خوات زوجك

بعاملهم جدام زوجي ومن وراه نف المعامله.................وبحط حد لكل شئ....................لانه اذا عاملتيهم جدام زوجج غير ومن راه غير صدقيني معاملتج بتوصل لزوجج عن طريقهم وبتصير مشاكل مالها اول ولا تالي انتي في غني عنها.................لكن باسلوبج وبطريقه انج ماتجرحينهم حطي حد لكل شئ....................

عادي اعاملهم مثل خواتي


وإذا صارت بيننا مشاكل عادي كل الخوات يتزاعلون ويتراضون

انا ساكنة لوحدي وعلاقتي بخوات زوجي حلوة .. طبعا ماراح اسوي نفسي مثالية ( مثل ما طلبتي وعجبني طلبك ) بس لو حسيت في يوم من الايام انهم يتدخلون في حياتي راح اوقفهم عند حدهم بطريقة ما تجرح احد واطلع من الموقف بأقل الخسائر وانا امشي على قانون
(( اللي يدق الباب .. يسمع الجواب )) وعامل كما تعامل
اللي يعاملني زين اعامله زين .. واللي يدوس لي على طرف هو الخسران
ويمكن اسامح مرة ومرتين واتغاضى عن اغلاط الغير لكن لازم يجي يوم وانفجر وفي ذاك الوقت ما اعرف شلون اتصرف
بس ما احب اسلوب الطناش واني اكتم في نفسي وامرض حالي
كل شي بالتفاهم

مشكووورين بس اذا كان شايفهم يبون راحتج وسعاتج ويحبونج وانت اللي ماتعاملينهم عدل ومقصره معاهم ؟
وترى هم يقطون كلام الله لا يرويكم يابنات ولو جاملتيهم بيشوفه نفاق يعني احسه مب مقتنع

اشراااااااااااااااااااااااااااااااايكم

الحمد لله

تعلمت انا وزوجي ما ندخل اي احد بعد اليوم بعلاقتنا ..وانا علاقتي معاهم مفصولة لوحدها زوجي ما يتدخل نانا المسؤوولة عن اي رد ابي اقوله

كل وحدة عايشة لحالها ما يحق لحد يتدخل بحيات احد

طنش عش تنتعش..........اذا قالوا كلمه زينه ارد بالي احس منها.....واذا شينه ولا كأني سمعتها

ام ريلج فقولي له .....هذا اسلوبي عيبك حياك الله .......ما عيبك رد خواتك عني.....


كأني اليوم دفشه شوي.....

انا ارد على خواته و اوقفهم عند حدودهم بس بدون ما اغلط عليهم يعني مثل " و الله انا ما تعجبني الاسئلة الشخصية" و ابتسم ابتسامة تفهمهم انه وقفو و لا تزيدون .. و زوجي ما أدخله بالمواضيع هذه ابدا لانه الله يهديه غير متفهم.. اما امه اذا غلطت او تليقفت فاسكت او اغير الموضوع ( بس ما اعطيها اللي تبيه و اطنش ) و طبعا ما ارد عليها من باب احترام المسن ..

الحال من بعضه والمشكلة أني مسالمة وكله بغرفتي وما أزعجهم بس مدري ليش ما يحبوني ودوم يتكلمون عني عند الناس بس اللي يقهر يابنات ريلي ما يوقف معاي كله مع أهله حتى لو كانوا غلطانين يقولج هذوال أهلي بس بصراحة الحين وقفتهم عند حدهم وخبرت أهلي لأن أحيانا ماينعطون وجة وأنا تعبت من كثر الهموم وكل مشاكلي سببها هم لدرجة توصل أحيانا للطلاق والسبب هم يمكن هذا الحل الوحيد لراحتي واتمنى الله يوفقكم بحياتكم..

شوفي اختي انا ما جربت هالشي والحمد لله

بس راح اقول لك عن قصة زوجة خالي الله يعطيها كل خير على طيبة قلبها

زوجة خالي هذي يا سبحان الله ما لقيت وحدة بهالدنيا هذي كلها مثلها

استحملت مو بس خوات زوجها الا امه واخوانهم وزوجات اخوانهم

كانت تتحمل كل هذا وكل اللي كنت الاقيه على وجهها ابتسامة رضا وكلمة الحمد لله

والحين الله اكرم عليها ببيت بروحها

وصار الكل يزورها

تعرفين ليش؟؟

لان كسبت حب الكل وصار الكل يخطب ودها ورضاها

صبري وكسبي اللي حواليك وراح تلاقين الجزاء الجميل في النهاية

انا اقول انك توقفين كل واحد عند حده بس بشرط انه يكون باسلوب دبلوماسي...

يعني لا تخسرينهم و بنفس الوقت ما تضغطين على نفسك..

و الله يوفق الجميع

الشجره الطيبه تعطي ثمار طيبه حق كل انواع البشر

واذا الإنسان طيب يكون طيب مع كل انواع الناس الزينين والموزينين

نصيحتي انج بتملكينهم بطيبتج بس يمكن تنفرينهم وتكرهينهم فيج بمعاملتج القاسيه معاهم

اصبري والله بينول الصابرين

آآآآآآآآآآآآآآآآآآآآآآه من خوات زوجي


ما أحب أذكر شي عنهم عشان لاتكثر ذنوبي


بس الحمد لله على كل حااااال ومثل ماقالوا الاخوات طنش تعش


والله اني دوم ساكته وما احب اللغو والصرااااخ ومو من عوايدي


وأبتعد عن المشااااكل قدر ما أقدر ولله الحمد

والله اني مالي شغل فيهم بحالي مع عيالي ولا كانهم موجودين بحياتي بصراحة ولتخذت هذا القرار اخيرا وارتحت

الحمدلله ساكنة بروحي وبعيدة عنهم ومازورهم غير بنهاية الأسبوع.. ولحد الحين ماتدخلوا بحياتي الخاصة أنا وزوجي..
بس عادي فيهم طبع لو ماشافوك كم أسبوع مايتعبون نفسهم بالإتصال والسؤال.....

مشكوووووووورين يابنات على صراحتكم

بسأل سؤال ؟ هل اتحسين انهم يغارون ومن شنو؟؟ لبسج طلعاتج مع اخوهم ؟ وشلون تتصرفين ؟

حاولي انج تستقلين في بيت بروحج هاي احسن شي ولو ما قدرتي الحين قريب عادي عامليهم زين وجامليهم حاولي انج تشتغلين او تكونين مشغوله مع عيالج ولا تقعدين معاهم وايد وخلي لسانج معاهم لو كلمتيهم دايما مجاملات وكلام حلو ولاتسوين اي شي بيكون منه مشاكل عشان زوجج يشوف انج انتي اللي في حالج والغيره شي طبيعي اكيد بيغارون من لبسج وهالاشياء اكثر الناس تغار انتي لاتهتمين في غيرتهم دايما البسي لبس حلو واكشخي بس ساعات ممكن يكونون خوات زوجج مساكين يعني لو تقربتي منهم وطلعتي معاهم يصيرون يحبونج وما يرضون عليج انتي اللي معاشرتهم وادرى فشخصياتهم شوفي اللي يناسبج وسويه .

الحمد الله خطيبي ما عنده خوات

بس اخوان واصغار بعد

اختي باقولج شي واااحد والله لو انتي تعاملينهم اوكي هم يحطونج على راسهم وبالذات اذا انتي عندهم فالبيت واهم شي حبيبتي ام ريلج والله اللي تبي تكسب ريلهاا وتخلي يحبها ويموت فيهاا تكسب امه وهله وهالشي انا اقوله لج لان مرت علي حالات واايد جي يشتكوون من اهل وخوات الريل وهم والله ولا يدرون وين الله قاطهم ف الدنياا وباقولج ترى اللي ماتحشم اهل ريلهاا ريلها والله عقب فتره مايحشمها وترى هالله هالله ف نفسج ومب لازم تكونين وياهم وااااااااايد ع الاقل المعامله الطيبه عشان اذا طلعتي يذكرونج بخير ولاتنسين انهم ف يوم من الايام بيكونون عمات عيالج يعني وراج وراج ههههههههههه بس والله انصحج لاتغلطين غلطت الكل وتقعدين تلقبينه على خواته وعقب هو يلقب عليج وياهم لان الريال من طبعه ما يحب اللي تشكى واايد وبالذات اذا من هله واسمحيلي طولت عليج

والله شوبدي احكيلك بس اخ من خوات الزوج
انا زوجي كان اله اخت يحبها ويموت عليها لدرجه مسمينها تؤام روحه وجوزي كتيرحنون وهذا مايضر ولا يزعل بالعكس الامافي خير لاهله مافي خير لحد
المشكله انها تبين لزوجي انها بتموت على وتصدقوا انها ما بتحبني:sad: وبتغار مني وانا بالغرب وفش الاهي ولما اولد مابتقول تني احمم البابي وله اجي اشتغلهاوانا ماعندي شغالي وبكون نفاس وكل شي انا وزوجي من ساوي ومع العلم كنا جيران:qaq:
وكمان اذا رحنا عند اصحابنا وكانت معاي بتكون تستنى مني على غلط عشان تاني يوم تتصل على اخوها وتقله الله يسامحها عملتلي اكتر من مشكله بس الحمد الله اخر مره اعرف اتصلت على مره وسمعت زوجي اني ماحكيت اشي وتصور طلعت كذابه وناويه على خراب بيتي:angry:
بحاول اقد مافي اكبر عقلي واعاملها مليح احنا بالغربه مالناش الابعض بس ياحيف ماينفع لمليح بهذا الزمن :sad:
مليت وكرهت كل خوات الزوج لجلها ولوتشوف دايما تعباني انا مو ملاك بس مابحب حدا يغلط فيني لاني بمسح فيه الارض وبتعرف مع دار الحمى صعبه(n)