راضية بحكمكم علي..............

السلام عليكم بنات شلونكم

باقولكم قصتي

وابيكم تلاقون حل لمشكلتي

انا وزوجي نحب بعض الى درجة الجنون

ولما تزوجنا زوجي ماكان يشتغل

وانا كنت أدرس Translation English في الجامعة

بعد 3 أسابيع بالضبط أتصلوا في عشان يسوي مقابلة وماكان راضي يروح بس انا ماخليتة سوا المقابلة وربي وفقة في وظيفة الكل يحسدونة عليها

المهم

واهو دايما كان يفسحني بس في حدود مناطق القريبة

وللعلم مارحنا شهر عسل

بس كان عادي عندي لأني عارفة ماعندة شي حتى نسافر فلوسة كلهم خلصوا في العرس

ووعدني اذا أشتغل بانسافر

بس ما نفذ وعدة لي للحين

المهم حملت وترجيتة نسافر قبل ماأولد لأاني اذا ولدت بانشغل بالبيبي

وقالي انشاالله ماطلبتي شي وعينكم ماتشوف الا النور
عارفة باتقولوا هذا ماعندها سالفة غير السفر

باقولكم السبب انا قبل ماتزوج كنت على جد حالي

وكنت عايشة وسط أسرة متفككة لأبعد الحدود

وحالتي النفسية دايما في الحظيظ

بس زوجي قبل ما أنتزوج أهو اللي خلاني احب الحياة أكثر ومتعلقة فيه لأبعد الحدود
[line]

المهم

وطلب زوجي اني اخلي الدراسة وعشان عيونة خليتها
ولو طلب عمري باعطيه

يعني جاعدة في البيت 24 ساعة ماعندي شغل ولا مشغلة


طبيعة عمل زوجي اسبوعين في الدوام واسبوعين اجازة
وانا طبعا لما يكون في الدوام ماتحرك من البيت

ولما يجي يجعد في البيت مايطلع

واذا بانطلع ياخذني كم لفة في المنطقة ونفس اللفة نسويها كل مرة

والله العظيم زهقت دايما اكلمة في الموضوع ويتضايق فسكرت عالموضوع

ياناس ودي ارتاح ودي اطلع مليت والله

هالموضوع مأثر على نفسيتي

افهموني ولا تحكموا علي بقسوة انا انسانة لي مشاعر مو اثاث في البيت

وصار لي كم شهر اقولة ارجوك نفسي أشوف البحر
وكأني ماأتكلم

وقبل كم يوم وصلنا خالاتي الى مطعم عالبحر
ورفض لا نطلع مع ان امي قالت لي خلي ولدج عندي وروحي تمشي مع ريلج وكان بعد ساعة بيسافر عندة كورس وطالعت في بنظرة ترجي عشان يوافق ورفض

ارجوكم ردوا علي

أسفة طولت عليكم