بنات فديتكم ساعدوها .. اعرفكم ما تقصرون ..

اتمنى الله يوفقها

ماحبيت اطلع بدون ما ارد

ان شاء الله البنات يقدرون يساعدوك

انزين الوالد ماله رأي في هالموضوع

اخوانها خواتها على الاقل هم اقرب لها يحاولو يكلمو الوالدة والوالد او يكلموا اخوانها وهم يكلمو امهم

يعني تتصرف تشوف احد يكلمها اذا هي تستحي ترا ماشي حل اما انها تكلم والدتها او تخلي احد يكلمها بس بهدوء عشان ما تعصب الوالدة وتصمم على رايها يكلمونها بشكل مقنع ان زواج البنت ستر واذا هي موافقة ما نوقف في طريقها والزمن ما نعرف شو بيصير فيه وان النصيب اذا راح ما يرجع ومن هالكلام الطيب والمنطقي

مثلا الخال ممكن يكلمها بحكم انه خال البنت واخ الوالدة يعني بالمختصر المفيد لازم تدخل طرف ثالث بس طرف يكون له كلمة على الوالدة وتحترمه

والله يوفقها بس خليها تتشجع وتكلم امها

انا اعاني من نفس المشكلة

وصابره لين اتكمل هالسنتين

خلي خواتها يكلمون والدتها او حتى وحده من خالات البنت ...

ومو مشكله يقولون لها الحين خطبه او ملكه والزواج عقب الدراسه والله يوفقها يارب ويوفقك

يمكن االام تبي البنت تخلص دراستها الاول وتكون متفرغه لدراستها وبعدين تتزوج وتحس انه بنتها بيجيلها نصيب احسن بعدين هي رفيجتج كم عمرها وفي اي سنه فالجامعه الحين ؟ يعني لو كان لين الحين صغيره 18 19 وتوها باديه احسن تنطر شوي لكن لو كان عمرها مثل 21 22 فهالعمر حلو تنخطب لو لقت حد يصلحلها لو هالبنت عندها خوات اكبر منها وشافت واحد تقدم لها وحسته مناسب خليها تكلم خواتها يكلمون امها او خالاتها او اي حد وتقول لامها انه مهما صار هي حتكمل الجامعه وبتخلصها و وبتشد حيلها فهالدراسه وانه في بنات متزوجات يكونون مهتمين فالدراسه ويخلصون اسرع من البنات اللي ما تزوجو وتكون تقديراتهم اعلى لانه يكونون مستقرين فحياتهم وانه لو كانت فرصه زواج وايد زينه يمكن ما تتعوض بعدين في وايد بنات تفكيرهم نفس ام رفيجتج ما يحبون يتزوجون الا بعد التخرج خصوصا انه في بنات يتخرجون صغار 21 او 22 او عالاقل في اخر سيميستر عشان قوانين بعض الجامعات عندنا والغياب وصعوبه الدراسه بس لو هي تبغي هالشي الله يوفقها وعموما محد ياخذ الا نصيبه والله يوفقها ويوفقج ان شالله يا بنت بلادي .

مشكوووورين بنات ما قصرتوا ... انا باقول لها علي قلتوا و بشوف ...


هي عمرها 20 ..

لا حرام كذا تقطع نصيب بنتها ماتضمن الأم انه يجي احد يخطبها اذا خلصت الجامعه..وبعدين البنت اذا كثروا خطابها وترفضهم مب زين وينعكس عليها هالشي وبرضوا هالشي يفتح المجال للناس انهم يحكون..
وبعدين مافيه حياء بين البنت وامها تروح تقول لأمها انا قد المسؤليه واقدر اتزوج وافتح بيت لاتوقفين في نصيبي..او اذا كانت البنت لها احد مقرب من خالات عمات ممكن تخليه يحكي مع امها بأسلوب ناصح وانو من مصلحتها الزواج والستر وزواجها مو مضمون بعد الجامعه والنصيب جاء ولاتردونه ومن هالكي..خصوصا اذا كان الرجال ماينرد وفيه كل المواصفات ومو ضروري الزواج يصير الحين ممكن خطبة مبدئيه واذا صارت خطبة بتقتنع الام وبتروح سيطرتها بهالموضوع وبتزوج البنت..
والله يوفقها ويوفقك ويستر عليها ان شاءالله وينولها الي ببالها

يسلمووو بنات و في انتظار الباقي ....


؟؟؟؟