الي تبغي الزين لها ولبيتها ولريلها تتفضل والكل بيتخبرج عن ريحتج الخنينه

jnoon2003;7971348:
هلا اختي ام خلافي ايه انا اشهد على مخلطاتج والله ما عليها حاجة روعه انا اخذت منج دهن عود الحجر كان اكثر من رئع ولسى استخدمه بس في المناسبات استخسر استخدمه في الايام العادية بس حق طلعاتي اخاف يخلص هههههه وطبعا مخلط فزاع ووووايد روعه خسارة خلص بسرعه ههههههه وهالمرة اذا جيت الامارات اكيد باخذ منج مرة ثانيه هلعطورات الاصيله الله يعطيج العافية

ام عبد العزيز

الحــص;10311785:
رسالة شكر وتقدير اوجهها لاختنا الغاليه توته الحلوه ام خليفه
الي ما شاء الله تميزت بشغلها الي يشرف بنت الامارات والتاجره الاماراتيه الخلوقه
ومثل ما عودتكم وعودتها كل سنه يوم اروح القريه اصور محلها الحلو
الي ما اقدر اقاوم عمري فيه يعني لازم اشتري
طبعا انا زبونه دايمه عند اختي ام خليفه انا وبنا ت الدوام
اليوم عزمنا انسير القريه وطبعا اول قريه دخلناها القريه الاماراتيه لانها كانت في ويهنا
وعاد انا شاله الكاميرا مالتي اتقولون صحفيه
خخخخخ
وصلنا محل اختنا توته وجان احصل الرفيق الي واقف قلت له ممكن اصور
جان يقولي ما شاء الله كل البنات يجي يصورخخخخ
الظاهر ام خليفه محبوبه عند بنات المنتدى ويصورن ولا شراتي

هاويات التصوير
طبعا قبل لا اصور يلست اتشمشم العطورات لاني
قلت لربيعاتي انا الاول بصور وعقب بنشتري
خونن فيه وانا يالسه اجهز شفتهن ابتدن قلت
منو يقول انا بفتتح
الموهيم
كالعاده الحجرالاسود في راس القايمه خذت منه
لي ولاخويه لانه موصني قالي يا ويلج ان ماخذتي لي
وخذت مخلط عروس حلو من الخاطر
وخذت عطر مدمنه عليه السحريه والله يابنات انه رهيب
وانا واقفه ين بنات وعلى طول قالن للبنت الي واقفه
حطي لي 4 السحريه من دون ما يشمنه فعاد ربيعتي الملقوفه
قالت لهم شموه الاول جان ايجعمنها قالت لها لاعندي منه وباخذ زياده
هههههه قلت لها احسن وشلج اترزين ويهج
جان اتقول هاه عليه طلب يعني خلاص انا بعد باخذه لقافه

وشي كريم مثل ريحته حلو لشنطه خذته ب 40 سعره حلو

وخذت مخلط ريانة العود حلو للعبايه وربعتي خذت مخلط غلازايد عيبها اكثر عن ريانة
وطبعا من دون منافس الدخون الملكي قلت للبنت حطي لي 6 غراش لان الوالده
الله يطول بعمرها تبغي اتوزعه على الحريم الي ياين من الحج
وجان اتقولي 6 وحليها مب مصدقه اتقول شو بلاهن يايات
منهدات جذيه
ولا ربيعتي تتصل في امها واتقولها الحص خذت لامها 6 غراش حق الحجاج
جان اتقولها ابغي انا بعد 4
والا البنت اتقولنا ماااااااااشي خلص اتريوا لين صلاةالعشاء بييبون الكرتون الثاني لان على
ايام العيد زحمه وكلشي يخلص بسرعه ونحن متفيجات يايات من عقب صلاة المغرب

ههههههههههه نحاسه
اوانا اشوف كيس فيه غراش دخون حول 10 غراس عاد يالسه اوايج فيه سالتها هذ ا مش الدخون الملكي

قالت هيه بس هذا انباع لوحده وخلت الكيس هنيه بترجع
واشتغلت اللقاقه قلت لها عطينا اياه لين ايبون لج الكرتون الثاني
قالت لا ما اقدرانا خذت قيمته وحليها امينه
الصراحه

وخذت بزار العام ماخذه منه وخذت منه هالسنه
وربيعاتي خذن ويايه
من قلت لهم حلوهالبزار للطبخ خذن منه انا انفع للدعايه والاعلان
ولازم يا ام خليفه اتحطين لي هديه في المحل عشان لما امرج المره اليايه اخذها يبت لج زباين
بنات القسم كلهم
روحتهن العطور وقلت لهم يالله سيروا اتلاحقوا خذوا من عند ام خليفه شغلها غاوي وفنان وما عليه كلام
اووووووووووويه
نسيت يا بنات
خذت العود المعطر الملكي لا تفوتوووووووووتونه خطييييييييييير بمعى الكلمه خذت منه 2
بس شو ريحته غرااااااااااام على قولة العوامر
وربيعتنا الثانيه خذت مخلط ميره حلو بس انا خشمي امتزر من العطور ما قدمت افرق
قلت لها باجر هاتيه وياج الدوام عشان اشمه مره ثانيه ما قمت اميز

بس شغلكم حلو والتمر الي في محلكم حلو بس ما يبتوا لنا دلة القهوه لزوم بعد التمر
والبنت الي عندكم في المحل شكلها اتعقدت منا وعقب ما خلصنا
قلت لها لو سمحتي بصور
جان اتقولي صوري
وانا كرك
كرك
كرك
وانا طالعه رشت لي عطر الشيخه في الورقه الصغيره وعقيتها في الكيس يوم رجعت البيت ريحة الكيس اتيين طلعت من القرطاسه
مالت الدعايه ومكتوب على الورقه عطر الشيخه
قلت منو يقول
يااااااااايتنج يام خليفه باخذه وبسوي لج دعايه عليه
حلو حلو وفاتني ما خذته
واندوكم الصور ايدي عورتني من الهذربان

sho0oq212:
السلام عليكم

اشحالج اختي ام خلافي؟؟؟
حبيت أقولج اني مريت محلج البارحة وخذيتلي من العود المعطر الملكي ودخون جميرا والصراحة رووووووعة ... البنات اتخبلوا ع الريحة ... شفت الكل يمدح شغلج في المنتدى فقلت خلني أجرب والحمدلله ما ندمت ... وكل ما يخلص باخذلي منه

موفقة أختي

فطمطم;10885478:
السلام عليكم ورحمة الله وبركاته
بما ان القريه قربت اتسكر ابوابها
قررت اسير مره ثانيه لان الايام الاخيره اتكون واااايد زحمه
افضل وقت الساعه 5 انا سرت عقب صلاة المغرب بس الزحمه استوت على الساعه 8 تقريبا
الي بتسير تتشرى اليهال اتيلسهم في البيت احسن لهم ولكم
وحطيت لكم صور مشترياتي واحب ان يكون فيه تفاعل في الموضوع وكل وحده خذت شي حلو وعلى القيمه اتحط صورته هنيه او اتخبرنا من اي مكان عشان نلحق ناخذه قبل ايام الزحمه
بحط لكم مشترياتي
نبدا بالقريه الاماراتيه محل ريانة العود للتجاره امخزنه الاسم في موبايلي عشان ما انسى
وهي اخر قريه سرت لها لانها عند بوابه 3 ومتعنيه للاخت ام خليفه (توته الحلوه)
وخذت عنها مخلطات رووعه انا زبونه دايمه عندها بس اطلب من خلال المنتدى وسرت لها عشان اكتشف اشياء يديده وبالفعل ما ندمت اني سرت لمحلها لانه يستاهل العنوه بس ما صورته للاسف مب شاله كاميرتي ويايه ولا كان ودي افاجا توته الحلوه

كنت ابغي اخذ الدخون الملكي والعود المعطر الملكي وللاسف كان مخلص ما شي عندها لاني سرت الاماراتيه متاخره
بس خذت دخون ام الشيوخ ودخون فزاع وايد عيبتني ريحة ام الشيوخ هاديه وتثبت

وخذت مخلط عليا ومخلط الحجرالاسود عاد هذا ما استغنى عنه لانه حلو ومركز
وخذت ميره وسيوف ريحتهم بارده وسعرهم حلو ميره 60
وسيوف 50 عطتني اياه بارده
وعرب زايد اول مره اروحه وظهر خبااااااااااال من الخاطر 120
والمخلط الخاص والسحريه لاختي لانها فديتها موصتني عليهم ان سرت عند ام خليفه اخذ لها مخلطاتها المفضله وكانت تبغي الدخون الملكي وما حصلته:(
والمخمريه مال الشعر رهيبه وعطر الفراش ب 70 وكريم الجسم ب 40 حلو لليد حق الشنطه

يعني ما خليت شي في خاطري وبصراحه ما قدرت اقااوم قلت دام اني هنيه باخذ احسن على ذوقي
وخذت هالشنطتين وحده لي ووحده لاميه فديتها ب 150 الحبتين من عند ام خليفه بعد
وحطيت اغراضي الي شريتهن من ريانة العود خذت فيها وانا امشي سايره صوب السياره وقفني حريم قالن لي من وين هاي الشنطه مال الدلال قلت لها في محل ريانة العود وكان الوقت متاخر قلت لها اكيد سكروا الحين وحليلها الحرمه اتقول انا من العين كيف ارد اخذها ودخلت خاطريه قلت لها خذيها فديتج عاد ذكرتني بيدوه الله يرحمها واتلومت اني ما عطيتها رقم ام خليفه تتصل بها على الاقل وبطرش لها اكيد

مالت اميه يديده بكيسها

وما قصرت البنت الي تشتغل وجزاج الله خير يا ام خليفه من قلت لها اني من المنتدى سوت لي خصم

ودعواتكم لي ان الله ايسر لي اموووري

بنتي احلى بنية;8849142:
بصراحه بخور ام خلافي غيييييير والكل يسألني ويسأل اختي عنه ومره طلبت علبتين من البخور الملكي عشان اذا خلص ما اتوهق تسلم ادينها(f)