سؤال لبنات ديرتي مملكة البحرين؟؟؟؟ صج هالخبر

يقولون اشاعه الشيخه بس مايندرى؟؟

:qaq:

السلام عليكم ورحمة الله وبركاته
بقول ليكم معلوماتي عن هالخبر والله أعلم
أني وحدة في الشغل كانت تسألني عن أخباري ويا الحمل
فسألتني وين بتولدين
قلت ليها للحين ما قررت
قالت لي أهم شي مو تروحين التخصصي حق كيران
لأن بنت خالتي ماتت بنتها أثناء الولادة
والسببب خطأها لأن كان كتف الجاهلة معترض أثناء الخروج وكان لازم ترجعها وتخليها تعتدل بعدين تصير الولادة أوكي
بس هي أصرت على المرة أنه تواصل دفع فماتت الجاهلة
وكان المفروض أنه عندي موعد عليها 6/2
بس كنت أبغي أأجله 8/2
اتصلت المستشفى أقول ليهم
قالت لي الريسبشن انه الدكتورة ماخدة اميرجنسي ليف
وما ندري متى بتجي
ويوم الموعد ردوا اتصلوا ليي عشان يقولون ليي نفس الكلام
بعدين وحدة ويانا في الشغل قالت انها سنعت انها مفصولة
وصديقتي كانت توها قبل فترة والدة عنده قيصري وعندها متابعة
تاريخ 24/2
اتصلوا ليه قبل يومين وقالوا ليها موعدش تكنسل نهائياً
قالت ليهم ليش
قالوا ليها كيران هدتنا وما تبغي ترجع المستشفى
فألحين ما ندري هي استقالت لو هم فصلوها والعلم عند الله

خسارة عليها الدكتورة كيران كانت شاطرة كثير ، انا كنت اتابع عندها لين كنت حامل ...... بعد انا تونى امس اسمع عن هالخبر من اختى ........ والله من خسارة المستشفى لأنها شاطرة كثير.

هلا اختي
ماعندي فكرة عن هالخبر.
انا ولدت في التخصصي عن فرح وماشاء الله عليها وااايد زينة وارتحت في الولادة .

اعذريني أختي العيناوية على فضولي انتي من العين وجيتي ولدتي في التخصصي
ليش عنش اهل هني ، اعذريني على السؤال وإدا ما حبيتي تجاوبين طنشيه ومسامحة

انا التخصصي ماراح اطبه مرة ثانية... انا قالو لي عندج نقص في ماء الجنين وطرشوني اسوية الترساوند درجة ثانية فرحت مكان ثاني وجبت للدكتورة النتيجة.. الا تقول اوكي بس بعد ابيج تسوين الاشعة عندنا في المستشفى بشكل دوري كل اسبوعين ثلاثة.. هذا بعد ما خرعتني وني لازم احاتي ومدري شنو...
فكرت ورحت الطوارئ للحوامل السلمانية ووفحصوني وقالو لي مافيج الا العافية... والمكان اللي جاية منه يبون يكدون منج.... الصراحة احتريت ومو رايحة.. هذا كله غير التأخير اللي يطوف الساعة كل مرة اروح..

عيون ريمي:
اعذريني أختي العيناوية على فضولي انتي من العين وجيتي ولدتي في التخصصي
ليش عنش اهل هني ، اعذريني على السؤال وإدا ما حبيتي تجاوبين طنشيه ومسامحة

لا الغاليه عادي .. عندي أهل في البحرين وانا صار لي فترة هني عندنا ( بزنس ) :shy:

سألي على راحتج :shy:

مشكورين خواتي على الردود وعلى المعلومات بس وايد ناس كانو يمدحونها انها وايد شاطرة

بس راح يبين وين بتروح اذا تمت بالبحرين

soso84:
انا التخصصي ماراح اطبه مرة ثانية... انا قالو لي عندج نقص في ماء الجنين وطرشوني اسوية الترساوند درجة ثانية فرحت مكان ثاني وجبت للدكتورة النتيجة.. الا تقول اوكي بس بعد ابيج تسوين الاشعة عندنا في المستشفى بشكل دوري كل اسبوعين ثلاثة.. هذا بعد ما خرعتني وني لازم احاتي ومدري شنو...
فكرت ورحت الطوارئ للحوامل السلمانية ووفحصوني وقالو لي مافيج الا العافية... والمكان اللي جاية منه يبون يكدون منج.... الصراحة احتريت ومو رايحة.. هذا كله غير التأخير اللي يطوف الساعة كل مرة اروح..

اختي .. انا أشوف كل مستشفى له أيجابياته وسلبياته سواء خاص أو حكومي ، الخاص ما اقول كلهم زينين واكيد بعضهم يبغي الفلوس بس مو معناته نظلم الباقي والحكومي مايحتاي وااايد يشتكون منه وانا مو البحرين وانا اسمع عن السلمانية عندكم وشفت منهم بلاوي يوم انا في البحرين وكل مكان وكل دولة فيه شكاوى عن المستشفيات الخاص والحكومي .

وشكرا ، اتمنى تتقبلين راي بصدر رحب . :shy:

بصراحة بدون زعل الخاص على الأقل وايد أشرف من هالسلمانية اللي يقعدون يغلطون على الأوادم والله والعلاج اللي يعطونه الله لا يبلي احد اب هالمستشفي اقولها لانه تجربتي كانت حيل سيئة معاهم

انا ما اقول ان كل الخاص مو زينين... بالعكس... ومو كل الدكاترة يغلطون على الاوادم...
حتى صديقتي قالوا لها الخاص مدري وين ان الطفل نبضاته ضعيفة كلش وانه ماراح يبقى!!! هذا كلام يقولونه لوحدة حامل.. وهي طنشتهم وراحت السلمانية وكل شي كان عادي وولدت الله يخلي لها البيبي.. اللي بوصله ان السلمانية خبرة اكثر من المستشيفات الخاصة... وحبيباتي مافيها زعل كل واحد ورأيه