانيه ومرتاحه جدا جدا بس مافي حياه من دون مشاكل وحتى الي عندهم زوجه وحده تصير بينهم خلافات عادي هذي الحاي وصحيح بتسمعين كلام بلبدايه من الحريم بس ردي بهلمثل الي به خيلر ماعافه الطير هههههههههههههه بس اصبير بلبدايه بتصير مشاكل خصوصا 3 شهور الولى بس تحملي ولا تنسين انك المفضله بنسبه له بس لازم يراعي الاولى مثل الرسول صلى الله عليه وسلم كان يحب زوجاته كلهم بس السيده عائشه كانت غير